💃💃 බච්චී.....💃💃💃 ( Romance ongoing )

💜️ එකොලොස් වන සිතුවම....

💃 සිතට හොරා....💃

" අම්මා .....බච්චිත් ඉන්න හින්දා ලෑස්ති වෙන්නකෝ සාරිය අරගන්න යන්න...."

මම තාමත් උදේ ආපු පාර චූටි නැන්දත් එක්ක කුස්සිය කතා කර කර ඉන්නවා...සිතිලයියා උළුවස්ස ළඟට ඇවිල්ලා හේතු වෙලා එහෙම කියලා මගේ දිහා බැලුවා ....

" දිමා.... ගෙදර ගිහිල්ලා ලෑස්තිවෙලා එන්න ටවුන් යන්න...."

මම ඉතින් වැඩේ කන්ෆර්ම් කරගන්න ඕන නිසා චූටි නැන්ද දිහා බැලුවා...එයත් ඉතින් ඇස්වලින් කිව්ව ගිහින් එන්න කියලා .. මොනව උනත් චූටි නැන්දා පුතාලා තුන් දෙනාට සහලෝල බයයි ....එයාලා කිව්වොත් කියපු දේ මෙයා කරනවා ...ඒකට අපේ අම්මා ..අප්පච්චිත් බයයි එයාට ...මම හිතන්නේ එතන තියෙන්නේ බය නෙමෙයි ආදරය ..ඒ දෙන්නා රණ්ඩු වෙනවා නම් අහලා නෑ හැබැයි අම්මා අප්පච්චිට කෑගහනවා නම් ඕනෙ තරම් අහලා තියනවා ..අපේ අප්පච්චි නෙමේ කනකටවත් ගන්නේ ...

" ඔය කේන්තිය හරියට සෝඩා බෝතලය කැඩුවා වගේ තමා ..."

මං වෙලාවකට අම්මා කුස්සියේ ඉඳලා කෑ ගහන වෙලාවට අප්පච්චි දිහා බයෙන් බලාගෙන ඉන්නකොට අප්පච්චි හිනා වෙවී කියනවා ...කිව්වත් වගේම ඉතිං දවල් රණ්ඩු වුණා නම් හවස් වෙනකොට අපේ අම්මා අපිටත් ආස හිතෙන විදිහට තේ බොන්නත් මොනා හරි හදනවා ...එහෙම වෙලාවට නම් හිතෙනවා දෙන්නා හැමදාම කෑ ගහ ගත්තත් මොකද කියලා .....මම අන්න ඒ අවබෝධය ට හරි කැමතියි ...අප්පච්චිට කේන්ති යන්නේ මාස ගානකට එක පාරයි ..හැබැයි එදාට අර හැමදාම කැඩිච්ච රේඩියෝ එක වගේ කියවන අපේ අම්මත් සයිලන්ස් ..

මම ඉතින් වත්තෙන් පැනලා ටක් ගාලා ගෙදර ආවා...මම එනකොට අම්මයි අප්පච්චියි ටවුන් ගිහිල්ලා ඇවිල්ලා ...කොහොමහරි චූටි නැන්දයි අයියයි එක්ක යනවා කිව්වහම කවුරුත් මොකුත් කියන්නෙ නෑ...

මම ජීන්ස් එකකට ටොප් එකක් ඇඳගත්තා... සාමාන්‍යයෙන් හිරට කලිසමක් අඳිනවනම් මම ටී ෂර්ට් එකක් නම් අඳින්න කැමතිම නෑ ... මොනවා උනත් ගෑනු ළමයෙක් සංවරව අඳින්න ඕනේ... ආත්තම්මා එහෙම කියන්නෙත් ඉතින් කට කහනවට නෙමෙයි නේ...අපි ෆැෂන් කරන්න ඕනේ ඒ උනාට තව කෙනෙකුගෙ ඇස් දූෂණය නොවෙන විදිහට ...තව කෙනෙක් අපහසුතාවයට පත් නොවන විදියට ..