الاستيقاظ من الموت المؤبد

بارت 1☺️♥

الهم العوض الجميل بعد الصبر الطويل، اللهم دربا لا تضيق به الحياه، وقلبا لا يزول منه الامل، وفرحه لا تذبل ولا تموت ابدا
نبدأ روايتنا بقا🌚♥
~~~~~~~~~~~~~~~~~//
تقف بطلتنا رهف امام مقبره وهي تنظر للصوره التي وضعتها علي المقبره منذ12عام
رهف بأبتسامه: عزيز فاكر الصوره دي انت اتصورتها ازاي

فلاش باك في المدرسه الثانويه قبل 12عام ~~~~~~~~
كان يجري شاب في العمر ال 19متعجلا
رهف بقلق: هو عزيز اتأخر كدا لي
عزيز من خلفها وهو يلهث: انا جيت
رهف بتذمر طفولي: اتأخرت كدا لي المفروض تصور صوره تخرج الثانويه من نص ساعه
عزيز متجاهل كلامها: شعري مظبوط
رهف: مظبوط اي بس انت عرقان ومتبهدل كدا لي كنت بتحارب الهكسوس
عزيز بخيبه امل مصطنعه: مالوا شعري باظ
رهف: هو انا لسه هشرحلك انزلي شويه عشان اعرف اظبطلك شعرك
عزيز بأبتسامه واسعه: ماشي يا قصيره
اقتربت رهف لتلمس جبينه لتزيل العرق اثر الجري
رهف: مالك بتتحرك كدا لي اثبت متتحركش
عزيز بتوهان من لمستها وقربها: ها
يقطع رد رهف دخول أصدقائهم
جهاد وهي ترسم قلب في الهواء: عجيب يا اخي مالكوا قريبين من بعض كدا لي متقولوش انكوا بتصورو مشهد روميو وجوليت
سالم وهو يعدل نظارته: اعملوا طب يجماعه حساب للسناجل الي زي
بدر: حد يجيب كاميرا نخدلهم صوره الفرح
رهف بتذمر: عارفين لو حد نطق كلمه كمان هسلخه قبل ما ادبحه
جهاد بنظره خوف مصتنعه لعزيز: انت مصاحب الرجل الاخضر
رهف بغضب مكتوم: عارفه لو احنا مش في استديو المدرسه كنت وريتك الرجل الاخضر بحق وحقيقي
عزيز بضحك: خلاص بقا يلاه عشان اتصور ونمشي
رهف بأبتسامه لعزيز: يلاه وافتكر متبصش اوي في عدسه الكاميرا وانت بتتصور
هز عزيز رأسه ب ابتسامه: شكلي حلو دلوقتي؟
رهف بتوهان: قمور
عزيز ب ابتسامه لطيفه: هرجعلك تاني هروح اخد الصوره
(كان يجلس عزيز علي مقعد لاتقاط الصوره ورهف وجهاد و سالم وبدر ينظرون له)
عزيز بتوتر للمصور: انا جاهز يلاه
المصور: بص في العدسه واضحك ضحكه خفيفه
عزيز بتوتر اكتر: ماشي
رهف: مالوا متوتر كدا لي
المصور: عزيز ارخي جسمك واضحك
عزيز وهو يرخي جسمه: تمم
المصور: اضحك يا عزيز وكون علي طبيعتك هصور
عزيز بتوتر : ماشي
( رهف من خلف المصور تحاول جذب نظر عزيز وترقص رقصات مضحكه)
عزيز ينظر لها وينسي توتره وينفجر في الضحك عليها
المصور وهو يلتقط الصوره: ايوا كدا خلصنا
فلاش باك امام المقبره~~~~~~~~~~~~~~
رهف بدموع: الوقت بيعدي بسرعه اوي تخيل يا عزيز عدي 12سنه علي موتك تعرف انا بقي عندي 31سنه
(وبضحكه)كبرت مش كدا انا لازم امشي بقا عشان شغلي هرجعلك تاني وهنقعد مع بعض زي كل يوم باي
في مكان اخر تحديدا سطح المدرسه~~~~~~~~
كان عزيز نأم علي سور السطح ويرتدي زي المدرسي
عزيز يستيقظ ويفرك عنيه: ياااه الواحد حاسس انو صاحي نشيط ونام كويس وينظر حوله متفجاء) اي دا انا اي الي جابني علي السطح
( وبيمشي عزيز لفصله وبيلاحظ زي الطلاب مختلف وبيدفع باب الفصل وهو ينادي)
عزيز: رهف
المدرس ب استغراب: انت مين
عزيز: انا عزيز
المدرس مقاطع كلامه: انت جبت الزي دا منين دا الزي القديم
