هلو حبايبي شلونكم شخباركم إن شاء الله الكل زين
أحب أنوه على شغلة إذا بقى تفاعل هيج ضعيف راح أوقف نشر يعني أني جاي أتعب وأحاول بكل طرق أنزللكم دائما وكل مايصير عندي مجال بس أنتو مجاي تقدرون تعبي يعني حتى أني حرت بيكم ماادري تريدون أكمل أو لا لأن مجاي تنطوني رأيكم
المهم
هس نرجع لتكملة
ماس:تعرفت على مهند
أعرفكم على مهند
مهند:شاب عمري فوك 25 سنة أعزب متخرج بشهادة...... وموظف بدائرة حكومية ومن نفس محافظة الي بيها ماس
نرجع لماس ونخليها هي الي تكمللنا.
ماس:تعرفت على مهند هو شاب مرتب ومناقصة شي الحمدلله بقينا فترة نحجي كأي اثنين مرتبطين وهو كالي أحجي لأمج شوفيها تقبل أدز أهلي وفعلاً أني حجيت لأمي
ماما حبيبتي أكدر أكولج شي .
أم ماس:شكو أحجي.
ماس:ماما لو أجو واحد متخرج وعندة شهادة بال....... تقبلين تزوجيني.
أم ماس:أكيد لا أنتي وين والزواج وين سدي الموضوع.
ماس:كلت هذا كلام لمهند ومجان بأيدنا غير أنتظار والصبر.
تقوى:طبعاً كل شي جان يصير جانت ماس تحجيلي وعلى كلام ماس شفت مهند شاب كلش زين ويحب ماس هواية جنا بوكتها بأحد مراحل المتوسطة ماس جانت تطلع مرات وي مهند وطلعاتهم مجانت اطول ربع ساعة وترجع ويوم من الأيام جنا لازم نروح للمدرسة بس ماكو دوام يعني إجراءات للأمتحان وماس جانت كايلتلي أنو راح تطلع وي مهند رحنا للمدرسة بس مجان أكو أي أحد بالمدرسة ومهند أجى ومجنت أكدر أبقى لوحدي فماس لحت عليه أصعد وياهم وفعلاً صعدت وجنت كلش مستحية يعني أول مرة أصعد وي شاب ماأعرف وبنفس الوكت خايفة لأن أني من جنت أصغيرة جنت متعلمة ماأسوي أي شي بدون علم ماما لكن من وصلت لمرحلة المتوسطة تغيرت ١٨٠ درجة حياتي كلها تغيرت المهم صعدنا وهو عادي يحجي وي ماس وأني بس أسمع كلامهم تقريباً بقينا ربع ساعة نفتر ورها رجعنا للبيت طبعاً مهند كشكل شاب مرتب وحلو وأي بنت إذا تشوف وهي متعرف تكول أنو هذا شاب مبين من شكل مثقف وأخلاق عالية وطبعاً أني هم جنت ماخدة هاي صورة عنه إلى أن أجت فترة كثرت المشاكل بين ماس ومهند وأجى بالبداية راسلني.
مهند💬:هلو تقوى شلونج شخبارج.
تقوى💬:الحمدلله أنت شلونك شكو ماكو.
مهند💬:الحمدلله زين والله ماكو شي.
تقوى💬:صدك شنو سالفة بينك وبين ماس شصاير.
مهند💬:ولج حتى اني ماادري شبيها بس تسوي مشاكل واني هم مليت.
تقوى💬:اي أصبر شكو بيها يعني عادي هيج شغلات تصير.
مهند💬:يصير خير.
تقوى:اني جنت أكول انو عادي بين مرتبطين دائماً تصير مشاكل وزعل لحد ما فديوم دنرجع من المدرسة اني وماس ونريد نعبر شارع فجاة شفنا مهند طلع مقابيلنا بسيارة ماس حسيتها توترت او خافت.
ماس:تفاجئت من شفت مهند ومردت يحاجيني فكلت لتقوى أمشي بسرعة ماأريد أشوف.
تقوى:ولج على كيفج مدااكدر أمشي
طبعاً أني جنت كل الي أريد بس يتصالحون بس ماكو فايدة رجعنا للبيت والعصر من فتحت الموبايل شفت مهند دازلي رسالة.
مهند💬:هلو تقوى.
تقوى💬:هلو.
مهند💬:ها شفتيها اليوم شسوت عبالك راح أخطفها.
تقوى💬:اي😂😂
والله حاولت هواية أوكفها بس هي عنيدة مكدرت عليها.
مهند💬:بعد مستحيل اجي اني هم عندي كرامة.
تقوى💬:اصبر شكو بيها اعرف غلطت بس لازم تقدر وضعها يعني هي هم زعلانة.
مهند💬:لا اصبر ولا شي بعد
تقوى اريد اكولج شي.
تقوى💬:تفضل.
مهند💬:شنو رايج انتي تصيرين حبيبتي.
تقوى💬:شبيك انت صاير لعقلك شي.
مهند💬:شكو بيها اني بعد مااريد ماس.
تقوى💬:لا والله مستحيل اخون صديقتي.
مهند💬:اذا مقبلتي احجي لاهل ماس ولاهلج كل شي.
تقوى💬:😂😂وشنو تحجي مثلاً.
مهند💬:اكول علاقتي وي ماس وانشر صورها.
تقوى💬:مهند شبيك شجاك
طبعا اني بحياتي محد مهددني لهذا السبب خفت كلش بس مقبلت بكلامة رحت حجيت لماس كل شي وكالتلي معليج بكلامة وخلي حظر طبعا سويت هذا شي مسحت حسابي وخليت حظر وبعد فترة رايحة للمدرسة وتفاجئت بلي شفتها كدامي ومو بس تفاجئت انصدمت حيل ......
شنو برايكم حيصير وشنو راح يتغير طبعا اكو هواي احداث صارت وكل شغلة صارت بيها عبرة واني جاي اكتب هاي الرواية لان بيها عبرة لهواي بنات وحتى امنع هواي بنات يوكعون بهيج اغلاط
اتمنى منكم تدعموني بكلامكم الحلو وتفاعلكم
التكملة بالبارت الجاي إن شاء الله.
احبكم😘🌼
أنت تقرأ
غدر الصديقة
Romanceالقصة حقيقية على بنات ثنين جانوا صديقات كلش قريبات على بعضهم بس الي صار وياهم محد توقعها.......... حبايبي أتنمى تعجبكم القصة وأني هاي أول رواية أكتبها وقررت أكتبها لأن راح تفيد بنات هواية وخاصة المراهقات. #الكاتبة نونة العراقية أحبكم❤️❤️
