الاستيقاظ من الموت المؤبد

🧡🦋(بارت2)

اللهم إنا نسألك عفوا يكفينا وعافيه تغنينا ومقاما في الفردوس يعلينا ورحمه ومغفره لنا ولوالدينا اللهم لا تستدرجنا بالنعم ولا تفجئنا بالنقم ولا تجعلنا عبره للامم وارفع عنا الألم والسقم اللهم اشفي مرضانا وارحم موتانا واحسن خاتمتنا ☺️🌻
~~~~~~~~~~~~~~~~~~~~~~~~~~~~~~
بدر يسقط علي الارض بصدمه: مم مش معقول حتي نفس الصوت
عزيز: قوم انت كويس!؟؟؟؟
بدر بخوف: اااببعد عني (واغمي عليه)
عزيز: هو يوم باين من اوله
في المطعم عند رهف~~~~~~~~~~~~~
كانت رهف تقف شارده في مطبخ المطعم تجهز الطعام
(ملحوظه رهف بتشتغل مسعده طباخ)
مالك المطعم بعصبيه: رررررهفففف انتي بتقطعي الجزر واله بتطبطبي عليه
رهف: معلش انا اسفه
(ملك المطعم خرج بغضب)
رهف بعد خروجه تقلده بطريقه مضحكه: رههف انتي بتطبطبي علي الجزر اووووف جتك نيله في شكلك بقالك يوم في المطعم و محسسني اني مرات ابوك كل ما تشوف خلقتي تزعق
ديما زميله رهف: هييح يخساره انا زعلت علي فادي المززز اوي باع المطعم وسافر باريس وسابنا احلام البنات اتحطمت بنات المطعم كلوا بيكراشو عليه
رهف: ربنا يوفقه كان كويس فعلا
ديما: اه صح في راجل اسمه سعيد عايزك بره
رهف بخضه: نهاااارح اسوح قولتي سعيد بصي اطلعي قوليلوا انك مشوفتنيش ومتعرفنيش اصلا(وجريت لمخزن المطعم)
رهف بتفكير: انا لازم اطلع من هنا دلوقتي اعمل اي (وبتلاحظ الشباك) والله انا جامده جموده هنط من الشباك وهطلع (وجريت علي الشباك)
سعيد من بعيد ينظر لها: كنت عارف انك هتعملي كدا
رهف وهي تحاول الخروج من النافذه: انا اتحشرت كانت فكره هباب اعمل اي
سعيد يقرب من النافذه: انتي كويسه يا انسه
رهف دون النظر اليه: لا ونبي ساعدني اطلع لاني اتحشرت وفي واحد بيدوور عليا
سعيد وهو يساعدها: عنيا
رهف وهي تنظر له: شكرا ليك جدا يا استاذ (وبخضه) احيه هو انت قصدي حضرتك جيت امتي ده انا كنت جيالك تعبت نفسك لي
سعيد: قفلتي تليفونك لي مش قلتلك تردي عليا عشان ايجار الشقه الي متاخره عليه دا
رهف: مكنش قصدي مردش بس الموبيل بتاعي وشنطتي نسيتهم في الاتوبيس وانا جايه وبعدين انا بقيت اشتغل في كافيه بعد شغل المطعم وهرجعلك ديونك كلها
سعيد بغضب: انا مليش دعوه بكره فلوسي كامله تجيلي والا هخرجك من الشقه سلام
رهف بعد رحيل الرجل: اوووووف بقا كانت نقصاك انت كمان معرفش انت سموك سعيد ازاي
امام منزل رهف~~~~~~~~~
كانت تسير متعبه الي منزلها وتفجاءت
رهف بصدمه: اي دا استاذ فادي بتعمل اي هنا
فادي ب ابتسامه: ازيك يا رهف تلفونك كان مقفول عشان كدا جبت عنوانك من سجل الموظفين وجيت
رهف بعدم فهم: انا موبيلي مش معايا بس مش المفروض تكون في باريس؟
فادي ب ابتسامه لطيفه: قررت مسافرش
رهف ب استغراب: اي دا لي
فادي وهو ينظر لها بحب: اممم بصراحه كنت قلقان شويه عشان كده قررت مسافرش وقررت ابقي هنا
رهف بغباء: اكيد طبعا هتبقي قلقان علي المطعم في غيابك حتي لو بعته كان مطعمك في الاول
فادي ب ابتسامه: لا مكنتش قلقان علي المطعم كنت قلقان عليكي
رهف اتجمدت: عليا انا
فادي: اه اشوفك بكره باي
رهف بتفكير بعد رحيل فادي: هيشوفني بكره فين هو مش باع المطعم!!!!!
