حيآتي ✍️🖤

رسائلكم❤🙏

سلام عميراتي جيسبااغ تكون كامل بخير وعلى خير رجعتلكم اليوم بnvl حلقة من سلسلة رسائلكم  نعتذر من كل وحدة بعثتلي حكايتها ومدرتهاش dzl مكانتش عندي cnx غير اليوم خلصتهاا وعجبتني حكاية الاخت الكريمة من ولاية بجاية تقول فيهاا

سلام أختي شيماء نتمنى تكوني بخير جيت اليوم نحكيلك حكايتي واعرضيها على متابعين دياولك يعطوني حل راني ملقيتش وين نحط وجهي من الحشمة bon  نحكي واش صرالي انا عمري17 سنة نقرىBACالسنة شعبة علوم منحبش الفيزيك بزااف اياا الاستاذة تع الفيزياء مرضت ودات كونجي 5 شهر وجا في بلاصتها أستاذ جديد كانو ڨاع يحكو عليه ومتحمسين يشوفوه غير انا بيسك قلت بيانسوع يجؤ واحد كبير الشيب والعيب دخلت كالعادة قعدت في بلاصتي وقعدت نستنى في الاستاذ هو دخل وانا دخت في زينو هداك الكور وهديك المشية يالبنات كتلة جمال يهبل يهبل يهبل عشقت فيه من الضربة الاولى😍 مي انا من النوع الي منبينش وقلت يبقى استاذي اياا حطيت راسي في الطابلة راح نرقد محسيت غير بخبطة في الطابلة نضت بفجعة خزرت لقيتو هو وانا فمي مشرك قتلو وشبيك ماكش تشوف فياا راقدة تشوكا فيااا بيسك وجهي صحيح قالي jpns راني دخلت للكلاصة وراكي جاية تقري مش ترقدي وانا نقعد في الطابلة لولى قراية زعما قتلو منيش حابة نقرى تعبانة قالي تعبانة اخرجي قتلو اوك وخرجت بكرامتي مالغري زينو يهبل وضحكتو تقتل مي فمي كلاني منقدرش هزيت حوايجي وخرجت بكل كرامة من بعد لحقني رئيس القسم قالي راهو راح يديرلك تقرير ايا انا تشوكيت بيسك صمطها مش لدرجة هادي قتلو اوك كيما يحب عيطت لبابا وحكيتلو لحكاية جا بابا خرجني وحكا مع الاستاذ وقالو راهي مريضة وديما تتعب في الحصص الاخيرة طلب السماح الاستاذ وقالي مكنتش علبالي dzl وضحك معايااا وانا متت وحييت من هديك الضحكة تقتل😋فاتو ليام وانا نقرى عندو وديما يضحكلي ويخليني نخرج البرا نتنفس وانا مطفياتو بيسك شفت خاتم خطبة في يدو صح زعفت مي من بكري هو استاذي مدرتش في بالي بزاااف اياا اليوم كانو عندي زوج حصص معاه لخرين من 11للوحدة وانا نفشل في الحصص الاخيرة ديما مام هو والف بياا وانا فيزيك جامي كتبت ولا تبعت الدرس بيسك نبقى نكحل على الاستاذ 🙂🙃 حكمني الفيد والاستاذ راح لأخر القسم اياا جبدت تليفون وقاعدة نلعب في كلمات كراش نموت عليهاا زهري ديما ضدي اياا جا الاستاذ من وراياا مد يدو وجبد التليفون من يدي وقالي اخر مرة تشوفيه قلبي طاح يالبنات يقتلني وميديش تليفوني راهو حياتي قعدت نخزر فيه ملقيت منقول بيسك راسو حجرة اياا سكتت بكرامتي خير مقلت والوو مي زعفت  تع الصح اياا درت الكمامة ديالي وقعدت نخزر في الصبورة هكاك وانا نغلي من بعد مخزرتش فيه مامبا وقتلو نخرج قالي تفضلي خرجت ولحقني ايماجيني يالبناات انا خفت قلت يغتصبني اياا رحت لجنان تع الليسي وقعدت تم جا قعد حداياا ملقيت منقول تشوكيت ماهذاا وشبيه جدو هدا قلت هكدا مد يدو ونحال الكمامة ماهذه الجرأة عاودت رجعتها وقتلو راك cv استاذ قالي منيش cv قتلو غير الخير خليت تلاميذك ولحقتني قالي زعفتي كي نحيتلك تليفون قتلو زعفت كي مكملتش لعبتي قالي راكي كبيرة قتلو مام نتاا راك  كبير تبع في تلميذتك للجنان ونضت راح نروح حبسني عطاني تليفوني وقالي اخر مرة تجبديه في حصتي ومتزيدش تزعفي ميواتيكش الزعاف وانا قاعدة نخزر فيه كالبهيمة غمزلي وقالي مطوليش بزاف نتوحشك وراح جاتني صدمة عريضة حسيت روحي نحلم يالبنات قاعد يضحكلي طول الحصة وانا ميتة من الحشمة حبيت نسقسيكم دك هدا بنادم واش ندير في حياتي دك مفهمتش وشبيه ؟ اعطوني تفسير لما حصل ؟؟؟
______________________________________
هياا عميراتي المحقيقن اعطوها تفسير انا بنفسي معرفتش واش نقلك طاح على راسو تبالي🙂❤
HajerSe القصة الي فاتت تع التحرش صاحبة القصة توجهلك تحية وقاتلك مغسيي بزااف على نصيحتك عجبتني❤