💃 💃 නුඹ නැතිව 💃💃......
පාඩම් කරන්න ගත්තා ඒක හරියන්නෙ නෑ... දවස් තුනකට කලින් හෝදලා ගෙනත් දාපු ඇදුම් ලෝඩ් එකක් පුටුව උඩ තියෙනවා ඒක නවන්න හිතෙන්නෙම නෑ...
" ඔතනම තියාගෙන ඇද ඇද අර කූඩෙ පුරවපිය..අන්තිමට උඩට හරි යටට හරි අදින්න එකක් නෑ කියලා දැනගත්තු දාට හෝදපිය....."
අම්මා මගෙ කාමරේට ආවොත් ආඩපලි කියවලා යනවා...වැරැද්ද මගෙ නිසා කටවහගෙන ඉන්නවා... මගෙ ඇද තියෙන්නෙ ජනේලෙ අයිනෙ .. ඇදේ කොනට ගිහින් වාඩිවුනාම මට හොදට එලිය පේනවා.... එතන එරමිණියා ගොතාගෙන වාඩිවෙලා එළිය බලාගෙන පැයක් විතර හිටියා... මට තවත් මේ තනිකම දරාගන්න බෑ.... එයා එග්සෑම් වලට ගිහින් අදට දවස් පහක් වෙලා.... හවසට මැසේජ් කරන්නෙත් හරි හදිස්සියට ...
" පාඩම් කරනවා බච්චියෝ.... තව දවස් හතරයි....මං ඉක්මනින් එනවා... ඔයා ක්ලාස් යන්න..පරිස්සමෙන් ඉන්න..."
ඔච්චරයි .. මට මේක දරාගන්න බෑ නෙවෙයි පුරුදුනෑ.... මං මෙහෙම නෙවෙයි අප්පා ... මං නිදහසේ හිටපු කෙල්ලෙක්.. මං ආසනෑ මූඩ් ගහලා ඉන්න.. මේක හරියට ගිරා පැටියෙක් ව අල්ලලා කූඩුකලා වගේ වැඩක්.... මට තේරෙන්නෙ නෑ මොකද කරන්න ඕනෙ කියලා ...
" ලොකූඑකී නැති සාංකාව ඔය... ඉන්නකොට මරාගත්තට දැං ඒකිට තේරෙනවා ඇති අක්කගෙ වටිනාකම..."
හවස මම නාගෙන එනකොට ආත්තම්මා අම්මා එක්ක කුටු කුටු ගානවා...
" ඒක වෙන්නැති අම්මේ.... හරියට කන්නෙවත් නෑ ...බලාගත්තු අත බලාගෙන ඉන්නවා... ඉස්සර අර පෝන් එකට හරි එබිලා හිටියා දැං ඒකත් නෑ...."
අපෙ අම්මගෙ කටහඩ ඇතුලෙ පුංචි වේදනාවකුත් තියෙනවා.... ඒ මම සාංකාවෙන් ඉන්න දුකම නෙවෙයි ... ඊයෙ රෑට මම හරියට කාපුනැති හින්දා මහරෑ කුස්සියට ගියේ මොනවහරි කන්න හොයාගන්න ..ඒත් අම්මයි අප්පච්චී කාමරේ ඇතුලෙ ලොකු සාකච්ඡාවක් ... නරක වැඩක් උනත් මම ඒකට ඇහුම්කන් දුන්නා..
" වෙඩින් ගත්තා වගේ නෙවෙයි සුදුනෝනේ මේමාසෙ කැපිලා කෙටිලා පඩිය අතට එනකොට තරු පෙනෙයි ..."
අප්පච්චීගෙ කටහඩත් හරි අමුතුයි....
" හ්ම්ම්..... මේපාර කුඹුරුත් පාඩුවුනු හින්දා හාල්ටික තියෙනවා කියලා හිත හදාගන්න කියල යැයි ...."
YOU ARE READING
💃💃 බච්චී.....💃💃💃 ( Romance ongoing )
Romance💜️ මිනිස්සු මිනියක් ඉස්සරහා අඬන්නෙ තමන් ගැන කියව කියව මිසක් ඔයා කොහොමද සොහොනට වෙලා තනියම ඉන්නෙ කියලා නෙවෙයි... 💜️ ආදරේ කරන්න හදිස්සි වෙන්නම ඕනෙද... මම තවම yizhan ගෙන් ආදරය ඉගෙනගන්නවා..... 💜️ මම බච්චී ..........
