Dead Tune

3ʳᵈ Note

3ʳᵈ Note

Ang hirap makahanap ng timing to talk to Fuego. While walking, I could only suit myself by looking at his back. Straight body pa rin siya at maganda ang posture. Meron din siyang tattoo sa gilid ng right hand pero hindi ko gaanong makita.

'Sabi niya dumi sa katawan ang tattoo? Hmp. Siya rin pala ang kakain sa sinabi niya. Pero above all the new things, kumusta na kaya siya? Mukhang nakilala niya naman ako. Hindi lang siya nagsasalita.

"Hi," naglakas-loob akong sirain 'yong silence.

"Yes?" Smiling, Lorelle turned her head to me.

"Our luggages. Wala pa kasi sa 'kin 'yong things ko..."

"About that, sure naman ako may label na 'yong luggages n'yo. The school staff will just bring them to you guys. Right, F?" Siniko niya si Fuego.

Wow, close ba sila? May pagsiko. Napatikhim ako. Pa'no niya nagagawa 'yon? I want!

"Yes, just wait," tipid na sagot ni Robot boy.

Nakaka-frustrate! Kaya nga ako nandito for him. 'Tapos hindi niya man lang ako papansinin? Wala man lang small talk?

"Sa Sandelphon department ang lahat ng music class. It may not seem like it, but the academy is huge. It just so happens na buildings sa 'tin 'yong malapit sa entrance," Lorelle narrated.

"Can I ask a question?" The younger boy raised his hand. "I'm Dexter po, by the way."

"Sure, cutie. Ano 'yon?"

"Bakit po sobrang dilim ngayon?"

I bit my lower lip. Humigpit ang kapit ko sa flash light. Isa kasi 'ko sa naghahawak. Si Fuego at Lorelle 'yong dalawa pa. Oo nga naman. Gosh, Fuego, wala man lang bang proper utilities dito sa school mo? Ano bang meron dito at parang ayaw mo na 'atang umalis.

"One of the school's mission is to be environmental-friendly. We use solar panels and decrease the use of light bulbs." Si Fuego.

"With respect to the light pollution. Pero tomorrow morning, maliwanag na ulit ang buhay!" dagdag ni Lorelle.

Marami pang idinaldal si Lorelle. Nakikinig naman ako habang pinakikiramdaman si Fuego. I'm a bit blue that he's not paying attention to me. Samantalang kanina halos manghigop na siya ng kaluluwa sa titig niya sa 'kin.

Stress! Sana naman kapag kaming dalawa lang kausapin niya 'ko. Kasi kapag hindi, mapipilitan talaga 'kong gawin 'yong mga hindi dapat. Pero s'yempre, pure joke only. 'Di ko naman gagawin 'yon tutal narinig ko kanina na may position pala siya sa student council. Napaka-workaholic talaga.

"Escort the girls to your dorm, Elle," Fuego instructed.

Nakakabuwisit 'yang pa-nickname nila, ha. I crossed my arms. Ano kaya siya ni Fuego? Girlfriend? Best friend? Friend? Acquaintance?

"Okay, ikaw na bahala sa boys. See you tom na lang." Nag-wave si Lorelle 'sabay flying kiss.

Promise, sinubukan ko namang mag-hold back sa pag-irap kaso naiinis talaga 'ko. Nahuli pa 'yon ni Fuego. He gave me a knowing look, 'tapos umiwas na agad siya. Lah, ano 'yon? May pa-silent warning.

Puwes, gugulatin kita sa changes ko. 'Kala mo, ha. May 30% pa siguro kong immaturity pero at least, nag-mature na 'ko. I'm not overly the same as before.

Nag-separate ways kami dahil pa-letter U 'yong pathway papunta sa dorms. Sa kaliwa 'yong sa boys kaya do'n sila dumaan. Si Lorelle 'yong kasama naming no'ng dalawa pang girls.

"Maraming pagkain dito sa Girls' Eden. If you're curious, the school supports women empowerment so they shoulder all our needs." Tumigil saglit si Lorelle at nagmuwestra na parang may ibubulong. "Including the pads."