عزيز: قديم ازاي يعني
المدرس: دا زي المدرسه من 11سنه
عزيز: 11سنه ازاي يعني ده انتو مجددينو من سنتين
المدرس: انت هتهزر انت موجود هنا في الفصل
طالب: لا مش معانا اول مره نشوفه
المدرس: اطلع يلاه برا ومتمشيش بي الزي القديم تاني
عزيز خرج امام المدرسه بضيق: اي الي بيحصل دا وازاي يحصل انا مبقتش فاهم حاجه
(وبيلاحظ عزيز ورقه علي باب المدرسه لرحله يوم 11/3/2022)
عزيز ب استغراب : 2022!!!!!!!!! هو مش المفروض نكون في 2010؟؟؟ معقول عدي 12سنه طب ازاااااااي انا لازم اروح البيت اشوف جدتي والباقي
في الاتوبيس عند رهف~~~~~~~~~~~
كان يوجد مقعدان جلست رهف في واحد وجاءت فتاه جلست في الثاني ونظرت لها وتحدثت
بسماجه: معلش ممكن تنزلي وتركبي صحبتي عشان احنا اتنين مع بعض اركبي الاتوبيس الي بعدو
نظرت لها رهف بسخريه: يا ضنايا تصدقي قطعتي قلبي لا ووهعيط كمان بقولك اي انزلي مع صحبتك يلاه عشان متقفش لوحدها يلاه يا حببتي قال صحبتي معايا قال نقصاكي هي كمان عالم فاضيه
(كان بيجري عزيز ويعدي الطريق)
رهف وهي تنظر من الشباك بصدمه: معقول عزيز
اقف هنا بسرعه لو سمحت لازم انزل اقف بسرعه
رهف نزلت وبتجري تدور في كل مكان: ازاييي انا شفتو راح فين (اكملت بدموع) اي الغباء دااا خلاص عزيز مات امتي هقتنع مبقاش معايا خلاص سبني ومشي سابني لوحدي ومشي مات والي بيموت مبيرجعش تاني (انفجرت في العياط)
رجل عجوز: مالك يا بنتي بتعيطي كدا لي
رهف ب ابتسامه: مفيش انا لازم امشي فين شنطتي
(وفجأه توسعت عنيها وعيطت تاني) الشنطه في الاتوبيس
عند عزيز وهو بيجري اتجاه منزله~~~~~~~~~~~~~~~
عزيز بيشد علي شعره بعصبيه: ازاي الشوارع اتغيرت كدا ازااااي( وبيدخل بيته) اي كل الحجات الي في البيت دي جت منين وفين جدتي!!! (عزيز بصوت عالي) جدتيييي انتي فين وبيتجهه لغرفته
عزيز: اي دا صور مين دي مين الناس الغريبه الي حاطه صورها في بيتنا دي انا مش فاهم حاجه
رجل من خلفه: انت مين
عزيز بأبتسامه: اهلا انا عايش هنا في البيت دا متعرفش جدتي واخواتي راحوا فين
الرجل ممسك عزيز من لاياقته: انت هتستعبط ياض كنت جاي تسرقني يا حرامي
عزيز: انت بتعمل اي ابعد ايدك انا مش حرامي
الرجل ممسك فيه: سرقت اي يا حرامي قولي
عزيز: بقولك انا مش حرامي مسرقتش حاجه
الرجل: تعالي معايا للقسم يا حرامي
عزيز وهو يبعد يد الرجل: ابعد عني بقا بقولك انا مش حرامي (وبينظر للرجل بصدمه وبيرجع يبص لايده) ااانننت طارت كدا ازاي ( وبيجري عليه) انا اسف معرفش دا حصل ازاي انا زقيتك براحه والله انت كويس
الرجل بخوف: ابعد عني
عزيز: صدقني زقيتك براحه معرفش حصل كدا ازاي انت حصلك حاجه
الرجل بخوف اكبر: ابعد عني
عزيز: خلاص همشي بس هلملك الحاجه الي وقعت منك دي (عزيز وهو يدير ضهره للرجل) انا بجد ليا اسبابي اني ادخل البيت انت ساكن هنا من امتي (الرجل من خلفه خبطه علي رأسه ب الحديده)
امام المقبره~~~~~~~~~~~~~~~
يقف رجلان وبنت يقرؤن الفاتحه
جهاد بعياط: عدي علي موتك 12سنه يا عزيز حقيقي مش مصدقه ان عدي كل دا وانت مش معانا
بدر: الله يرحمه وحشتني اوي يا صاحبي كنت اقرب حد ليا
