لفى بيا يا دنيا الجزء التالت

لفى بيا يا دنيا ١٣

لفى بيا يا دنياااا ١٣
****************
قال تعالى: ( إِنَّهُ هُوَ يُبْدِئُ وَيُعِيدُ )
يعيد السعادة التي غابت..
العافية التي انقلبت..
العلاقة التي انقطعت..
الرزق الذي نقص..
ويُبديء ما لم يكن واستحال..!

اللهم إنى أسألك لى ولأحبتى العفو والعافيه والمعافاة الدائمه فى الدين والدنيا والأخره
........

حسبنا الله سيؤتينا الله من فضله إن إلى الله لراغبون 
اللهم أفتح لى أبواب الخير والرزق والسعاده من حيث لا أحتسب
اللهم صل وسلم وبارك على سيدنا محمد وعلى آله وصحبه أجمعين

❤❤🧡🧡🧡💛💛💚💚💚💙💙💜💜🤎
باسل : سامعك يا رفيق اتكلم براحتك مالك متوتر ليه
رفيق : بص يمكن أنا غلطت لما دخلت لولو بنص كلامنا مع بعض بدون قصد يعنى عارف المحروم لما بيشوف حاجه اتحرم منها بيبقى مهوس بيها إن هو دا إلا كان نفسى فيه
باسل مسكه قبل ما يكمل :أنت بتبص لمراتى  ما بهزرش على فكره وممكن أمد إيدى عليك لو اتماديت فى كلامك
رفيق نزل إيده : إفهمنى يا باسل صح وسيبنى أقولك إلا جوايا  .. أنا فقدت الحب مع رهف فقدت الثقه .. فقدت حتى الأمان فى وجودها .. شوفت دا كله فى تصرفات لولو ليك حتى فى غيباك عنها كنت فاكر إنى لما اتجوز دا هايبقى النموذج إلا ها اتجوزه واحده بتنفذلك رغبتك بحب وود رهيب .. بتنفذ حتى فى عدم وجودك ما بيترددش على ذهنها إن خلاص جوزى  مش موجود اعمل إلا أنا عايزاه  لاء ..  الإخلاص شئ جميل قوووى فى العلاقه أبشع حاجه هى الخيانه حتى لو كانت خيانه أستفزاز وبعد 
باسل : الله أكبر .. الله أكبر .. ربنا يستر
رفيق : هههههه مش بحسدك بس دا وصلته لرهف إنها صفر على الشمال كازوجه جمب واحده  زى لولو فى أصعب وقت ممكن تموت فيه بس تفكيرها فى بيتها وجوزها وإن جوزها يحقق براته الكامله ويكسب أهم قضيه فى حياته حتى لو على حساب نفسها .. فى الوقت إلا أنا قدمت فيه لرهف كل حاجه وهى بسكينه تلمه نازله ضرب فياااا وكأنى بتعاقب على جوازى وثقتى فيها انها بنت خالتى وحبيبتى وحلم عمرى بس أكتشفت فيها إلا صدمنى وعيشنى سنين على أمل كداب ومن ضمن الأكتشافات إنها بتستخدم أى شئ حواليها شماعه  .. لما جابت لولو فى النص بينا ولقت مراتك شماعه جديده لها  اصل شماعتها كتير جدا تغلط وتدور على شماعه تغلط وتشوف حد تلبس فيه غلطها ومصدقه نفسها لأقصى حد
باسل : على فكره بما إنك بتتكلم انا عارف هاتقول إيه عشان هى راحت للولو أصلا
رفيق اتعدل بصدمه : معقول
باسل بتأكيد هز راسه : أيوا ..  تقريبا وصلت  فى الوقت المناسب تقدر تقول لو كنت اتأخرت كانت لولو خلصت عليها وبتاخد عزاها
رفيق رفع حاجبه بدهشه : ضربتها
باسل اتعدل هو كمان : كلتها علقه نزلتها من البيت ملهاش ملامح
رفيق ضحك بصوت عالى جدا وبقى يضرب إيده فى بعض  : اقسم بالله .. طيب وبعدين
باسل : أنت فرحان فيها هههههه ..  ولا قابلين الصراحه انا خدتها ودتها عند أمها وحذرتها نشوف وشها فى أى مكان إحنا فيه عشان هى مزوادها كانت جايه لمراتى  تقول لها إن هى سبب خراب البيت ولعبت فى دماغك بدليل إنك مصر على الطلاق
رفيق إدايق جدا
