حرب العشاق

الفصل الثالث

نزع حسام سماعاته بعد ان انتهى من معالجتها نظر للبنات بابتسامة مهداة بعد ان لاحظ خوفهم الكبير :ما تخفوش هي كويسة انا هكتبلها على شوية ادوية وفيتامينات ولازم تهتمو باكلها كمان عشان جسمها ضعيف جدا
غزل بالدموع :طب والجروح لي على جسمها انت مش شايف عاملة ازاي
حسام بالهدوء يخفي تحته غضبه الكبير من ذلك الرجل الذي يعذب بناته تحت مسمى الاب :انا كتبلها على مرهم ونشاءلله اسبوع بالكتير وهتبقى تمام
عشق بالدموع :شكرا اوي لحضرتك انا مش عارفة من غيرك كنا هنعمل ايه
حسام بنظرات تظهر عشقه الكبير لجوري :وعلى ايه احنا اهل ومن واجبي ان اقف معاكم و اساعدكم
غزل بالهدوء وهي تمسح دموعها :انا عندي طلب ممكن تقدملها على اجازة
حسام وهو يحمل اغراضه :اكيد وامانة لو احتاجتو اي حاجة انا هنا يلا مع سلامة
عشق :مع سلامة وشكرا مرة تانية
لتوصله غزل عند الباب ليذهب بعد توصياته الكثيرة على جوري

عشق بالدموع :لحد امتى هنفضل عايشين في الذل والخوف كدة انا تعبت والله
غزل بالصوت متالم :وانتي عايزانا نعمل ايه يعني دا نصيبنا ولازم نرضى بيه
عشق بالغضب وهي تمسح دموعها بالعنف:لا طبعا احنا مش هنفضل قاعدين وحطين ايدينا على خدنا ونستنى البطل يجي على حصانه الابيض عشان ينقذنا وبعدين انتي ماشفتيش عمل ايه في البنية الهبلة ديه،دة لولا ستر ربنا كانت هتروح فطيس
حتى وانا بموت مش رحماني يا كلب البحر
كان هذا صوت جوري المتعب بعد ان استمعت الى حديث عشق
عشق بالفرحة وبلاهة :جوري انتي عايشة
جوري بالغيظ :لا ميتة يا ختي وقولت اجي اطمن عليكم وارجع
اسندتها غزل وهي تقول بلهفة :انتي كويسة يا قلبي حاسة بحاجة
جوري بابتسامة ضعيفة :متخافيش يا قلبي انا كويسة لتكمل بالسخرية وبعدين دي مش اول مرة يعني
عشق بالمرح لتخفف عنها :يا حزرك مين دكتور لي عالجك
جوري برفعة حاب :حسام مش كدة
غزل بالسخرية :وهو في غيره
جوري بالتهكم :على رايك دة خلاص بقى دكتور العيلة الخاص
عشق بغمزة وهي تضربها على كتفها بالشقاوة :بس هو عاوز يكون دكتورك انت يا جميل انتي ماشوفتيهوش كان متشحتف عليكي ازاي دا لولا الملامة كان عطاكي بوسة تجيبلك ارتجاج في المخ لتكمل بهيام وهي تضع يديها اسفل خديها :هييييييح اوعدنا يارب
جوري بالغضب وهي تضربها على رقبتها:بس يا سافلة يا لي ماشوفتيش تلات ثواني على بعض التربية
غزل بالضحك :هههههههه بس يا بت خليها ترتاح
عشق باستفزاز :ماهي زي القرد اهي
جوري بالغيظ :الملافظ سعد يا جزمة لتضيق عينيها وبعدين مش عندك انترفيو بكرة صبح فايق ليه دلوقتي
عشق بالتلقائية:مانا مش هروح
جوري برفعة حاجب :نعم ياختي

غزل بالتبرير:علشان خايفة عليك و مش عايزة تسيبك لوحدك وخاصة اني مقدرش اخد اجازة من شغل

جوري بالحب :بس انا كويسة ومش محتاجة حد يفضل جنبي

عشق بالدموع :بس انتي ماشوفتيش حالتك كانت عاملة ازاي انا قلبي كان هيوقف من الخوف عليكي