جهاد من خلف رهف: اي الي حصل دا
رهف بخضه: عااااا (وبنظره غضب) انتي بتستعبطي يا جهاد
جهاد بغمزه: انا سمعت وشوفت كل حاجه
رهف ب استغراب: سمعتي وشوفتي اي بظبط
جهاد: كنت جيالك وشوفتك انتي وصاحب المطعم فادي بتتكلمو مرضتش ارخم ووقفت اسمعكوا انتي بجد محظوظه يبت اللعيبه
رهف بتريقه: متعرفيش التصنت حرام واله اي
جهاد: سيبك دلوقتي انتي لازم تركزي علي فادي ده ساب باريس وجه يشوفك لانو قلقان عليكي
رهف: شكلك شاطره في تلميع الاوكر
جهاد: سيبك انتي هتفضلي غبيه كدا لحد امتي فادي بيحبك وهو شاب قمور وغني وشخصيته لطيفه عايزه اي اكتر من كدا
رهف: اي الي انتي بتقوليه دا مفيش حاجه من الكلام الفارغ دا
جهاد وهي تضربها ضربه خفيفه: فكري بعقلك بقا مره واحده في حياتك يشيخه فادي ميتعوضش الراجل لمحلك انو معجب بيكي ومسافرش عشان كان قلقان عليكي
رهف وهي تدفعها لداخل المنزل: هوووووف ادخلي وانتي ساكته بقا
جهاد وهي تجلس علي الكنبه: اه صح موبيلك مقفول لي
رهف: نسيت الشنطه في الاتوبيس
جهاد: انتي بجد مش معقول( واكملت) بدر و سالم زعلانين منك يا رهف
رهف: لي
جهاد: روحنا انهارده نزور عزيز في المقابر وزعلانين انك غيرتي رقمك ومبتكلميش حد فيهم وادايقو انك حتي مبتزوريش عزيز
رهف بزعل: انتي قولتلهم حاجه
جهاد: لا مرضتش اقولهم انك منستهمش وفكراهم وبتروحي لعزيز كل يوم كمان لان دي رغبتك معرفش لي ما تعرفيهم
رهف بسرحان ودموع: تعرفي اني شوفت عزيز انهارده وانا راجعه من المقابر
جهاد: عزيز!!!!!! لا طبعا مر علي موت عزيز 12سنه كاملين مستحيل كفايه بقا يا رهف واقتنعي انو مات خلاص
رهف بزعل: انا قولتلك الي شوفتو وخلاص انسي كأني موقلتش حاجه
جهاد: طيب انا هبيت معاكي انهارده وفكري في فادي بلاش تضيعيه
رهف: تصبحي علي خير يا جهاد
في منزل بدر~~~~~~~~~~~~~
كان يجلس عزيز وبدر علي طاوله الطعام
بدر: انا مش قادر استوعب ازاي انت مت وانت قاعد معايا دلوقتي ونفترض انك مموتش وحصل زي الافلام الهندي ومكنتش ميت وغلطوا في المعلومات ازاي عدي 12سنه وانت بنفس شكلك وانت صغير فهمني
عزيز وهو ياأكل المكرونة: مش عارف يا بدر هتجنن ومصدقت قابلت حد اعرفه ويعرفني وبعدين هي فين رهف ساكنه فين نروحلها عايز اعرف هي كويسه
بدر: مش عارف
عزيز وهو يبلع الطعام بقلق: يعني اي مش عارف
بدر: مبقناش نتكلم ومبقتش عارف حاجه عنها
عزيز بعصبيه: ازاي متعرفش عنها حاجه انت عارف انها طفله لوحدها من غير اب وام وعيله ازاي تسبها كدا ومتعرفش عنها حاجه
بدر بزعل: انا اسف بس خليك فاكر برضو ان عدي 12سنه وهي مبقتش طفله هي عندها 31سنه
عزيز بتوهان: ازاي يعدي 12سنه ومحسش
بدر: عزيز قولي اخر حاجه فاكرها قبل ما تموت اي
عزيز ب استغراب: اموت؟!!!!!!!