باسل : بص يا رفيق أنا عارف إن أى كلام بالنسبه لمراتى او مراتك هايكون حساس بينااا بالذات عن أحد تانى  وانا شخصيااا ما بحبش جو أصدقاء العيله وصاحبى يبقى عارف مراتى وبيقعد معاها والكلام الفارغ إلا ما بيجيش من وراه غير الهم وقلة الأدب .. عمتااا أنا ليا مبدء ولولو نفسها ماشيه عليه جوا شغلك فى إيطار شغلك برا الشغل السلام عليكم وعليكم السلاااام حتى الدكتور محمد تقريبا قريب مننا جدا هو وحاتم بس مفيش مره قعدنا جماعه وعيشنا حياتنا كلنا ستات فى رجاله لاء .. لولو مع هدير ونسمه ايوا أنا مع حاتم ومحمد تمام هما مع نفسهم وإحنا مع نفسنا فى خدمه بعيونى مفيش خلاص مليش كلام معاهم .. أركن رهف على جمب وإلا بتعمله وبما إننا بنرجع علاقتنا ببعض دا هايبقى الاسلوب عمتااا .. انا ما احبش إلا بيتكلم عن مراتى حتى لو بالخيررر خليه لنفسك  وياريت تمحيه حتى بينك وبين نفسك  وانا كذالك .. الوحيد إلا مسموحله يتكلم ويخرج الكبت هو الدكتور محمد بحكم انها مطلعه عينه فى الشغل وبيقف جمبها وبيساعدنا فى كل حاجه ..  وعشان أخلص ضميررررى ناحية مراتك ونقفل الكلام .. فعلا وباكد ليك تانى وتالت .. مراتك ماعرفش عنها أى حاجه من يوم ما قولتلى إنك اتخطبت لها .. انت شايف إنها تنفع ترجع رجعها مش نافعه خلاص أنت حر ربنا يوفقك با إلا تنفعك وتسعدك لولو بتتعامل بطيبعتها وأنا  غيرت فيها كتيررر بس أتمنى إن لولو ماتبقاش على لسانك على طول انسى خلاص ربنا نجاكم وعدت على خير وكل واحد رجع لحياته وهاتلاقى كل واحد وله طبع وإلا أتطبع عليه شوف أنت طبعت مراتك على إيه وقصرت فى إيه  وسيبك من إلا حواليك
رفيق بص لباسل بإحراج : أنا أسف لو كنت تجاوزت بالكلام عن مراتك
باسل : يا حبيبى أنا بوضحلك مش اكتر دا اسلوبنا مع بعض فى حاجه بنطمن مش أكتر .. هدير كويسه يا حاتم فى حاجه عايز أى خدمه غير كدا إلا يخص بيت حاتم أنا مليش فيه ولا هو له فى بيتى علاقتنا حاجه وبيوتنا المقفوله حاجه ... يوم ما الدنيا تيجى عليااا ويحصل حاجه اول حد ها اقول لهم أجرى لمراتى واعملو لها انتووو عشان من الاول عارف إنك لا ها تتخطى حدودك ولا غيرك بإختصار يارفيق زى ما بعمل هايترد ليااا فاهمنى أنا حافظت عليك وعلى بيتك وأنت بردو هاتحافظ عليا وعلى بيتى
رفيق بتأكيد : طبعا يا باسل إتأكد إنى كدا وانسى أنت كمان إلا حصل عشان تتعامل معايا بأريحيه مش خايف من كل كلمه أو فعل منى  .. المهم هاتعمل إيه مع رهف كانت عندى قبل ما أجيلك وقالتلى ها اخرب بيتها زى ماخربت بيتى
باسل شغل العربيه تانى : العمل عمل ربنا .. وربنا يهديها أنا ها أحذر مراتى وخلاص  .. أنت ناوى على إيه
رفيق بص على الطريق من برا : مش ناوى على حاجه كفايه عليا كدا وقفلو الكلام خالص .. .. باسل وصل لاصحابه هو ورفيق وقضووو الليله مع بعض وكانت لطيفه جداااا ومش بس كدا اتصلو على عمر جابوه يقعد معاهم وعاملوه بإحترام محدش قلل منه أو جايبينه يتريقو عليه مثلا طول الوقت باسل بيشكر فى دماغه وتفكيره العبكرى  ..  بعد وقت رفيق راح خد بناته وروح وباسل مروح جاله فووون : أيوا يابنى ..مروح لساا وانا مالى اجيبهملك ليه أبتسم .. طب اتحايل عليا شويه كمان ..  لا لا قول بليزززز هههههه هايعملو حاجه فى فرش العربيه يعنى ٣ حمير هايبقو هادين ازاى مش فاهمك .. طيب خلاص سلااام ولف بالعربيه تااانى رجع من الطريق
