مـــجــهول اسـتـوطـن كـيـانـي

11

شاف فالسكريتيرة و نطق عيطي عليها دخل عندي داابة...

_آنسة سحر تكلمي لمسيو يحيى بناني تفضلي

سحر رجليها فشلو علينا شدها واحد التوتر فشكل فكرات تهرب كاع و ترجع منين جات بالناقص من شي خدمة .
لأول كاتحس بداك التوتر دخلات عندو بخطوات بطيئة و مشية مزونة..

هز هو عينيه كايشوف فيها و نطق :
_سدي داك الباب و تفضلي..

برقات هي عينيها بتوتر و هي كاتقلبهوم فارجاء البيرو لي مخدوم بالخشب الغاالي مزينينو شواهد و جوائز اضافة الى ديكورات بساط و غاليين:
_هااء نسد الباب؟

هز فيها حجبانو باستغراب:
_ايه

_علاش بالسلامة زعمة غير خليه..

_انسة كناني واش بيخير ؟ راه ماغن...
حلات عينيها بالجهد قبل يكمل: ماغانكلكش..

تنهدات و هي كاتلعن تفكيرها السافل و سدات الباب مع ابتسامة صفرة و مشات جلسات ...

بعد حديث طويل وراتو فيه شواهدها و الديبلوم لي عندها فإدارة الأعمال.. هضر:
_ مادموزيل سحر انا هنا ماكايهمونيش الشواهد ماكناخدهومش بعين الاعتبار قد ماكانهتم للخبرة ياك .

_ كنت درت السطاج فالشركة ديال الكناني لوحد المدة قصيرة ( شركة عائلتها كانت كاتهدر معاه برسمية )

_مممم مزيان، مهم ا للا غاتاخدي واحد شهراين ديال السطاج غاتخلصي فيها و من بعد تبداي معانا الخدمة رسميا مزيانة؟