Roni & Laila

Nulus rawai

Jam 7 hambat lewat 33 menit.

Dalam kamar roni.

" Roni o ron mingat leh dah jam 7 lewat ini bila lagi awak mingat, ndik ngangkit rawai kah ron? " Grak mama roni.

"Tumat dulu ma' maseh ngantok" sahut roni

" Be' e kanak ini cepat hak ron leh tu tono nunggui awak"

" Ayo hak ma leh" bangkit jua hak roni , mau hek mau kawan dah btungguan.

"Iya mama ndak nyiang jukut dulu" sahut mbok lis langsung ngalak lading lobok nyiang jukut gentilap bolehan roni malam tadi.
....

"Ma ku tulak dulu, Assalamualaikum"

" Ya bebaik ron, waalaikumsallam

...

Di rantau..

" O ron apa rupa rawai awak banyak kah boleh" tono betanya sambil merahong, mana amun ktinting bilang bekusut lalu lalang.

" Delit hak no, mun 2 kilo ada tgaknya nii" sahut roni hek kalah nyaring.

...

Di kampong.

Roni mulang tama rumah ndak mendi maha lagi turun ke batang pian.

Blum jua turun dah ada mama nya ngiau.

" O ron" kiau mamanya

Roni baya melengah maha, hbstu megi'i mama nya.

" Kenapa ma"

" Anu tua jeriyah awak tadi btanya jukut, mun ada nya ndak sekilo pakai meri makan urang bekerja, empai urang betasmiyah anak kak lina awak"

" Oh ada hak ndia aku nimbangkan, aku ndak mendi dulu"

"Ya"

...
" Sekilo kah tua?"

" Iya ron tua ndak sekilo baong gala ron yoh"

" Iya tua"

Roni lalu ngalak timbangan, nimbang jukut tua jeriyah tadi.

" Sekilo pas tua "

" Berapa ron?"

" Tegak biasa tua , 40.000"

Tua jeriyah tadi langsung hak ngeluari pitis 20.000 2.

"Ni ron, makasih yoh " smbil meri pitis

" Iya wa sama sama " smbil nymbut pitis

" Eh ya ron empai urang duduk kerja tasmiyahan anak kk awak datang hak yoh ron bawaki gala mama awak , ndia ada jua ku madahi mama awak" bunyi tua mhundangi.

" Iya tua pasti ku pegi, hek trasa wa yoh dah jadi nenek kita" bunyi roni nggurawi tua nya

" Yahak tu ron, tuha dah tua ni, awak bila lagi ron. Jangan lelawas ron" tua balik nggurawi

" Ya tahu nya tua bila kah " sahut roni supan sambil bgaru kepala nya yang ndik gatal. Nya osok beneh bila ada yang betanya tegaktu.

" Iya ron tua mulang dulu " tua jeriyah mulang sambil nenteng jukut.

....
Roni baru naek mendi, ndak bejemoran. Hek lawas mama nya keluar dah rapi bejilbab , ditangan sida ada kresek beisi beras tegaknya ada hak amun baru 2 blek susu, dengan hak gula sekilo, teh sekotak.

" Ndak wadah tua kita ma " roni betanya ke mama nya.

"Iya ron, tu amun awak ndak makan ada sanga cabek baong dalam gentong beras. Habis makan taroh dalam gentong lagi, mun hek awak taroh situ habis dimakan ulo" bunyi sida madahi roni.