**
لولو  داخله طالعه من الأوضه وعماله تقيس فى هدوم كلهم إديقو عليها جاامد مسكت بنطلون جيب بتحبه قوووى وبتشده تدخله : أعااا .. مانت هاتدخل يعنى هاتدخل مش ها أديك الفرصه بص أنا مدايقه وعفاريت الدنيا بتتنطط قدام وشى .. ها  تكسرنى أنت كمان كفايه إخواتك فى الرضاعه إلا متلقحين على السرير دول وبتبص على هدومها القديمه الا عماله تطلعهم وتقيسهم  .. يالهوووى أنا مش حمل باسن دا ها ينفخنى ها ياخدنى على المعسكر ٧ شهور تأديب .. طلعت بناطيل بيتى واسعه جدا لبست واحد وتيشرت عليه واسع وربطت راسها وبتعيط .. إهئ إهئ .. أنت إيه قطعك أنت على أساس إنى بلبسك يعنى وبترجع الهدوم الدولاب تانى وماسكه البنطلون المقطوع فى إيديها .. راحت على درج الكمود وبتجيب إبره وخيط وجابت شراب فارده وفارده وطلعت برا على الكنبه قاعده عماله تعيط وبتلبس الشراب وبصوت مسموع  أهى شرباته إلا بتضيع نفعت أهه وبتدفى كمان فيها إيه يعنى لما يلبسها هاتعضه فى رجله كل ما يجيب شراب يزعقلى وبتخن صوتها .. شرباتى راحت فين أنا مالى راحت فين أمشى معاها يعنى عشان أعرف راحت فين ماهى إلا سايبه شربات سايبه  محدش قادر يلمها مفيش فارده ماشيه مع أختها اكيد ماشيه مع إبن الجيران .. وبتمسك البنطلون وافتكرت تخنها وبتعيط لضمت الأبره وبتدور على القطع .. كان هنا دلوقت راح فين إهئ إهئ ..
باسل فتح الباب ودخل : السلام عليكم
لولو نطرت إيديها وبعياط وهمس : لا سلام ولا كلام بقى مش عايزين غم  على المسااا
باسل رفع حاجبه : بتقولى إيه أنتى بتردى  فى سرك
لولو بعصبيه : اااه برد فى سرى عايز حاجه
باسل تنح وبهمس : مالها دى
لولو : تعالى جاتك القرف وبتزعق
باسل شاور على نفسه : أنا يا نهارد  مش فايت دانتى أتجننتى راسمى بت ولسا ما كملش
لولو بعصبيه أكبر : مش أنت البنطلون وبتهزه قدام باسل .. أكيد مش ها أكلمك كدا يعنى  .. آهئ إهئ إهئ .. وبتخيط فى البنطلون .. هو إيه كبر القطع كدا .. شوفت كلمتنى ولهتنى عنه القطع الكبر يا أستاذ
باسل بتريقه : ليه بيتغذى على الكلام  .. قعد جمبها وبيزقها .. وسعى كدا
لولو : هو حبكت تقعد جمبى ما الدنيا واسعه أهه
باسل حط إيده على راسه من ورا وباصص لها : أنتى بتكلمينى أنا كدا
لولو بتأكيد : أيوا ومن إنهارده لا تقعد جمبى ولا تكلمنى وانا فى أوضه وأنت فى أوضه فاهم
باسل هز راسه وببتسامه صفرا : لا مش فاهم وها أفهم بطريقتى
لولو قطعت الخيط بعصبيه وبتلبس رجل البنطلون باسل مسك رجلها .. بتهببى إيه مانتى لابسه أهووو
لولو : بقيسه  فيها حاجه دى
باسل زق رجلها : لا مفهاش قيسى
بتدخل رجلها  البنطلون مقفول من تحت بصت لباسل بشر إلا يدوب  بيريح ضهره : حلو كدا قفلت رجل البنطلون من تحت بدال ما أخيط القطع  يعنى أعمل إيه دلوقت
باسل أتعدل وقام وقف وبيشدها من قفاها يقومها من مكانها وبيزقها رايح جاى بيطوحها بايده مسكته المعتاده لها  : أنتى عايزا إيه فى يومك دا وبيمسك هدومها يشدها منها .. إيه دا وإيه دا نفسى أعرف بتجيبى أم البناطيل دى منين عايزا أتنين جمبك فيهم أنا حد نابر فى حياتى معاكى