سالم بدموع: ادعولوا يا جماعه ادعولوا
في المستشفي عند عزيز ~~~~~~~~~~~
الدكتوره: عندك 20غرزه علي جبينك خلي بالك عشان ميحصلش نزيف ولازم تاخد الادويه
عزيز : تمم شكرا
الظابط: انت لو حتي مسرقتش حاجه دخولك لبيت الراجل يعتبر جريمه سرقه انت ازاي تدخل بيوت الناس كدا اصلا انت طالب ولابس كمان زي المدرسه واكيد عارف الصح من الغلط قولي تاريخ ميلادك اي عشان المحضر
عزيز: 11/مارس/ 1987
الظابط: قلت اي ازاي اتولدت في 1987 وانت طالب في الثانويه
عزيز: بظبط كدا يعني اي التاريخ يتقدم ب الشكل دا فهمني عشان انا خلاص هتجنن
الظابط: انت شكلك بتستظرف عايز تفهمني ان شاب في االثانويه عنده 31سنه انت بتتجرء وتهزرز معايا كمان
تعالي معايا القسم يلا قوم
عزيز: استغفر الله العظيم واله هزرت معاك واله حاجه سألتني وجاوبتك
الظابط: قوم تعالي معايا يلا
في قسم الشرطه ~~~~~~~~~~
الظابط: انا دلوقتي هعرف تاريخ ميلادك من السجل علي الكمبيوتر عشان تستظرف تاني اسمك عزيز صح
عزيز: ايوا
الظابط: وقولتي انك طالب صح
عزيز: ايوه طالب في الثانويه اخر سنه ليا
الظابط وهو يتفقد الحاسوب: الاسم عزيز تاريخ الميلاد 11/3/1987 (فجأه توسعت عين الظابط) خليك ثانيه واحده هنا اوعي تتحرك من مكانك
(الظابط وهو يجري بأتجاهه مكتب رئيس القسم)
الظابط: كنت عايز اسأل حضرتك علي حاجه يا استاذ بدر
بدر: خير في اي
الظابط: هو جهاز الهويات الي بنستخدمه ممكن يطلع معلومات غلط او يخرف
بدر: لا طبعا محصلتش قبل كدا لي بتسأل
الظابط: في واحد اقتحم بيت راجل وعمل قضيه ولقيت غلط سخيف في جهاز الهويات غلط سخيف جدا يعني لقيت طالب في الثانوي ولابس لبس مدرسه عماله يقول انا مواليد 1987 مستحيل يكون صح لان انت كمان يا استاذ بدر اتولدت في نفس السنه وعندك 31لكن هو طالب ثانوي وشكله صغير مستحيل يكون عنده 31سنه
بدر: اكيد طبعا لو طالب مش هيبقي عنده 31 طب انت دخلت الارقام صح
الظابط:اه متأكد وكمان في حاجه غريبه مكتوب انو مات من 12سنه
بدر بنفاذ صبر: انت عايزني اهزقك يعني الي الكلام الفارغ دا امشي قدامي وريني الولد دا
الظابط: تمم يا فندم
في غرفه كشف الهويات~~~~~~~~~
الظابط: اهو يا فندم اسمه عزي... اي دا هو راح فين
بدر بعصبيه: انت غبي اجري دور عليه بسرعه
عزيز هو يغسل وجهه في مرحاض القسم: اي دا فين مكان الغرز(بيقف امام مرأه) مستحيل ده يحصل فين مكان الغرز كان في 20غرزه ملهمش اي اثر ازاي كدا (وبعصبيه كسر المرايا) اي الي بيحصل انا مبقتش فاهم حاجه انا في حلم واله اي بظبط مستحيل كل دا يبقي حقيقه كل الي بيحصل معايا غريب جدا
(وجاء يخرج من المرحاض اوقفه بدر)
بدر: اقف عندك
عزيز وهو يدير وجهه لبدر: نعم في حاجه
بدر بصدمه كبيره وتوسعت عنيه: عععزييز
عزيز: انت تعرفني

الباااارت خلص تتوقعوا ازاي الزمن اتقدم كدا وازاي زقت عزيز الخفيفه دي تطير الراجل والغرز ميبقاش ليها اثر كدا ولو عايزين صور الشخصيات اكتبولي في الكومنتات هنزلها مع بارت 2و رأيكوا بقا في الكومنتات وتوقعاتكوا كمان عشان اكمل بارت 2 رأيكوا مهم جدا عندي ❤🧜🏻‍♀️
#بقلم ندي محمد