انتقام الاسد

الجزء الاول

البطل :اسد : في ال 25 من عمر

البطله : ليلي :(حفيده فارس)  في ال 23 من عمرها

فارس : زعيم عصابه مافيا تجار الاعضاء (الجزء الاول) في ال 65 من عمره

ورد : اخت فارس في ال 52 من عمرها

اسر : (الراجل اللي ساعد اسد في الجزء الاول) في ال 53 من عمره .........

لما  اسد طلب من اسر الانتقام من فارس اسر رحب بطلبه لانه بيكرهه و بينهم عداوه شديده عاش اسد 14 سنه مع اسر و بقا عنده 25 و اسر 53
و و اتدرب علي القتال و كيفيه استعمال السلاح و بقا ماهر فيهم
اسد.... :
جمعت معلومات عن فارس و عن عائلته بس عرفت انه عنده اخت و حفيده بنت بنته بس مش عارف عنهم اساميهم ولا اماكنهم و سمعت ان بنته كان اسمها فيروز و ماتت ب اسباب غامضه محدش عارف هي ماتت ازاي و من ايه الموضوع حيرني بس قولت مش مهم انا مش بعرف المعلومات ده عشان احقق في قضيه قتلها او موتها اياً كان يعني المشكله بقا اعرف مكان اخته و حفيدته ازاي بقا فكرت اسأل اسر روحت ليه و سألته :
انا عرفت ان فارس  عنده اخت و حفيده بس دورت عليهم و معرفتش ، متعرفش حد يقدر يوصلني بيهم او يديني اي معلومات عنهم
اسر بصله ب إرتباك و رد ببرود : لا معرفش ، ومشي و ساب اسد باصص ليه ب إستغراب

اسر عندما خرج من الباب نظر اليه و همس :
اسف يا اسد مقدرش اقولك الحقيقه لازم اكدب عليك

تغير مجرى الاحداث... :

ليلي :
خرجت من المستشفي بعد ما عرفت نتيجه التحليل و قرأتها و اتصدمت من النتيجة و غصب عيني دمعت (بكدب يا جماعه والله ده انا اتفتحت نافورة عياط)
وانا ماشيه و بعيط خبطت في واحد اعتذرت من غير ما ابص ليه حتي و جريت علي بيتي اه صحيح انا عايشه مع جدتي امي و ابويا ماتو
دخلت البيت و ندهت علي جدتي ورد اسم علي مسمي اسمها ورد و جميله زي الورد طبعا كأي بنت اول ما بتدخل باب الشقه بتسأل علي الاكل فسألت جدتي و طلعت عامله مكرونه بشاميل حاجه كده اموااه سكر
حضنتها و حاولت ابين اني معيطتش و بضحك عادي
ف بصت جدتي عليا و قالت : متحاوليش تخبي عليا يا ليلي انا جدتك و عارفاكي كنتي بتعيطي ليه
بصيت في الارض و اتنهدت بحزن : حصلت حاجه زعلتني يا جدتي بس مش هقدر احكيها دلوقتي
جدتي بصت عليا وحضنتني و مسكت وشي بين ايديها وقالت : مفيش حاجه تستحق دمعه واحد من عيونك وانا موجوده يا حبيبتي لو عايزه تحكيلي في اي وقت
و حضنتني تاني
قولت ليها : ربنا يخليكي ليا يا جدتي و بعدين خرجت من حضنها وقولت ليها بمرح : يلا يا حجه بقا عايزه ادوق من المكرونه البشاميل ده عصافير بطني بتصوصو
بصلتي و ضحكت و قالتلي : يلا يا هبله

اسد .. :

بعد ما اتكلمت مع اسر و رده خلاني مستغرب اوي حسيت كأنه مخبي حاجه بس قولت بلاش اضغط عليه و مع الوقت هعرف ايه اللي هو مخبسه عني ف ثولت انزل اتمشي شويه فكنت ماشي عادي في امان الله لقيت واحده خبطت فيا و اعتذرت من غير ما تبصلي وجريت علي طول بس شكلها كانت بتعيط جيت امشي بس اخدت بالي ان في محفظه وقعت علي الارض فتحتها لقيتها محفظه البنت اللي خبطتني ف حاولت اجري وراها عشان ارجعها ليها بس ملقتهاش ف خليت المحفظه معايا و قولت عادي هشوف بطاقتها و اعرف رقم تليفونها و اتصل بيها ارجع المحفظه ليها وكملت طريقي بس كان شاغل تفكيري سبب عياطها بس مشغلتش دماغي بالموضوع

ليلي : بعد ما اتغديت مع جدتي و قعدت معاها شويه دخلت اوضتي و روحت عشان احط فلوس في محفظتي ف فتحت الشنطه بس اي ده المحفظه فين يلهوي لحسن تكون اتسرقت او استني استني ممكن لما خبطت في الواد النهارده سرقها او وقعت مني قعدت علي السرير وقولت والله هو يوم باين من اوله طب هعمل ايه دلوقتي  ف بصيت في الساعه لقتها 10 وانا هنزل بكره من بدري عشان ادور ليا علي شغل ف قولت انام دلوقتي و بكره هشوف هعمل ايه في موضوع المحفظه كده كده مكانش فيها غير حوالي 100 جنيه و البطاقه هي اه مصيبه ان فيها البطاقه بس عادي لو ملقتش المحفظه هعملي واحده غيرها مش فارق اوي و نمت

اسد : روحت البيت و دخلت اوضتي و قعدت علي مكتبي و فتحت محفظه البنت و بصيت فيها اسمها ليلي احمد عبد الحميد و لقيت سنها 23 و معاها 100 جنيه ف قولت بكره هدور علي رقمها و اتصل بيها و اديها محفظتها و دخلت نمت

تسريع الاحداث
اسد لقى رقم ليلي و اتصل بيها و رجع ليها محفظتها وهي شكرته جامد و اعجب بيها هي مش جميله اوي جمالها طبيعي في اجمل منها بس قلبه دق بطريقه غريبه لما بص في عيونها ف قرر يعزمها علي قهوه و يقعد معاها  شويه صغننين و الشويه الصغننين دول قلبو علي 4 ساعات و بقو اصحاب و كل يوم بقو يتكلمو شويه و مع الوقت بقو يخرجو سوا وفي يوم ليلي قررت تعزمه هو و جده اسر علي الغداء عندهم بس حصلت حاجه غير متوقعه....
ياريت تقولولي رأيكم و لو عجبتكم فوت وكومنت وانتو معديين
و اسفه علي الاخطاء الاملائيه