بدر وهو يبلع غصته: قصدي اخر حاجه فاكرها
عزيز بتنهيده: ماشي
فلاش باك ~~~~~~~~~~~~
كان يقف عزيز في مطبخ منزله يعد الطعام لجدته واخواته الصغار
عزيز: الله عليا بعمل اكل احلي من بوراك نفسه (ويذهب بي الاكل لطاوله الطعام حيث تجلس جدته)
جدت عزيز: اممممم الله علي ريحه الاكل الحلوه دي تسلم ايدك يا حبيبي
عزيز يطبع قبله علي جبين جدته: يلاه كلي عشان دواكي يا جميلتي
جدت عزيز: ربنا يحفظك يا ابني مش عارفه اقولك اي شايل البيت كله وانت لسه صغير وبتعملنا الاكل انا واخواتك وواخد بالك مننا كلنا
عزيز بمزاح: مش انا الراجل بتاعكوا واله اي يلاه بقا الاكل هيبرد يقمر انت
جدت عزيز بضحك: طبعا راجل ونص
~~~~~~~~~~~~
اخوات عزيز الاربعه
(اسيل)
عمرها 5سنوات
(جنه)
عمرها10سنوات
(رحيم)
عمره 8سنوات
(عمر)
عمره 18سنه
~~~~~~~~~~~~~~
تخرج جنه متعجله من غرفتها
جنه: انا نازله عشان متأخرش علي المدرسه
عزيز بمزاح: تعالي هنا يا قرده افطري الاول وروحي المدرسه
جنه وهي تجلس : حاضر
عزيز بصوت عالي: اسييييل عمررررر ررحيم
جاءت اسيل تركض بطفوليه: صباااح الخير
عزيز وهو يقبلها من وجنتها: صباح القمر يقمر
اسيل بطفوليه: اربطلي شعري يا زعزوع
عزيز: جنه هتربطهولك يقلب زعزوع
اسيل بتكشيره: لا زعزوع الي هيربطلي شعري
عزيز ب ابتسامه: امممم بس انا عايز مقابل (يشاور علي وجنته)
اسيل ب ابتسامه وهي تقترب لتطبع قبله علي وجنته
عزيز بضحكه: تعالي يلاه اربطلك شعرك
يقاطعهم دخول رحيم
رحيم: صباح الخير تعرفوا ان انهارده هعترف لصحبتي بحبي ليها
جنه وهي تضيق عنيها: انهي واحده يا استاذ رحيم اصلهم كتير
رحيم بتكبر اصتناعي: اخوكي الي حلو يا بنتي
عزيز بصرامه: رحيم كام مره احذرك من الحجات دي متستهونش ب البنات واخر مره اسمعك بتقول لاي بنت الكلام دا تاني المدرسين بيشتكوا منك ومن تصرفاتك مع البنات فهمت الي قلتو
رحيم: حاضر فهمت
عزيز: امال فين عمر
جنه: نزل الصبح بدري
جدت عزيز: عمر بيذاكر كتير او وبيتعب نفسو زياده عن اللزوم كده هيتعب ده بيسهر يذاكر ويصحي بدري ومش بينام كويس
عزيز ب ابتسامه فخر: هو ديما بيطلع الاول وانا واثق انو هيحقق حلمه ويبقي احسن دكتور في الدنيا
(يقاطعهم رن الجرس)
جنه: دي اكيد رهف جايه عشان تروحو المدرسه مع بعض
(في الخارج عند رهف)
رهف بتوتر: هقوله كل سنه وانت طيب يا عزيز قلبي لا لا ملزقه اوي امم طب هقوله كل سنه وانت مبسوط ديما اووف اقولوا اي
(يقاطعها خروج عزيز)
عزيز: ازيك رهف (كمل مشي وسابها)
رهف بغضب: اي دا هو سبني ومشي واله انا متهيألي
هحاول اكون لطيفه معاه انهارده عشان عيد ميلاده بس (وبصوت عالي) ااقف يا يعم انت
(في طريقهم للمدرسه)
رهف: عزيز اي العلبه الي في ايدك دي
