"امـطري يـا سماء
واٍسقي قبور اهلي"
الذي اوجعني فراقهم" <💔>
______________________________________
ريم : بعد ما صارت الدنيا بعيني سوده وكعدت وياريت ماكعدت اهلي وامي ابوي واخواني فقدت كل شي وبقيت وحدي لو ميته وياهم احسن اوف يربي صحيت عل نفسي ولكيت نفس الولد يمي وهم لازم ايدي ويبجي وخرت ايدي منه بقيت افكر (منو هذا وليش هل كد يبجي.. وليش سألوني عليه ليش ماذكر شي اووف) كعد وشافني وسالني شلونج..... الحمد لله شويه وجع خفيف
علي : حسيت عل حركتها وخرت ايدها مني وكعدت بقت صافنه بيه سالتها شلونج جاوبت الحمد لله بس وجع خفيف
ريم :ممكن اسالك سوال؟
علي : اسألي يروحي
ريم :( استغرب من كال يروحي) ..... تسلم بس انت منو وليش هيج تعب نفسك وياي؟
علي : مادري اذا حجيت تصدكيني او لا بس اني حبيبج واسمي علي ومن كالو صار الج حادث اجيت اشوفج.... حجيت الها كل شي عل علاقتنه وهيه باقيه صافنه عله كلامي... وكالت.....
ريم: حجه الي هيج 👆واني تخبلت زايد اني ماعندي حبيب ليش طلع اشاعات عني اهئ اهئ وسمعت كلام اول مره اسمعه بس مادري ليش احسه صدك وشويه اجت صور بالي وراسي كام يوجعني حييييل لزمت راسي وصارت سواد بسواد واسمع كلام وصريخ مال حادث وشفت حادث من جديد كدام عيني وصرخت اخخخ وماحسيت بشي بعد...
علي : من بعد ماحجيت الها كل شي كالت طلع عليه اشاعات وشويه كامت تصرخ وتصيح ولزمت راسها وانغمه عليها من جديد تخبلت اني ورحت ركض صحت للدكتور...... دكتوووووور.... وينك تعاااالل دكتورررر
فدوه تعال شوفها وحجيت إله الصار واجه فحصها وكال انطيتها مهدئ نص ساعه او ساعه تكعد انتبه الها وراح واني بقيت يمها وحسيت بجوع ما ماكل صار يومين رحت اشتريت لفه واكلت وصار الضهر ورحت صليت ودعيت الها تكوم بلسلامه وابجي 💔وخلصت ورحت يمها لكيتها كاعده
علي : هسه شلون صرتي؟
ريم :الحمد لله بسـ........
علي : حسيت اكو كلام بعيونها...كولي اكو شي؟
ريم : اي.... اهلي منو دفنهم منو سوه مراسيم جنازه
علي : من بعد ما صار الحادث وناس عرفت محد باقي منهم قررو همه يسووه الدفنه واخذوهم دفنوهم سووه كل مراسيم مال جنازه...
ريم : بقيت ابجي عل اهلي وشلون خسرتهم
علي : حضنتها وهيه زاد البجي مالها وكلت الها....
كافي يروحي هذا امر ربج وماكو عتراض عل امر رب العالمين والموت بأي ساعه يجي لا تبجين كافي تره يزيد وجع راسج فدوه تره گطعتي كلبي عليج
