الاستيقاظ من الموت المؤبد

❤️‍🔥(بارت 3)

ما هو لو علي الشكل فأي بنت في الدنيا تعرف تبقي حلوه من برا... شويه لبس علي ميكب غاليين شويه هيخلوها جميله شكلاً.. شويه صور بكاميرا نضيفه وفوتوجرافر شاطر هيطلعها اجمل واحده في الكوكب بس الي صعب ومش موجود في كل البنات... هو الجمال الداخلي الي مع الوقت بيزيد مش بيقل زي جمال المظهر!!
الي صعب يتوجد في كل البنات هو العقل، الحب، خفه الدم، النقاء الداخلي الي يخليها لا تحقد واله تكره ولا تنفسن، شخصيتها وجمالها وتفكيرها هما الي بيحددو اذا كانت جميله او لا ...
اهتموا بجوه شويه يا اخونا عشان بره امر سهل... 💙
~~~~~~~~~~~~~~~~~~~~~~~~~
عزيز بدموع: وده كان اخر يوم فاكره يوم ما خبطتني العربيه قدام مدرستنا (اكمل ببكاء) لي بيحصل معايا كدا ولو انا ساعتها مت ازاي موجود دلوقتي وبشكلي من 12سنه(وبزعيق ودموع) اديني تفسيرررر يا بدر للي بيحصلي داااا انا ازاي موجود هناااا لما انا متت انا دلوقتي تايهه مش عارف انا اصلا انسان واله واله دي روحي معقول مت ودي روحي (وفجأه يصرخ بغضب ويهتز المبني وينشق الحائط ويقع بدر علي الارض من شده اهتزاز المبني وكأن قنبله انفرجت للتو في منزل بدر)

صباح اليوم التالي في منزل رهف~~~~~~~~~~~~
استيقظت رهف في الصباح ولاحظت ورقه موضوعه بجانبها امسكتها وبدأت في القراءه)
هاي رهوفه مردتش اصحيكي لانك جايه من الشغل تعبانه انا مشيت بدري عشان شغلي ومتنسيش فادي لملحلك انو بيحبك عايزاكي يا رهف تمسكي فيه لان لو ضيعتيه من ايدك هقتلك يا رهف فادي ميتعوضش
رهف بضحك: مجنونه يا جهاد (وبتفكير) انا لازم اقول لفادي حقيقه مشاعري نحيته
في المقابر ~~~~~~~~~~~~~~~~
كان يقف عزيز وبدر امام قبر عزيز
بدر بتوتر : بصرااحه ي يا عزيز جدتك اااتوفت من 3سنين ودفناها جمب والدك وولدتك وبصراحه مبقتش بتواصل مع اخواتك ومعرفش عنهم حاجه
عزيز بدموع : اسيل اكيد كبرت دلوقتي بعد ما عدي12سنه اكيد بقت في نفس عمري دلوقتي
بدر: انا كنت هنا امبارح انا و جهاد و سالم لان امبارح الذكري السنويه بتاعت وفاتك
عزيز: لي رهف مكنتش معاكوا لي مبقتش تتواصل مع رهف وتكلمها هي كويسه واله حصل معاها حاجه
بدر: لا انا متأكد انها كويسه
عزيز: عايز اشوفها الاقيها ازاي
(يقاطعهم رنين هاتف بدر)
بدر في الهاتف: خلاص عشر دقايق وهكون عندك سلام
عزيز : رايح فين
بدر: لازم اروح الشغل خد الكريدت بتاعتي ومفتاح البيت ولازم تجيب لبس وتغير لبس المدرسه وتجيب كاب تخبي وشك عشان محدش يشوفك ولو بصدفه ويعرفك زي ما انا عرفتك لما شوفتك لغايه بس ما نعرف اي الي بيحصل معاك وبذات الي حصل امبارح عندي في البيت وخلص وروح البيت هحاول متأخرش
عزيز: ماشي
في المطعم~~~~~~~~~~~~~
كان فادي يجلس مع صديقه مراد
مراد: انا مش فاهم برضو انت ازاي تسيب باريس وفرصتك في انك تبقي طباخ عالمي في مطعم خمس نجوم وترجع للمطعم دا تاني
فادي: عادي مش حابب اروح
مراد: انت مجنون انت فاهم انت عملت ايي انت ضيعت فرصه من دهب
