سلام البنات جيسيباغ تكونو كامل بخير وعلى خير😁 اما بخير حمدالله😊 والله راني مع الدار والفيد هكداك وشغل الدار اسكو راكم كيفي؟؟😭😑 بون حنوناتي منطولش عليكم هدا البارت درتو لحبيبتي مريومة الزينة بيسك طلبتني فيه وبيان سوغ منيش راح نردها 😍 الموضوع تاعنا اليوم هو كالتالي أنواع البنات 👩والشباب👨 في الجزائر🇩🇿 كاين بزاااااف أنواع تع ولاد وبنات في دزاير كاين المليح وكاين الخايب اليوم راح نحكيلكم على كامل الانواع وكيفاه تتعاملو معاهم وتتجنبو المشاكل👌🙃 نبدوا على بركة الله♥
-أنواع البنات : 1- الحساسة 😌: الطفلة الحساسة تتجرح من أبسط الأشياء يمكن الشخص يقلها كلمة تجيه نوغمال مي هي تتجرح منها ديما تبكي وتنوح🙂😂 جوست هي تخاف وتبين الشعف تاعها بزاااف على بيها يقيسوها أقرب الناس ليها 💔 وبالنسبة للتعامل مع هدا النوع لازم تتعاملو معاها بحنية وبلطف وتحاولو تخففو عليها وتحسوها بلي كاين شخص معاها وواقف حداها ❤ 2-القوية👌: هدا النوع بزاااف خطير نحكي سيغيو غير خافو من هديك الي ديما قوية ودمعتها جامي لاطيح هدا النوع تع البنات تع الصح تعرف الدنيا متبينش ضعفها للناس تبكي بينها وبين وسادتها تضحك في وجه الي يكرهوها والي يحبوها متحبش أي شخص يستشفى فيها 😌ولا يحكي عليهاا تلبس مليح وتتهلى في روحها 💅👗وديما راسها مرفوع👑 هاد الطفلة تنجح في حياتها عفسة مطيحها مي بينها وبين روحها تبكي وتتجرح مي قدام الناس نن إذا نتي من هاد النوع قوليلي لهنا ( ااا تفكرت كومنتو يالبنات في وسط الفقرات باش نعرف على واش تحكو إكزاكت كليكو على الفقرة وكومنتو😚)
3- الإجتماعية 😊: هدا النوع حبيت نحكي عليه بزااااف حنا في دزاير وبكل صراحة تبانلنا الطفلة الي تضحك وتحكي مع الولاد وتحكي مع الناس نقولو عليها خلاطة 🤮وخفيفة حبيت نوضح بلي هاد النوع مهيش خلاطة وخفيفة جوست هي تحب تضحك وتتعرف على ناس كثر😀 وتنحي على خاطرها ctt ❣️ وقليل الي يفهم هاد النوع بسك يخبي كلش في قلبو وبخصوص التعامل مع هاد النوع ساهل بزااف 👌❤ 4- المهبولة 😜: هدا النوع من البناات الي عندنا بزاااف في بلادنا تلقاها ديما تضحك ودير عفايس تع ولاد صغار وميهمها في حتى عبد هادي تاني فاهمة الدنيا صح تضحك وتلعب وتنحي على خاطرها وحاجة متهزها 👌🤗 قلبها أبيض والي في قلبها على لسانها ❤ دك كملنا أنواع البنات واذا نسيت كاش عفسة فكروني🙃 اصبروني نروح ناكل ونجي نكمل أنواع الولاد😌👌 أني جيت 🙂😂 -أنواع الشباب👨👌: نقلكم عفسة أنا بالنسبة لياا مكانش أنواع للشباب بيسك كامل كيف كيف خلي نحكو عليهم شوي الولاد تع دزاير بمعني أوضح حلابين مي البعض فقط الي ميخدمش ولا ميقراش تلقيه مداير كرسي وقاعد حدا كاش ليسي ولا متوسطة يعس في الي طالعة والي هابطة ويحكي في بنات الناس 🤒هدا النوع انا نعافو ونكرهو بيسك الي يحكي في بنات الناس وميخافش على اختو ولاأمو ولا بنتو راهو مهوش راجل 👌عندك تاني الي يلعبها خشين وقافز زعما وكي عاد هو زين وبڨوص البنات يتلاحو عليه هداك تلقيه مديها في روحو بزاااف🤮 وميتحملش ويتمسخر بالبنات يقلها نحبك ونموت عليك وفي الاخير يخليهم 💔 بعد مكملنا هادو نروحو للنوع الجميل تع الولاد والي هوما الرجال تع الصح بالفعل مش بالكلام تلقيه حنين ويخاف ربي والديه راضين عليه وربي سبحانو تاني يخاف على عرضو وشرفو وجامي يقوى كلام مش مليح للطفلة ولا يقيس كرامتها😌 الا اذا تجاوزت حدودها تلقيه يخمم في حياتو المسقبلية😁 واذا حب من قلبو جامي يسمح فيك ولا يخليك ويكون ناوي الحلال يخاف عليك وينصحك للخير يغير عليك وميخليكش ديري عفسة غالطة وتضرك❤ اذا طحتي في شخص كيما هدا عندك ثم عندك تخطيه ولا تسمحي فيه بلاااكي👌 ياربي نطيح في شخص كيفو برك مالغري لحد الان ملقيتش إنسان فيدال وحبيت تاني ننصحكم يالبنات بلاكو تحبو ولا تعشقو في سن المراهقة هاد العفسة حكيت عليها في البارت الي فات وراح نزيد نحكي عليهاا الحب يجي بعد سن 20 تكوني تخمي في الزواج مش لعب الصغار 😊 هادي مني ليكم 😚❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ودك نخليكم تهلو في رواحكم بزااف ونتمنى اني راني نفيد فيكم مش نكتب برك ومنيش راح نكتب لفترة بيسك مكانش التفاعل ابعثو لصحباتكم يجو يقرو ويفيدو رواحهم👌🙂 فوت+كومنت