عزيز ب ابتسامه: ده فطار عمر لانه راح المدرسه ومفطرش
رهف: شكلكوا كلكوا بتهتموا بيه اوي
عزيز: اكيد طبعا ده الاول علي فصله والسنه الجايه هيتخرج
رهف: بس انت هتتخرج السنه دي (اكملت بحماس) انت هتدخل جامعه اي
عزيز: هدخل كليه للطبخ
رهف بعبوس: لي انت درجاتك عاليه وكان نفسك تدخل كليه حقوق وتبقي محامي
عزيز ب ابتسامه مزيفه: عادي انا بحب الطبخ واكلي حلو واكيد هنجح فيها
رهف وهي تضيق عنيها: كذاب انت مش هتدخل كليه حقوق عشان المصاريف بتاعتها كتير وبتشيل الفلوس لاخواتك وبتقولهم يدخلوا الجامعه الي عايزينها وميشلوش هم المصاريف وانت بتدفعلهم علي حساب نفسك هو انت حياتك مش بتهمك لي تفتكر مش يمكن يجي يوم وتندم علي الي بتعمله دا
عزيز: انا هدخل كليه للطبخ مش عشان معنديش خيار تاني عشان انا رسمت حلم جديد دلوقتي وهو اني هفتح مطعم كبير جداااا هيبقي المطعم كلوا بتاعي وهكسب منو فلوس كتير وهعيش اخواتي وجدتي حياه حلوه (وبضحكه ) انتي لازم ساعتها تيجي وتزوري مطعمي هقدملك اكل كتير مجاني
(ضحكوا الاتنين ودخلوا المدرسه)
عزيز: روحي فصلك انا هودي الفطار لي عمر ونتقابل واحنا مروحين
رهف ب ابتسامه: حاضر
(ذهب عزيز لفصل عمر)
عزيز لطالب في الفصل: لو سمحت متعرفش فين عمر انا اخوه وبدور عليه مش لاقيه
الطالب: عمر اضرب من الشاب الي اتنقل جديد لمدرستنا وهو في الفصل الي في الدور الي فوق لوحده
(ركض عزيز بسرعه لي عمر)
عزيز وهى يدفع باب الفصل: عمر انت كويس بصلي
(رفع عمر رأسه لعزيز وكان وجهه عمر يوجد فيه كثير من الكمدات وينزف من فمه وحاجبه ينزف)
عزيز بغموض: انت ازاي تسيبو يعمل كدا وبعدين انا سمعت انها مكانتش خناقه كان ضربك قصد
عمر بضيق: مكنتش عايز اعمل مشاكل انا لازم اذاكر اخرج يا عزيز
عزيز بعصبيه: انت غبي انا اكيد مش هسيبك واسكت وانا عارف ان اخويا اضرب
عمر بزعيق: انت بتعمل كل دا عشان تبان الاخ الكبير الي خايف علينا انا اضربت يا عزيز عشان انت اخويا الكبير ذنبي الوحيد انك اخويا الكبير اضربت بسبك انتتتتتت كل دا بسببك انتتتتتت (وبداء عمر في البكاء وخرج عزيز بغضب)
في مكان اخر~~~~~~~~~~~~~~~
كان يقف عماد يضحك ويستهزق بطالب ويضرب فيه
عزيز بغضب من خلفه وهو يركض بأتجاهه:عمااااااااد
(وامسكه من لياقت قميصه وبداء الضرب فيه بشده)
عزيز وهو يلكمه بوكس: انت يا حقير ازاي تتجرأ وتضرب اخويااااا
(اتجمعت الطلاب وامسكوا بعزيز ليبعدوا عن عماد)
عماد وهو يمسح نزيف انفه: اخيرا جيت يا عزيز من ساعت ما جيت المدرسه وانا بحاول استفزك لكنك ديما بتتجنبني سمعت انك اقوي حد في المدرسه انا معرفش عنك حجات كتير لاني جديد (وضحك ب استفزاز) تعرف لما كنت بضرب اخوك كان بيعيط زي اطفال حضانه وريني يا عزيز يا اقوي حد في المدرسه قدام المدرسه كلها هتعمل اي للي ضرب اخوك
