طلعت على درج البناية ونبضات قلبي عم تتسارع بكل خطوة عم اخطيها وقرب من شقتهم
وبالمناسبة انا رح شوف رفقاتي من جديد بعد غياب...ونسيت خبركم اني كنت مسافرة وماعدت تواصلت معهم ومابعرف عنهم ايا شي
حتى آدم بعد وفاة صديقنا محمد ترك التمثيل ولغى عقدو معنا
أخيراً وصلت لباب شقتهم...رفعت ايدي حتى دق الباب ورجعتها من جديد
بعدت عن الباب ونزلت عالدرج...فجأة ترددت ومابعرف ليش
مافيني اتخلى عن هالعادة(الخوف والتردد قبل اي شي بدي اعملوا)
حطيت ايدي على قلبي وغمضت عيوني واخدت نفس عميق ورجعت دقيت الباب
بينفتح الباب...بطلع مافي حدا
كيف هيك انفتح الباب لحالو؟!
بحس بشي عم يشدني من سترتي...بتطلع تحت وإلا طفل صغير عم يشد سترتي وبيطلع فيني وبقول:انا هون تحت شو بدك من ماما
ليال:مين انت ومين ماما،و وين انا...شو تزوجوا؟!!!
فجأة بتجي مرة حامل ماسكة ظهرها وعم تصرخ:لك ياسعدان مين عالباب
بتحط ليال ايدها عتمها وبتقول:حامل كماان!!
كل هاد صاير بغيابي
بتقرب الأم من ليال وبتقلها:تفضلي ياأختي
ليال:شكراً..كان هون بهاد البيت اربع شباب وينهن،انتي زوجة اي واحد فيهن؟
بتضحك الأم وبتقول:ولا واحد..الشباب يلي كانوا هون طلعوا من زماان من البناية ومابعرف شو السبب
ليال:عنجد!...طيب مابتعرفي وين راحوا؟
الأم:لا والله..فيكي تسألي جيرانا يلي مقابيلنا،بظن بيعرفوا لان كانوا صحاب
ليال:طيب شكراً
بتدق ليال باب الجيران...بتفتح الباب صبية بأيدها مكنسة وبتقول بعصبية:تفضلي شو بدك؟
ليال:لا ولاشي بس كان بدي اسألكم عن الشباب يلي كانوا مقابيلكن،بتعرفوا وين راحوا؟
بتسكر البنت الباب بوجهها وبترجع بتفتحوا وبتقول:لاتجيبيلي سيرتهم
صوت من جوا:ياميرو مين عالباب؟
ميرو:ماما هي بنت عم تسأل على عنوان الشباب لغلاظ يلي كانوا مقابيلنا
ليال بقلبها بتقول:اذا البنت طلعتلنا بالمكنسة الله يسترنا من الأم
بتطلع الأم ماسكة المساحة وبتقول:تفضلي يابنتي،ماتواخذينا كنا عم نعزل البيت
ليال:عادي ولايهمك...ممكن تعطيني عنوان السكن الجديد للشباب يلي كانوا مقابيلكم
الام:من عيوني
- بتاخد ليال عنوان السكن وبترجع على بيتها،وتاني يوم بتطلع تدور على رفقاتها
يتبع...