لولو رفعت راسها بتكبر  : خاسه أعمل إيه يعنى
باسل قرب ودنه  عليها : خاسه مين دى إلا خاسه هاااا ..  وربنا يا شيخه طب ما تلبسى الديق بقى نشوف وتلبسى ديق ليه مسك بطنها وبيقرصها منها إيه دا هاااا كرش وإلا عامل نفسه كرش
لولو : إهئ إهئ .. مليش دعوه بيه
باسل  بيلف إيده فى الهوا وبجنون  : ملكيش دعوه بمين دا جواكى
لولو بتحذير : لاااااا أوعى تقول كدا أنا جوايا خلطه كبيره مهدور حقها يا حضرة الظابط المحترم
باسل : خلطه  .. إحنا كمان هاندخل على الخلطات
لولو هزت راسها بتأكيد وبعياط : مشاعر مكبوته مسكت بطنها إلا أنت شايفه دا مشاعر مكبوته
باسل فرد إيده : وكبتاها ليه ياختى طلعيها ماتعمليش فى كرشك كدا
لولو : اطلعها أزاى ومع مين هااا .. بقالى سنه ماخرجتش من البيت
باسل : يا كدابه بقالك سنه ماخرجتيش من البيت  مين إلا راجعه من خطف من شهر ماكملتيش شهر خطف الواحد يعملك إيه تانى
لولو : أيوا سنه قبل الخطف وبعده محشوره جوا الشقه لما جالى كرش
باسل على صوته : قصدك محشوره جوا المطبخ  .. جوا التلاجه .. جوا أى فرن مليان صوانى  جوا سوبر ماركت الاستاذ لما الاستاذ بقى بشمهندس على حسك
لولو رفعت صوبعها : إنى أعترض
باسل ضرب صوبعها  وعضه  : ماتعترضيش أنتى ماتفتحيش بوئك لسنه كمان  فاهمه
لولو بتتنطط قدامه وبتجرى : ها افتحه .. انا لازم اخرج واتمتع بحياتى من البيت للمستشفى للبيت إييييييييه مش بنى أدمه وإلا إيه
باسل مد إيده  : خلصانه  أنا بقى ها أوريكى .. وسابها ونزل
لولو قعدت على الكنبه تانى : إهئ إهئ مشى مشى .. ماهو إلا عصبنى لازم يحتوينى ويحضنى وياخد ويدى معايااا يقتنع بكل ما فيااا ليه مش مقتنع بيك وحطا إيديها على بطنها  .. ابتسمت لما سمعت الباب بيتفتح تانى بعد لحظات وإتفاجئت بباسل  ماسك تلات كلاب شرسه جداااا وواقف بيهم قدامها  برقت وتنحت ووقفتلو على الكنبه بتنط والكلاب بتهوهو عليها هيجتهم
باسل : قولتلى جواكى خلطه دول بقى جواهم بنى أدمين تحبى نبتدى منين بالكرش إلا انتى فلقانى بيه
لولو : مابخفش لم اشيائك لن أتراجع يابن منى
باسل  شهق : وربنا لو سيبتهم ما ها يسيبو فيكى حته سليمه هاتتظبطى وترجعى لرجدك وإلا إيه يابنت زينبووو
لولو نطرت إيديها : رجدك دى كانت زمان .. دلوقتى فى خلطات فى طموحات فى سفريات وشوبنج  وجايه تنزل كلب هب فيها هبه وحشه  بترجع لورا وقعت ورا الكنبه .. بتطلع وبتعيط عياط مصطنع وبتبص بعنيها واحده واحده .. انا ما بخافش وباسل بيضحك جااامد
باسل :  أطلعى يا جبانه اطلعى لو راجل
لولو : الراجل يطلع بقى انا لا بشنب ولا بحلق دقنى كل يوم الصبح لما هريتها
باسل : لا عندك حق .. بصى يا ست الستات أنا ها اسيب رامبو وانتى ونصيبك
لولو وقفت وبتفرد صدرها : لو هو رامبووو انا زينه هااا وبتفرد إيديها جامد لقدام
باسل بصدمه  : يالهوووى فلت اجرى يا لولو والكلب طار عليها وباسل طار ورا  الكلب ولولو طارت على الاوضه وقفلت بسرعه .. مسكه وبصوت عالى كنتى ها تتاكلى يا هرقليز ..  زينة قال زينه قال يخربيت تخلفك سيبتى ركبى
