La Vie En Rose || GL || [ Completed ✓ ]

Chapter 03

"කැහැක් කැහැක් කැහැක්"

මේ පාර නං ටිකක් ලොකු කැස්සක්. ඒ ලේ රතු පාට මල් පෙති තවත් ලස්සන කරන්න වගේ ඒවා උඩ ලේත් තිබුණා. යූරි හිටියෙ ඒ දිහා බලාගෙන. ඒ මල් පෙති තිබුණෙ එයාගෙ අත් උඩ, ඒවා එළියට ආවෙ එයාගේ කටින්.

දැං දවස් දෙක තුනක වෙලේ ඉඳන් එයාට තේරුනා එයාගෙ කැස්ස වැඩි වෙලා කියලා. ඒත් ඊයෙ තමයි මුලින්ම කැස්සත් එක්ක ලේත් ආවෙ. ලේ රතු පාට රෝස මල් පෙති වලට ලේ එකතු උනහම ඒකෙ තිබුණෙ අමුතුම ලස්සනක්, භයානක ලස්සනක්.

ඒත් ඒවා එහෙම ලස්සන වෙද්දි යූරිගෙ මූනෙ තිබුණු ලස්සන නං ටික ටික එයාගෙන් යන්න පටන් අරගෙන. ඉස්සර රෝස පාට එ් කම්මුල් දැං සුදු පාටට හැරිලා මලානික වෙලා.

"ඔයා හරි අමුතු වෙලා යූරි"
අද උදෙත් එයාගෙ පන්තියේ ළමයෙක් වෙච්ච හිටොමි එහෙම කිව්වා කියලා යූරිට මතක තිබුනා.

"ඔයා හුඟක් සුදු වෙලා වගේ යූරි"
ඊයෙ එයාට එහෙම කිව්වෙ යූජින්.

නෑ ඒත් යූරි ඒවා පිළිගත්තේ නැහැ, මොකද තාම එයාට යේනා එහෙම මුකුත් කිව්වෙ නැහැනේ.

යේනට එයාව තාම ඉස්සර වගේම පේනවා, ඒ කියන්නේ එයා වෙන අය කියන දේවල් හිතන්නෙ නැහැ.

ඒත් ඇත්තටම ඒක එහෙමද? නැත්නම් යේනා දැං එයා දිහා උවමනාවෙන් බලනවද නැද්ද කියන එක යූරිට තාමත් තේරිලා නැද්ද?!