عزيز بعصبيه: والله لقتلك يا عمااااد مش هسيبك يا كلب (وركض اتجاه عماد وبداء بضربه بعصبيه واتجمعوا الطلاب ليمسكوا بعزيز مره اخره ويخرجوه خارج الفصل)
في ملعب المدرسه~~~~~~~~~~~~~
رهف:عزيز انت السنه الي فاتت اتمنعت من التخرج بسبب انك اتخانقت مع شخص بلاش تعيد تاني نفس الغلطه ولو هو قعد يستفزك سيبو واتجاهلوا وخلاص مبقاش غير كام يوم ونتخرج بلاش مشاكل مع عماد دا ولد مش كويس وبتاع مشاكل
عزيز بضيق: انا اتعصبت لانه ضرب عمر
رهف وهي تمسك يده: انا كمان الموضوع معصبني بس اوعدني متتخانقش معاه تاني واتجاهلوا
عزيز: ماشي يا رهف هتجاهلوا
رهف بعدم تصديق: اوعدني
عزيز بضيق: وعد يا رهف خلاص بقا
في المساء~~~~~~~~~~~~~
كان عزيز ذاهب الي عمله ولاحظ متجر اكسسوارات وقرر يدخل
عزيز وهو ممسك ب انسيال: واو حلو اوي وهيعجب رهف جدا
البائع: ده تمنه$$$
عزيز ب ابتسامه: تمم هاخده
(وذهب عزيز لعمله وانهي دوامه)
عزيز في الهاتف: الوا يا رهف انتي فين
في مكان اخر تحديدا منزل عزيز~~~~~~~~~
رهف بتوتر تنظر للزينه في يدها : اناا في البيت
عزيز: طب انا خلصت شغلي بدري انهارده وعايز اشوفك
رهف بخضه: خلصت شغلك بدري لي
عزيز ب استغراب: هو اي الي لي
رهف بتمثيل: يلهوي يا عزيز
عزيز: في اي مالك
رهف: انا نسيت محفظتي في الفصل
عزيز: عادي روحي بدري بكره المدرسه وهاتيها
رهف بتمثيل: لاا مينفعش لازم تروح تجبها من المدرسه انا محتجاها ضروري وكدا كدا في طريقك وانا هلبس وانزل هسبقك علي البيت عندك
عزيز: ماشي يست رهف
جنه بعد اغلااق رهف للخط: اوعي تقولي جاي دلوقتي
رهف: قلتلوا يروح المدرسه لسه معانا شويه وقت انفخوا البلالين دي بسرعه وانا هعلق الزينه واجيب الجاتوه
في المدرسه ~~~~~~~~~~~~
عزيز وهو يضئ كشاف هاتفه: علطول ناسيه حاجتها كده في كل حته (ودخل المدرسه من سور الملعب وكانت المدرسه ضلمه ووصل لفصل رهف وشغل انوار الفصل وبدأ يبحث عن محفظه رهف وفجأه تعثر في شخص ما)
عزيز بصدمه وهو يري عماد ملقي علي الارض ومغطي بالدماء: عمماااد قوم عماااااد (رفع عزيز جسد عماد عن الارض) عمااااد سامعني انا هجيب الاسعاف متخفش انا هرجع علطول حاول تتتماسك لغايه ما اجي (وركض للخارج بأقصي سرعه وقفذ من علي السور للخارج وهو يركض علي الطريق فجأه سياره تخبط عزيز
اسيل: هو زعزوع اتأخر لي
رهف: اكيد جاي دلوقتي يلاه نطفي النور ونستناه

البارت خلص وحقيقي تعبت فيه اوي بلاص كلامكوا القمر زيكوا ده فرحني اوييييي والي سأل علي مواعيد الروايه بصراحه مش عامله مواعيد لاني بحاول انزلكوا كل يوم بارت ومتأخرش عليكوا رأيكوا في البارت يهمني (بحبكوا🥺❤)
#بقلم ندي محمد