لولو واقفه ورا الباب رجليها بتخبط فى بعض  وماسكه البنطلون وبعياط : أنت جايب كلاب تاكلنى حصلت
باسل بيضحك جااامد : انا رايح أسلمهم لصاحبى لقيتك بالصلاه على النبى مصدره عرق الغباااء مصدر هرمون الجفاء قولت ألينه
لولو  بتبص على بنطلونها : من جهت لان فاهووو لاااان هو انا خسيت فى النطه دى وإلا إيه البنطلون بيقع .. وأبتسمت .. الرباط انفك أاااه يا مكار
باسل وهو برا باندهاش  : يارب صبرنى يارب .. ياله قدامى منك لها لها وماشى بيهم ونازل على تحت تانى .. خد الكلاب راح لصديقه إلا فى الشرطه وسلمه الكلاب أتصل على باسل وقاله هاتهم من عند واحد صاحبهم ويعدى يديهمله    فى طريقه .. كلاب مدربه تابعه للوزاره  ..فضل يتحايل على باسل يقعد معاه اعتذر منه ومشى .. راح جاب للولو شيكولاته كذا نوع هى بتحبهم وكفته عارفها بكرش وبتحب الأكل  ههههه .. وجاب لها كمان قميص جميل قوووى  وحط دول كلهم فى شنطه شيك جدا وروح على البيت لقائها واقفه فى المطبخ بتعيط بجد وبتغسل المواعين .. ضمها قوووى من ضهرها ودفس راسه فى راقبتها .. حبيبى ماله إيه مجننه كدا أنتى متغيره من يوم ما قابلتك فى المشفى مش لولو إلا عارفها بتحاولى بس مش عارفه
لولو هزت راسها وعيطت قوى : مش عارفه مخنوقه
باسل  باسها برقه وبيلف وشها له مسح دموعها :  كل دا يا لولو
لولو : أيوا بجد مخنوقه حاسه إن فى حاجه طابقه هنااا وحاطه إيديها على صدرها  عايشه فى روتين ها يقتلنى يا باسل
باسل مسك إيديها : سيبى إلا فى إيدك دا وتعالى هو كله من الواد شيكولاته  أمال لما تجيبى البت شيكولاتيه هاتعملى إيه فينا
لولو أبتسمت : بطل هزار وسيبنى أفك
باسل : فكى وبيلف إيده مش قوووى أصلك لما بتفكى بتهرب منك
لولو قعدت على الكنبه وهو كمان قعد جمبها وبيشدها يقربها عليه حط إيده على كتفها : تصدقى يالولو
لولو : إيه
باسل : أنتى لو عامله شعرك عند مكاوجى رجل مش ها يبقى  كدا تحسيه بينتحر من راسك
لولو ضحكت غصب عنها جااامد وضربته  : على فكره أنت مافهمتوش لحد دلوقت لما ببقى مدايقه بيتعاون معايااا بيساندنى
باسل ضحك ومسك شعرها : هو بيساند كل حاجه إلا أنتى ملوش علاقه براسك هههههه
لولو : هههههههه
باسل : طيب أنا سمعت حاجه من شيخ كدا كان بيتكلم عن الملبوسين إلا زيك
لولوتنحت وشاورت على نفسها  : انا إلا ملبوسه
باسل : لاء أنا ...  عشان كدا اتجوزتك .. المهم هو كان بيتكلم عمتاااا .. يعنى بيقولك إلا بيطفى الناااار الميه .. لما تلاقى نفسك مخنوقه وجسمك كدا قايد نااار قومى خدى شاور بميه وملح أو أتوضى  عشان يسحب الطاقه السلبيه إلا جواكى  هاتحسى بتحسن .. تعرفى إنى جربتها
لولو ميلت راسها  : يا سلام
باسل قااام : طيب تعالى جربيها وبعدين نتكلم .. وخدها دخلها الحمام .. وحضر لها القميص وفوطه وخلصت خالص وابتسمت لما ناولها الحاجه ومن ورا الباب .. فجئينى بأحلى لولو .. اااه أغسلى شعرك يمكن يتلم
لولو طلعت إيديها ضربته وهو ضحك بصوت عالى طلع وراح يجهز الأكل وحط جمبهم الشيكولاته  وغير هدومه وعاش حياااته ... لولو خرجت وفعلا نفسيااا أتبدلت بعد الشاور .. وشكلها جميل باسل اول ما شافها صفررر وهى ابتسمت بإحراج ..
