🌸မောင်🌸
အပိုင်း(၁၁)
ကိုထွေး...ရုံးကပြန်ရောက်လာသည်အထိခေါင်းထဲမှာ...မောင်နဲ့သူဌေးအကြောင်းကိုတွေးမိနေတုန်း။
ခက်တွေ့ခဲ့တာသူဌေးနဲ့...မောင်ဆိုတာအသေချာပင်ဖြစ်သည်။
ဒါဆိုသူဌေးကမောင့်မျက်နှာကြောင့်သူ့ကို...ရာထူးတိုးပေးခဲ့တာပေါ့...။အဲ့လိုသာဆိုရင်တော့...သူဒီရာထူးကိုမလိုချင်။
"တောက်!''
ကိုထွေးမခံချိမခံသာတောက်ခေါက်လိုက်သည်။
မောင်ကလည်း....ကိုယ့်အမေအရွယ်လောက်ကြီးကိုမှချစ်ရလားတဲ့..သူနည်းနည်းလေးမှစိတ်ထဲဘဝင်မကျမိ။
"ဟေ့...ခရေ...''
အစောကြီးဆိုင်ကိုရောက်ချလာသောကိုထွေးကြောင့်....ခရေမျက်မှောင်လေးကြုံ့ကာ...
"ဟယ်...အစောကြီး...''
"အေးဟုတ်တယ်.... နင်နဲ့စကားပြောချင်လို့....''
ကိုထွေးမျက်နှာက...အလိုမကျမှုတွေအထင်းသားပေါ်လွင်နေတာကြောင့်ခရေပင်...အနည်းငယ်လန့်လာသည်။
"ပြောလေ...''
"မောင်အခုတလောဘာတွေလုပ်နေလဲ...''
"ဘာမှမလုပ်ဘူးလေ...ဒီတိုင်းပဲကို...''
ခရေအဖြေကို...ကိုထွေးကမကျေမနပ်နဲ့....သက်ပြင်းချပြီး...
"နင်မသိဘူးလား...အခုတလော..မောင်ကငါတို့သူဌေးနဲ့အရမ်းကိုတတွဲတွဲဖြစ်နေတာ....ငါ့စိတ်ထဲသိပ်ဘဝင်မကျဘူး....''
ကိုထွေးပြောတာဟုတ်နေတာမို့...ခရေငြိမ်ကျသွားသည်။
သူမလည်း....ဒေါ်နန်းမူယာ နဲ့မောင့်ကိုကြည့်ရတာတမျိုးဖြစ်နေသည်။
လိုအပ်တာထက်ရင်းနှီးနေသလို....ပြီးတော့အခုတလော...မောင့်ဆီကကိုထွေးမယ်မယ့်အကြောင်းကိုလည်းပြောတာမကြားရတော့။
"ငါ တော့မောင်နဲ့...ငါ့သူဌေး....ကြိုက်နေကြတယ်လို့ထင်တယ်...''
"ဟုတ်ပါ့မလားဟယ်....''
"ဘာလို့မဟုတ်ရမှာလဲ... ဒီနေ့လည်းရုံးမှာ....သူတို့ဖြစ်နေပုံကိုနင့်ကိုမြင်စေချင်တယ်....ငါတော့မောင့်ကိုနားမလည်တော့ဘူး....မိန်းကလေးချစ်တာငါမပြောလိုဘူး...အခုဟာကရွယ်တူတန်းတူလည်းမဟုတ်...ဟိုကမုဆိုးမ...ပြောရမယ်ဆိုသူ့အမေအရွယ်ကြီး....နင်လည်းကြည့်ပြောအုံး...ငါကပြောလို့မကောင်းလို့....''
YOU ARE READING
မောင်
Romanceလွန်ခဲ့သောအနှစ်နှစ်ဆယ်ခန့်က...သေဆုံးသွားတဲ့ချစ်သူကို...တစ်နေ့ သူမဆီပြန်လာမယ်လို့ယုံကြည်မျှော်လင့်နေတဲ့မိန်းမတစ်ယောက်ရဲ့...မျှော်လင့်ချက်ဟာ....