فادي بملل: مش هاممني حاجه انا مكنتش حابب اروح كنت عايزني اعمل اي انا حابب المطعم دا وهكبره لان دا المطعم الي بدأت بيه اول مشواري وخلاص انا كدا مرتاح ان المطعم رجع ليا من تاني
مراد وهو يغادر: انا همشي شكلك فعلا اتجننت
فادي بضحك: هرن عليك بليل هاااا
(نهض فادي واتجه لحديقه المطعم)
رهف وهي تذهب خلف فادي: استااذ فادي
فادي: نعم يا رهف
رهف بتكشيره وتتحدث مثل البغبغاء: عايزه اقولك علي حاجه
فادي ب استغراب من طريقه حديثها: قولي
رهف بنفس طريقه الحديث: فاكر الي قلتهولي امبارح
فادي: طبعا فاكر
رهف: انت كنت تقصد انك مسافرتش باريس بسببي؟
فادي: اه اقصد كدا
رهف بتوتر: وقصدك اي بقا انك مسافرتش بسببي
فادي: اقصد الي انتي فهمتيه
رهف: كنت في وعيك وانت بتقول الكلام دا امبارح
فادي: اه يا رهف كنت في وعي في اي
رهف بردح: لاااااا اوعي تكون فاكرني من بنات المطعم الي هيموتو عليك واقع في حبك وحرارتي تزيد من كلامك ولو عايز تطردني بعد الكلام ده اتطردني هي اصلا كدا كدا خربانه اوعي تفتكر عشان انت غني وصاحب المطعم هصدق كلامك دا وهقع في غرامك واياك تقولي الكلام دا تاني وتبصلي بعنيك دي تاني اقسم بربي لاخليك ساعتها عاجز مش عارف حتي تشتغل (وغادرت في غضب لكن لحظه هناك ورقه سقطت من هذه المغفله ولاحظها فادي وانحني ليمسكها ويقرائها وكان محتواها عباره عن
اول حاجه هفكر فادي بكلامو امبارح وبعدها وهسأله اذا كان في وعيه لما قرر ميسافرش عشاني وهقولوا لو عايز يطردني يطردني لاني مش زي البنات الي في المطعم واقولوا ميعكسنيش تاني لا لا مش حلوه اي ميعكسنيش دي هقولوا لو بصتلي بعينك تاني هخليك حتي تعجز انك تشتغل تاني)
فادي انفجر في الضحك: ههههههه دي كاتبه الي قالتهولي دي بجدد مجنونه
في مكان اخر تحديدا عند عزيز~~~~~~~~~~~~~~~
كان يسير عزيز بعد ان غير ملابسه ووضع القبعه علي رأسه لتخفي وجهه وفجأه شاهد رجلان يكتفون نادل
سيد للنادل بعصبيه: هو انا مش قلتلك متقفلش تلفونك وتجبلي كل المعلومات الي عايزها
النادل بخوف: اان اانااا اسف
سيد: عمر
عمر: اي يزعيم
سيد بشر: فهمو غلطوا عشان يتعلم
عمر: أوامرك يا زعيم
النادل بخوف: انا اسف خلاص يا زعيم
سيد: متخفش هو هيشرحلك غلطك بس( وغادر)
عمر للنادل: خليني اشرحلك بقا (قرب عمر من النادل وانزل عليه ب الضرب دون ذره رحمه)
عمر وهو يكمل ضرب: قول فهمت غلطي
النادل بوجع: فففهمت غغلطييي اسف اسف
(عزيز بصدمه وهو يتذكر)
فلاش باك ~~~~~~~~~~~~~
كان عمر يركض لعزيز بفرحه
عمر بحماس طفل: عزززيززز عزيززز جبت الدرجه النهائيه في الامتحان وكنت الاول
عزيز بفرحه: اممم ده انا لازم اكفاء الدكتور بتاعنا بقا
~~~~~~~~~~~~~~~~~~~~~~~~~~
عزيز بدموع: انا لي افتكرت عمر اخويا ده مستحيل يكون عمر اخويا ابدا اكيد تشابهه اسماء
(ذهب عمر و ذهب عزيز خلفه في نفس الاتجاهه)
في مكان اخر ~~~~~~~~~~~~
عمر وهو يقدم الشاي لسيد: اتفضل يا زعيم
