لذة توبه

المدخل الثانى 😈👌

الفصل التانى (لذه توبه)
بسم الله الرحمن الرحيم
توكلنا على الله 👇🙂

طب الحمد لله أنا التزمت وبقيت احسن بكتير من قبل كده الحمد لله بقيت محافظ على الفروض بالسنن
وبقيم الليل حتى لو بركعتين وبقيت بقرء بدل صفحه واحدة من القران بقوا اتنين وتلاته
واحيانا بصوم اتنين وخميس
ومش بس كدة 🤭
وكمان بقيت بشوف الصالحين دول والاقيني بعمل حاجات كتير هم بيعملوها 🤭🤭
انا كده تمام واكتفى بدول واعتبر نفسى منهم 😏
انا بقيت بعمل حاجات مكنتش احلم انى اعملها 😐🙄
ومش بس كدة انا بقيت احسن واحد فى صحابى ☺️
ويعتبر احسن من ناس كتير مبتركعهاش حتى 🙄
يبقى انا كدة تمام قوى سلام عليكم بقا 👋
خد هنا ماهو دة المدخل التانى للشيطان 🙂
المدخل التانى ازاى مش فاهم 🙄
وشيطان ايه ال دخله فى موضوعنا 😏
انا بقول انى خلاص بقيت شبه الصالحين وبقالى شهرين
مواظب على كدة ومبعملش الذنوب ال كنت بعملها 🙄
يبقى شيطان ايه بقا 🙄
زى ماقولتلك دا المدخل التانى للشيطان 🙂
خلاص تعالى معايا وانا هفهمك 👈👇
بص ياسيدى 👇

خد بالك من لعبه تانيه الشيطان هيلعبها عليك👇👇👇

الشيطان لقي انه مفيش فايده من انه يبعدك عن ربنا وشايفك كل يوم والتاني بتزود في عبادك وطاعتك والوضع كده بقي مقلق ليه وانه خلاص هيخسر زبون ليه
🙂🙂🙂🙂
ازاي بعد ما كنت زبون عنده يبقي ده حالك لأ وكمان بقيت بتزود في عبادك اكتر واكتر
فيبدا يجيلك بلعبه جديده👌
يجيلك وانت في اي حته فى شغلك كليتك صحابك اهل بيتك ويقولك انت اتقدمت خالص ووصلت لمرحله مكنتش تحلم بيها بقيت احسن واحد فى ال قعدين دول 😈تقوم دماغك تقتنع بالكلام وتقول فى نفسك والله عندك حق فعلا ☺️
عشان يقنعك كمان وكمان 😈😈👇👇👇
يقولك بص ده بيعمل ايه ده لا بيصلي ولا بيقرا قرآن ولا اي حاجه خالص وانت بسم الله ما شاء الله عليك بتصلي وبتقرأ قرآن وبتصوم تطوع وحالك جميل
ده انت نسمه 👏👏👌
بقولك ايه ما تكبر من قرايه القرآن كتير اوي النهارده يعني مش كفايه الصفحه ولا الصفحتين بعد كل صلاه دول
وبعدين شوف يلي حواليك ده انت نسمه بالنسبه لهم ده انت مفيش زيك
وبعدين يا اخي راعي نفسك شويه كده مش كل يوم كده وكفايه اوي يلي انت بتعمله ده عايز تزود في ايه تاني
ده انت الناس حواليك فين وفين لما حد بيصلي وانت بتعمل كل ده  دانت حتى مابقتش تسمع الاغانى المفضله عندك 😈😈مش حرام ال بتعمله فى نفسك دة خليك ساعه ربك وساعه لقلبك وفوكها شويه متحبكهاش يعنى 😈🙄🙂
أنا بحذرك اوعى تسمع كلامه 👌👌

اياك ثم اياك تسمع كلامه
اوياك تغتر بعبادتك وتشوف نفسك هيرو
وانك بتعمل كل حاجه
بلاش تخليه يجيلك من السكه دي
مره في مره هتلاقي نفسك بتقلل وبتقول ده انا احسن من غيري
بعد ما كنت بتزود في عبادتك
بقيت بتقلل منها
المهم انك في نظرتك للناس يلي اقل منك في العباده تكون مش سخريه ولا انك تفرح بنفسك
علطول تحمد ربنا علي هدايتك وتسال ربنا الثبات والزياده وتدعيلهم ان ربنا يهديهم
بلاش تديله سكه ليك وتخليه يقلل من عبادتك
هدانا وهداكم الله اجمعين

#كنووز
١/اللهم انى اعوذ بك من شر نفسى ومن شر سمعى ومن شر بصرى ومن شر منيى ومن شر الشيطان وشركائه

٢/اللهم يامقلب القلوب ثبت قلبى على دينك

٣/اللهم اعنى على طاعتك وحسن عبادتك وشكرك

٤/اللهم اهدنى الصراط المستقيم

والا هنا انتهى الفصل التانى من قصه لذة توبه
واتمنى من الله ان يهدينا الى الصراط المستقيم وتستفيدوا من قصتى ويمن الله عليكم الهدى والتقوى والتوبه والهدايا

*استودعكم الله الذى لا تضيع ودائعه 🙂✨

#بقلمى رفيدة عثمان ✨