كانت جالسه مثل كل يوم على شباك غرفتها تحس براحه لما تجلس هناك بس هل مرة كانت قلقانه وهي تسمع صوت ابوها وامها يتناقشو وين هي رح تضل بعد ما يسافرو كانت تحس انها دايما وحيده وامها وأبوها دائما بسافرو وبتركوها عند دار جدها(أهل امها) بس هل مرة دار جدها مسافرين وهي رح تضل لحالها شهرين ....
ابو محمد:أنا ما بقدر اضل عندها أو اخدها معي وانت بتعرفي شغلي صعب
ام محمد: لو بقدر اضل عندها بضل بس انت بحاجتي
ابو محمد:اكيد بحاجتك اكتر من اي شخص
سكتو التنين وهمه بفكرو .. وفجأة رن تلفون ابو محمد وكان اخو ....
...:الو شلونك ابومحمد
ابو محمد :يا هلا وغلا باخوي صالح الحمدلله بخير شلونك وشلون عيالك
صالح : الحمدلله مشتاقين وكيف محمد وماريا
ابو محمد: الحمدلله بخير (حكاها بنبرة حزينه)
صالح :خير ما شر شفيك صوتك زعلان
ابو محمد: والله عندي سفرة وزوجتي كمان بعد مسافره وانت بتعرف انو محمد مسافر بدرس برا وماريا مو عارف وين بدي اخليها بخاف اخليها لحالها وسفرتنا بدها شهرين...
صالح :خلص جيبها عندي اكيد بناتي بفرحون
ابو محمد:لا يخوي بخاف اثقل عليك
صالح:ايش تقول يخوي والله بزعل منك خلص جيبها عندي
ابو محمد : اذا هيك بكرا بتكون بسعوديه ان شاء الله خليني احجز تذكرة سفر لها ولي بجيبها ويسافر من عندكم تراني مشتاقلكم بقعد عندكم يوم
صالح والفرحه بصوتو: والله بتنور سعوديه
ابو محمد: ههههههههههه منوره بأهلها
صالح :يلا م طول عليك
ابو محمد :بأمان الله
سكر الخط ...ام محمد جت تسأل بس جاوبها قبل ما تحكي...
ابو محمد:خلي بنتك تجهز حالها بكرا بدنا تسافر على سعودية أن شاء الله
ام محمد:ان شاء الله ...بس ضايل على سفرتنا ثلاث ايام ..
ابو محمد: والله مشتاق لاخوي وعياله
ام محمد: خليني اقوم ارتب اغراضنا قبل بكرا
...توجهت ام محمد لبنتها تحكيلها...دخلت عليها لقتها مثل ما تشوفها كل يوم ..
ام محمد: ماريا
ماريا وهي تلتفت ل امها: هلا
ام محمد:بكرا رح مسافر ل سعوديه
ماريا وهي طالع امها مصدومه :يمه عنجد بتحكي
ام محمد:ليش بدي امزح قومي جهزي أغراضك ولا تنسي عبايتك والغطا
ماريا : طيب
ام محمد قالت بحنيه :شوفي يا بنتي إحنا مو هاملينك لا يا بنتي بالعكس احنا بدنا مصلحتكم انتي واخوكي وبدنا حياتكم تكون افضل من حياتنا..باست رأس بنتها وطلعت.
ماريا ضلت نص ساعه تفكر وهي قلقانه بسبب علاقتها مع بنات عمها ....كانت مو بزياده
قامت تجهز اغراضها واهم شي العبايه والغطا
نامت وهي تفكر باللي رح يصير لها
أنت تقرأ
مغتربه بأراضي سعودية
Roman d'amourماريا تعيش بالاردن سافرت على سعودية بسبب عمل امها وأبوها ...بتسكن عند عمها وبتلتقي بابن عمها بلال اللي عمرو ما شافها ....