سيد: بقولك اي يا عمر روح انت انهارده جمع الفلوس في واحده كان اسمها رهف مساعدة طباخ
متاخره علي الايجار روح وهاتو منها
(كان يسير عزيز ويبحث عن عمر وتوقف بممر ملئ بي الغرف وتبداء اذن عزيز تؤلمه بشده ويحس بدوار وفي لحظه كان عزيز يستطيع ان يسمع اصوات كل شخص في كل غرفه وبداء في السير وهو يسمع صوت وحديث الاشخاص في كل غرفه والعجيب انه يسمعهم بوضوح كأنه معهم في نفس الغرفه توقف عزيز عند غرفه بصدمه وهو يسمع حديث الاشخاص بداخلها
سيد: اسمع يا عمر لو قالتك انا مش معايا فلوس احلق شعرها كله فهمت
عمر: معلش يا زعيم ممكن اروح اجمع الفلوس من اي حد تاني بلاش رهف لاني عارف رهف دي من وانا صغير
سيد بضحكت شر: طب دا كدا الامور هتبقي سهله اكتر يلاه روح لرهف وارجع بي الفلوس او بشعرها
سيد وهو يضرب عمر : يلاه انت لسه واقف مكانك
عمر: حاضر هروح
سيد يضربه مره اخري: انجز كدا شوف شغلك يلاااا
دفع عزيز الباب بعصبيه: ابعد ايدك عنو
سيد لعزيز: اخرج من هنا يا حيوان مبقاش غير العيل الصغير دا الي يقولي اعمل اي
(استغل عمر الموقف وهرب من سيد)
سيد بزعيق وهو ينهض ليلحق بعمر: تعالي هناااا ياعمر فاكر نفسك مين عشان تجري كدا مني
عزيز يوقفه بعصبيه: قولي هو رايح فين
سيد وهو يرفع يده ليضرب عزيز: انت اي الي دخلك يا غبي
(امسك عزيز يد سيد ودفعه لينصدم سيد بي الحائط وتقع نجفه من السقف علي رأس سيد نظر عزيز بصدمه لأيده وللسقف اثر النجفه وذهب لسيد وامسكه من ثيابه)
عزيز: وديت عمر فين كنت باعته يعمل اي
سيد بخوف شديد: هووو هوو رااح
عزيز: انت هتهوهو انجز وديتو فينن
سيد: هو راح الحي رقم 34 شارع رقم 31 شقه رقم 5
تركه عزيز وركض للخارج
في المطعم~~~~~~~~~~~~~
كانت رهف تجلس شارده الذهن
فادي وهو يجلس بجانبها: رهف 
رهف بخضه: يخربيتك خضتني
فادي: نعم بتقولي اي
رهف بتوتر مما قالته: بقول ح حضرتك عايز حاجه
فادي:عايزه اقولك انك فهمتيني غلط انا مكنتش بعاكسك واله كنت بتقرب منك لأي غرض مش كويس ومش زي ما قولتي اني فاكرك زي بقيت بنات المطعم او اي بنت قابلتها عموما انا فعلا واخد موضعنا بجديه جدا
رهف: انا علي ما اظن ان كلامي كان واضح لما اتكلمنا في الموضوع دا يومها انا اسفه لازم امشي
مسح فادي وجهه بيده بحزن بعد خروجها وسمع صراخ رهف
رهف: استااااذ فااادي ساااعدني بسرعهههه ساااعدنييي
فادي وهو يركض للخارج بخوف: في اي الي حصل انتي كويسه
رهف برعب: راسي بص علي راسي
انفجر فادي في الضحك: هههههه نحله يا رهف نحله
رهف بخوف: ونبي شالها بسرعه
فادي بأبتسامه وهو يزيل النحله: خلاص مشيت
رهف بأرتياح: شكرا انا بخاف منهم اوييييي معرفش اي الي جابها فوق راسي دي
فادي : اي الشنط الي في ايدك دي
رهف: ده اكل هوصله لان الراجل الي كان هيوصله تعب هروح مكانه
فادي: طب يلاه خليني اوصلك عشان متتأخريش والاكل يبرد
(في سياره فادي)
رهف: استاذ فادي
فادي: نعم