باسل : أيوا كدا .. تعالى يا قمر .. شامه
لولو : شامه من بدرى بس مكسوفه أقول
باسل ضحك : تموتى فى أى حاجه بتطلع كرش .. تعالى وكل شويه يمسك شيكولاتيه ويمشيها على خدها وبهمس مسك إيديها .. وحشتينى قوى
لولو ببتسامه : وأنت كمان
باسل بغمزه : طب ما تسيبك من الكفته
لولو ضربت إيديها على السفره : لاء وألف لاء الكفته أولا
باسل ضربها على راسها : كلى  وشال صابع كفته وبيأكلها بايده .. خلصو اكل وأكلها شيكولاتيه بإيده وهى تاخد قطمه وهو قطمه والليله قلبت هزار ورومانسيه  على الأخررر
لولو نايمه جمب باسل وهو ضاممها وبيبوس راسها  عدلت راسها بصتله
باسل : مالك عايزا تقولى إيه
لولو : ولا حاجه وحشنى كنت محتاجه أملى نظرى منك وبتلعب فى وشه
باسل مسك صباعها عضه ولولو شدت إيديها
لولو : ههههه أوعى دانت رخم والله
باسل خد نفسوقرص خدها : مهلبية حياتى
لولو : هه
باسل : ممكن رهف تدايقك الأيام الجايه أعتبريها مش موجوده ولا شايفه ولا سامعه
لولو مدت شفايفها لقدام : ليه قالتلك
باسل رفع حاجب وأتعدل : هو أنتى شاكه إن فى بينا كلام
لولو : مش بالمعنى
باسل : يعنى شاكه
لولو : إيه ياباسل بتقولى مش عارف إيه مين قالك
باسل : رفيق يا لولو إلا قالى رفيق ومش حد تانى
لولو بتلف بعيونها : أممممم .. طيب أنا ها أقوم
لسا هاتقوم مسكها : أنا إدايقت
لولو : الله فى إيه بقى
باسل : فى إنك مش واثقه فى كلامى أو فيا انا شخصيااا وبتحاولى تتعاملى بتجاهل بس هبله قوى وباين عليكى فى حاجه قوليها
لولو بإصرار : ولا أى حاجه يا باسن قوم قوم ها أعمل شاى باللبن
باسل أبتسم : بترشينى
لولو هزت راسها وأبتسمت : طبعاااا ياله عشان نروح نجيب العيال وحشونى قوى وشيكولاته عايزا أخده فى حضنى
باسل قام خد شاور ولولو دخلت المطبخ عملت الشاى باللبن وشربوه مع بعض .. وبمجرد ما لولو دخلت الحمام قال لها انا ها أنزل أجيبهم وخليكى مش لازم تنزلى وفعلا راح يجيب عياله عشان يقعد معاهم ..
مر اليوووم بسلااام والدنيا تمام .. ولولو اتفقت مع نسمه وهدير إنهم يخرجو يوم الجمعه ويظبطو حالهم على كدا ..
باسل خارج من الاوضه وبيقعد على الكنبه الفون رن : ألووو أتعدل .. أيوا يا فندم معاااك هز راسه حاضر يا فندم .. حاضر ..لولو طلعت واقفه قدامه وبتشاور له بمعنى فى إيه  وهو بينطر إيده .. قربت تسمع زقها
باسل وقف : نعم .. لالا لا حاضر وعليكم السلام قفل وبص للولو
لولو : فى إيه مالك متنح كدا ليه
باسل : ربنا يستر عايزينك
لولو : مين دول
❤❤🧡🧡🧡💛💛💛
بقلم : لبنى طارق
💚💚💚💙💙💙💙💜💜💜
تصويت ورأيكم