زهرة الشيخ علي ⚘

البارت الثالث

خشــنةة گلوبهم ....
بــس المصيبة إعزاز💔

سرى : شيخ شعلامك صافن صار ساعة اناديك ، تروحلك فدوة هل مغرورة ليكون ضايج عليها تراها شايفة نفسها ع شنو مادري وانت شيخنا البنات يتمنن حجاية منك

علي: سدي حلكج سرى مالي خلك سوالفج
-،شحجيت اني انزعجت لأن حجيت ع ست زهرة علي فتح عيونك وشوف تره اكو من يهواك ويموت لأجلك
-سرررررى جوووزي مني وطاري زهرة لتجيبينه لا ابتلي بيج يلاااا جووووة

-مع الاسف عليك تهوى المايهواك وتبيع الشاريك بروحه
-عن ياهوى تحجين انت شبيج تخبلتي
- تره عيونك فاضحتك يا شيييخ ، سلااام وعود فكر بحجيي زين

-بداخلي اكول حجيها صدك زهرة ماتهواني عليش انه هيج ضايعة علومي ومتكدر وكاعد جني حررمه ارووح للمعرض يم الشباب احسن
طلعت ولاگاني مؤمن
- علي انتظر احجي وياك
اعذرني خوية ع صار بس تعرف احنه مو من شيمنه نجبر البنت ع احد ولو جان نبي
ولو انت ونعم منك زلمة معدل بس بعد هي ادرى
- لا مؤمن اني مو ببالي اصلا لا تشيل بخاطرك ياخوي
امشي وياي اني رايح يم الشباب نشوف شسووا بالبضاعة
- يلا توكل

زهرة
رجعنه للبيت واني احس الكل يلومني اوووف تعبت شنو هل بلوة يعني البنية لازم توافق والله شنو لأن ابن عمها واولى بيها شهل تفكير
انوب منو علي الي طول عمري اخاف منه بسبب نضراته ماعرف شنو هل احساس
ربي عدي هل فترة ع خير ....

مرت ايام ويوميه اسمع حجايه شكل يوميه وحده مخابره امي وتبقه تحجي علي شنو الذنب الي سويته يا ناس شخص ما اريده ما اتقبله اني اصلا احلم بأنسان هادئ عايش حياة طبيعية مو حياة كلها مشاكل وفصول وطلايب
احلم بدراستي ومستقبلي وكل همي اني ابقة المتميزة واحصل اعلى الدرجات بأختصاصي

(ليش البنية متقيدة بمجتمعنا وخصوصا المجتمع الشعبي ليش ما نشاركها احلامها ونثق بقراراتها ونشجعها وننطيها حريتها تحت مراقبتنه وخوفنه وحرصنه عليها مو منهااا)

نمت بعد صراع طويل من التفكير ب شنو منتظرني باجر ....

في مكان آخر ...
علي
سهران وافكر بيها وافكر شلون راح اخليها تحبني ماعرف ليش هل تجاهل منها معقولة ماحست بشي تجاهي واني جانت كل نظراتي الها خوف عليها ماحب اشوف احد ينظر الها بأعجاب
مر اسبوع وماشفتها حته لجامعتها بعد مارحت يمكن تسرعت من خطبتها كدام الكل بس والله كل همي تصيرين حلالي واخليج تحبيني مثل ما اني احبج ماريد يدخل بيني وبينج حرام جنت رايد حبي الج يبقه طاهر وما انظرلج بشهوة او رغبة ، باجر جمعه والكل يلتم ومتأكد بعد الي صار مراح تجي مثل قبل شخبارج يازهرتي. وشجاي تسوين صدك الحب مابي كرامة وي اليحبة ماضجت منها لأن رفضتني ومستعد ابقه انتظرج عمر كامل يازهرة شبابي .

زهرة
كعدت الصبح بنشاط ومرتاحه ماعرف شنو السبب نزلت صبحت ع اهلي وكعدت ع ريوگ وياهم وگالوا اليوم نتغده ببيت عمي ابو علي لأن جمعة وعادتنه كل جمعة نلتم سوة
قررت اروح وما ابقه بالبيت لأن اني ماسويت شي غلط حته اخاف من حجي الناس ويبقه هو ابن عمي اول وتالي راح ابقه اشوفه بأي مكان واكيد هو مشايل علي بخاطره