"တောက်!"
မျက်စိရှေ့ကိုလက်ခနဲလွင့်လာသည့်မဲပြောင်နေသောလေးထောင့်သဏ္ဍာန်လေးကိုမြင်လိုက်ကတည်းကကိုယ့်ဒုက္ခကိုယ်ရှာမိမှန်းသိလိုက်ရပေမယ့်ရှောင်လွှဲလို့မရနိုင်တဲ့အခြေအနေမို့ထိုပစ္စည်းလေးကိုသာအမိအရဖမ်းဆုပ်ရင်းထိုကိစ္စတွေရဲ့အဓိကတရားခံရဲ့မျက်နှာကိုမြင်ယောင်ကာစိတ်ထဲမှအကြိမ်ကြိမ်မေတ္တာပို့နေမိတော့သည်။
"ခွေးကောင်.. အခွင့်သာတုန်းတော့လုပ်ထားဦးပေါ့"
"ခါးပိုက်နှိုက်ဗျို့! ခါးပိုက်နှိုက်! ကူဖမ်းပေးကြပါဦး"
"ဘယ်ဘက်ကိုပြေးသွားလဲ"
"ဟိုးဘက်"
လှုပ်လှုပ်ရှားရှားဖြစ်လာသည့်လူအုပ်ကြီးကြောင့်သူ့ရဲ့ခြေလှမ်းတွေကိုအရှိန်ထပ်တင်ကာလှစ်ခနဲနေအောင်ပြေးခဲ့မိသည်။
"ငါက.. လူကောင်းတစ်ယောက်မဟုတ်ပေမယ့်သူများပစ္စည်းအလစ်သုတ်တာမျိုးတော့မလုပ်နိုင်ဘူးနော်" လို့သူပြောခဲ့တုန်းက...
"သိပါတယ်ကွာ။ အခုလည်းမင်းဘာမှလုပ်စရာမလိုပါဘူး။ ဒီအတိုင်းခွင်ဖန်ပေးရုံပဲ။ ကျန်တာငါပဲအကုန်လုပ်မှာပါ"
ဆိုပြီးကတိတွေအထပ်ထပ်ပေးခဲ့တဲ့ပတ်ဂျီမင်းဆိုတဲ့သကောင့်သားကကားမှတ်တိုင်မှာသူများပိုက်ဆံအိတ်ကိုခါးပိုက်နှိုက်ပြီးပိုက်ဆံအိတ်ကိုသူ့ဆီကိုပစ်ပေး၍ကိုယ်လွတ်ရုန်ပြေးသွားလေရဲ့။ အခုတော့ပြဿနာအားလုံးကသူ့ခေါင်းပေါ်ကိုစုပြုံရောက်လာခဲ့ပြီ။ နောက်ကလိုက်လာတဲ့ခြေလှမ်းတွေကိုမျက်ခြေပြတ်အောင်ပြေးရင်းသူ့မျက်စိထဲမှာလည်းဒေါသတွေမောဟတွေနဲ့ဖုံးလွှမ်းနေတာကြောင့်မျက်စိရှေ့မှာဘာတွေရှိနေလဲဆိုတာကိုသတိမထားမိဘဲဇွတ်ပြေးနေရာမှလမ်းဆုံတစ်နေရာကိုရောက်တော့...
"အ!"
"အမေ့!"
အရှိန်နဲ့ပစ်တိုက်လိုက်သဖြင့်မျက်နှာချင်းဆိုင်မှလက်နှစ်ဖက်နှင့်အပြည့်အိတ်တွေဆွဲကာလျှောက်လာတဲ့လူသားလေး၏လက်ထဲမှပစ္စည်းတွေကဆတ်ခနဲလွတ်ကျသွားကာမြေကြီးပေါ်သို့ပွစာကျဲကုန်၏။
![](https://img.wattpad.com/cover/299022480-288-k717807.jpg)
YOU ARE READING
My World, My Everything
FanfictionJin💜Kook one shot collection စိတ်ထဲမှာပေါ်လာတဲ့ jinkook one shot နဲ့ short story လေးတွေကိုဒီမှာပဲတစ်စုတစ်စည်းတည်းရေးသွားမှာပါ