لذة توبه

نهايه ذنب بدايه توبه ✊✨

الفصل الاول (لذة توبه)
بسم الله الرحمن الرحيم

فكره انه الواحد يرجع لربنا ولعبادته تاني وربنا يهديه ويستقيم دي حاجه جميله جدا معايا صح 🙂
إنه يبدا يلتزم ويصلي ويقرأ قرآن ويصوم وووو ده شئ جميل اكيد معايا صح 🤔😂
بس فيه حاجه كده هتقابلك خد بالك منها احذر هذة المنطقه 😂🤚
الموضوع في الاول بيبقي صعب 🙂
لأنك مش متعود
عامل زى السلم الكهربه بتخاف تحط رجلك على اول سلمه بس لو طلعت بتلاقى نفسك مكمل لحد ماتوصل لهدفك 👌وكذالك موضوع التوبه وانك هتبدء علاقه جديده مع ربنا وهتصلح عيوبك وتستغفر لذنوبك 🙂
فهنبدء ازاى 🤔تعالى اقولك يلا توكل على الله وابدا👇
فهتبدأ بعباده صغيره
زي الصلاه في مواعيدها ال هما الخمس فروض بس من غير سنن 👉وبعدين خلصت كدة 👍لا خد هنا احنا لسه بنقول ياهادى 🙋‍♀️يعنى اعمل ايه تانى
بص ياسيدى 👇
تقرأ قرآن بس مش كتير يعنى على الاقل صفحه فى اليوم  حلو كدة 👉 اه حلو بس 😥 انا اعرف ناس صحابى بيقيموا الليل وحفظين القران ومتدينين وأنا يدوب حافظ سورتين بالعافيه وبصلى يدوب الفروض بس😥
حااااااسب 🤚دا الشيطان 😈الشيطان ايه وايه دخل الشيطان فى الموضوع دلوقت🙄طيب براحه متشخطش تعالى ماقولك الشيطان داخله ايه في موضوعنا 🙂
ركز معايا كويس 👌👇
هنا لازم تاخد بالك لأنه الشيطان مش هيبقي عاجبه حالك ده وانه ربنا هداك وهيحاول يبعدك عن الهدايه بس بالطريقه اليأس 👉
فببساطه هيجيلك ويقولك
بص ده بيصلي ازاي الصلوات والسنن وتلاقيه كمان بيصلي قيام وانت يدوبك بتصلي الفروض بالعافيه
يقولك بص ده بيقرأ كام جزء ولا ده حافظ كام جزء وانت مش حافظ غير سورتين تلاته
طب قولي بقي توبه ايه دي بقي
الطريق طويل عليك يابني وعمرك ما هتبقي زيهم 😈
انت يابنى ملقش غير طريق الدنيا واغرائتها وغير كدة انت شاب جميل وحلو عيش حياتك وكفايه تعقييييييد
توبه ايه ياراجل 🙂😈
بس لحد هنا اوعى تستسلم له ولمداخله 😐😐
ايااك تسمع كلامه او تديله فرصه إنه يبعدك تاني
اياك تقارن عبادتك بعباده الصالحين مره واحده كده علطول 🤚
احنا مابننجحش غير لما نفشل مرة واتنين وتلاته وعشرة
وهكذا علاقتك مع ربنا وبدايه طريقك لتوبه والهدايا
بتبدء واحده واحدة عشان تحسها وتشعر بلذة التوبه وتعمل عبادتك بحب 🤍
دا حتى لما تروح تتقدم لواحدةبيبقى فاتحه وبعدين خطوبه وبعدين كتب الكتاب وبعدين الفرح 👰🏻😂
سيبك من دى دا حتى الدراسه بنبدائها الحضانه ثم ابتدائى ثم اعدادى ثم ثانوى ثم جامعه وبعدين تشتغل وتاخد الخطوة ال قبلها فوق دى 👆😂
المقصود من كلامى 👇🙂
انك متسلمش ودانك لشيطانك وتياس وتبطل
إنك تحاول عشان تبقي زيهم واحسن كمان 
كل ال عليك👇
أنك حاول خطوه خطوه
تبصلهم بس بنظره تانيه كالآتي
ده بيصلي سنن وبيقرأ وحافظ ووووو
انا هبدأ بعد كده بعد كل صلاه أصلي السنن بتاعتها وهلتزم بده
تمام 👌خلاص التزمت بده خش علي يلي بعده
أنا بعد كل صلاه هقرألي صفحه ولا إتنين
تمام خلاص التزمت تزود الورد شويه
التزمت تزود اكتر وتبدأ تدخل في مرحله الحفظ
تحفظ سور قِصار تصلي بيهم غير السور المعتاده (ده هيساعدك جدا إنك تركز في صلاتك وتخشع ) وتزود في حفظك شويه شويه
تحاول تاخد وقت من الليل حتي لو ربع ساعه تصلي فيهم ولو ركعتين قيام وهكذا
الكلام ده معناه إنه تحاول تجيبها واحده واحده وتلتزم وتبص للصالحين دول وتشوف بيعملوا إيه وتقلدهم
ولما تحب تقارن نفسك
ببساطه قارن نفسك بنفسك مش بحد يعنى بين محمد انبارح ومحمد دلوقتى
انا كنت من فتره بعمل كذا ودلوقتي بعمل كذا وكذا وكذا
وكل مره تحمد ربنا علي هداتك وتسأله الثبات والزياده
المهم في الموضوع انك متبصش للطريق الطويل ده بنظره انه طويل ومش هقدر لا
ركز في الخطوات يلي قدامك بس
ركز علي نفسك وطورها في عباده ربنا
مره في مره هتلاقي نفسك بتصلي فروض وسنن وقيام وبتقرأ قرآن وحافظ قرآن وبتصوم تطوع وبتقرأ اذكار وووو
واهم حاجه انك متتكسفش من نفسك لما تشوف الصالحين وعبادتهم
علطول تفتكر نفسك قبل كده وتحمد ربنا علي هدايتك وتحاول تقلدهم في يلي بيعملوه واوعي تلتفت لكلام الشيطان ليك إنه الطريق طويل وصعب اتحدهاواتحدى نفسك وقول بااعلى صوت  انا قدها وانا اقدر اعمل كدة واكمل و ان شاء الله انت قدها ✊🙂

