La Vie En Rose || GL || [ Completed ✓ ]

Chapter 01

"යූරි මං සකුරව හම්බ වෙලා එන්නම්"
යේනා, එහෙමත් නැත්නම් යූරිගෙ පෙම්වතිය එහෙම කියලා කොරිඩෝ එකේ හිටපු ළමයි මැද්දෙන් අතුරුදහන් උනේ යූරි වචනයක්වත් කියන්න කලින්.

"ඒ එයාගේ හොදම යාළුවනෙ"
යූරි තමන්ටම මුමුන ගත්තා.

එයා හිටියෙ රෝස පාක් එකේ ඉඳන් ක්ලාස් එකට එන ගමන්. අනිවාර්යයෙන්ම එයත් එක්ක එයාගේ පෙම්වතියත් හිටියා. ඒත් ක්ලාස් එක ළඟට ආවහම එයා යන්න ගියෙ එයාගේ හොදම යාළුවව බලන්න ඕනෙ නිසා. මොකද සකුරා හිටියෙ වෙන ක්ලාස් එකක.
නෑ, යූරිට ඒක ප්‍රශ්නයක් උනේ නැහැ. මොකද යේනා හැමදාම ඔය දේ කලා. ඇත්තටම යේනා දවසෙ වැඩි කාලයක් ගත කලේ යූරිත් එක්ක නෙමෙයි සකුරත් එක්ක.

කෙල්ල හෙමීට ක්ලාස් එකට ඇවිත් තමන්ගෙ පුටුවෙන් වාඩි වෙලා පොඩි කඩදාසි බෑග් එකක් අතට ගත්තා. ඊට පස්සෙ එයා එයාගේ ගුලි කරගෙන හිටපු අත ඒක ඇතුලට දාලා දිග ඇරියෙ අතේ ගුලි වෙලා තිබුණු රෝස පෙති ටික බෑග් එක ඇතුලට වැටෙන විදිහට.

"මිස් චෝයි එනවා"
වොන්යොන්ග් කෑ ගහද්දි යූරිට තේරුනා එයාගෙ එහා පැත්තෙ පුටුවෙන් කෙනෙක් ඉඳ ගන්නවා. බලන්න දෙයක් නැහැ. එයා ඒ කෙනාව ඕනවටත් වඩා හොඳින් දන්නවා.

"අම්මෝ ඇති යන්තම් වෙලාවට"
ඒ කෙනා, එහෙමත් නැත්නම් යේනා, කියද්දි යූරි හිමීට එයාගෙ අතේ තිබුණු කඩදාසි බෑග් එක ලොකර් එක අස්සෙ හංඟ ගත්තා.

නෑ, එයා ඒ දේ ගැන යේනට නං කොහොමටවත් දැන ගන්න ඉඩ තියන්නෙ නැහැ!