رهف: بص بصراحه بقا انت راجل طيب وكويس وانا ميخلصنيش انك تتورط في علاقه معايا خالص لاني انسانه فوضويه و عليا ديون وبنسي كتير وحظي زفت ومش من عيله كبيره ومعروفه انا اصلا معنديش اهل ومدخلتش جامعه كويسه حتي فأنا مش عيزاك تورط نفسك في علاقه زي دي ومتزعلش من الي قلتو بس انا عامله عليك
فادي: شكرا علي صراحتك معايا وكل الكلام الي قولتيه ده خلاني (ابتسم) انجذب ليكي اكتر
في مكان اخر تحديدا عند عزيز~~~~~~~~~~~~~~
يجلس عزيز في الاتوبيس في طريقه لمنزل رهف
وقف امام مقعده رجل ينظر له بشده
الرجل: انت رجعت من مده قصيره صح؟
عزيز: نعم
الرجل: عدي قد اي علي رجوعك
عزيز: انا مش فاهم انت بتقول اي
(نظر له الرجل مطولا ونزل من الاتوبيس)
امام منزل رهف وقف عزيز وتأكد من رقم الحي والمنزل صعد عزيز ورن جرس المنزل لكن لا رد وانتظر عزيز حتي حل الليل ولم يأتي احد للمنزل وفجأه جاءت سياره ونزل منها 7 رجال يحملون الاسلحه والحديد وتجمعوا حول عزيز وانزلوا عليه ب الضرب الشديد بأستخدام الحديد
سيد بشر: اضربو اكتر يا رجاله عشان يتعلم
في المطعم~~~~~~~~~
رهف تجلس وتتحدث مع جهاد فديو علي الهاتف
جهاد: رهووفه وحشتيني
رهف بتعب: وانتي كمان
جهاد:اي سبب التعب والتكشيره دي اكيد سيد صح هو رئيس العصابات دا قالك حاجه او حد جالك من الحيوانات الي شاغلين معاه البيت
رهف: كنت خايفه انهارده طول اليوم حد يجيلي الشغل او اروح البيت الاقي حد منهم
جهاد: لا اجمدي كدا متبينيش انك ضعيفه دول غجر ولو حسو انك ضعيفه هيدوسو عليكى حسسيهم انك جامده ومعندكيش حاجه يتخاف عليها
( في مكتب فادي )
فادي لطباخ المطعم: انا هديك ترقيه علي مجهودك معانا وهخليك المشرف علي المطعم
الطباخ: طب كدا مين هيطبخ ويبقي مكاني
فادي: انا عايز ارقي حد من مساعدين الطباخين في المطعم ويبقي طباخ مبتدء وياخد فرصته لازم نخلي حد فيهم طباخ مبتدء
الطباخ: بصراحه انا معاهم في المطبخ علطول ومحدش مؤهل فيهم لمنصب زي دا خالص
فادي: هما لدرجادي فاشلين
الطباخ: ممكن رهف تنفع في المنصب دا هي شاطره بس بتنسي ديما وبتتوتر بسرعه وتحس دماغها في حته تانيه مش متأكد برضو اذا كانت هتنفع او لا
فادي: افتكرت مستواها بقي احسن
الطباخ: هي بتعمل اي
فادي: هي مين؟؟؟؟
(الطباخ يشاور علي شاشه كاميرات المراقبه كانت رهف تقف ممسكه الجزر والبصل وتضرب في الهواء كأنها تلعب ماتش مصارعه)
رهف بصرامه: الي هيقرب مني هزعلوا انا هسددلكوا ديونكوا بس مش دلوقتي مفهوووووم واله لا
جهاد في الهاتف بخيبه امل: لا يا رهف خليكي عنيفه اكتر حسسيهم انك مش خايفه
رهف: اعنف من كدااا طب استني (ركضت رهف لتجلب السكين والمغرفه لتضرب في الهواء امام جهاد للمره الثانيه وهي تصرخ)
الطباخ لفادي: الغي فكره انها تكون طباخه يا استاذ فادي يكتم ضحكاته: خلاص روح وانا هفكر هعمل اي

البارت خلص رأيكوا في البارت وكمان رأيكوا في تعديل اسم الروايه
تتوقعوا مين الراجل الي ظهر في الاتوبيس دا
تتوقعوا دا عمر اخو عزيز واله لا
حبيتو مين مع رهف عزيز واله فادي
(بحبكوااااا❤☺️)
#بقلم ندي محمد