#مقتطفااات 👉👇
1/فى الاذان كل ال عليك تردد ورا المؤذن وبعد مايخلص اذان تقول اللهم رب هذة دعوة التامه والصلاة القائمه اﭢسيدنا محمد الوسيله والفضيله والدرجه الرفيعه وابعثه الله المقام المحمود الذى وعدته وصلى الله وسلم على سيدنا محمد وعلى آله وصحبه اجمعين 👍

2/بعد الوضوء تقول اشهد ان لا اله الا الله وحده لا شريك له له الملك وله الحمد وهو على كل شيء قدير اللهم اجعلنا من التوابين والمتطهرين يارب العالمين 👌

3/وانت بتبدء الصلاة بعد ماتقول الله اكبر قول اللهم ان صلاتى ونسكى ومحيايا ومماتى لله رب العالمين الله الله ربى لا اشرك به احدا اللهم انى اسألك ان تغفر ماتقدم وماتاخر من ذنبى فانه لا يغفر الذنوب إلا أنت فاللهم تقبل صلاتى وبعدين تبدء صلاتك

4/بين السجدين لازم تقول اللهم اغفرلى وبعدين تسجد السجدة التانيه

5/بعد ماتسلم تقول اللهم أنى اعوذ بك من عذاب القبر ومن فتنه القبر ومن عذاب النار ومن فتنه المسيح الدجال ومن فتنه المحيا والممات

6/بعد ماتنتهى من صلاتك عليك سبحان الله 33مرة الحمدلله 33مرة الله اكبر33مرة
الصلاة على النبي 10مرات وبعدين تقول لا اله الا الله وحده لا شريك له له الملك وله الحمد وهو على كل شيء قدير ولا حول ولاقوة الابالله العلي العظيم ✨

#اتمنى تكونوا استفدتوا ونسأل الله العظيم التوبه والهدايه لنا جميعا وندعوا الله اللهم اعنا على شكرك وحسن عبادتك واللهم يامقلب القلوب ثبت قلبى على دينك اللهم امين ياارب العالمين 🤲

والا هنا انتهى الفصل الاول من لذة توبه والى لقاء اخر مع الفصل الثاني من لذة توبه
#استودعكم الله الذى لا تضيع ودائعه 🤍👋

#بقلمى رفيدة عثمان 🤍