Oops! This image does not follow our content guidelines. To continue publishing, please remove it or upload a different image.
꧁𝗢𝗻 𝗦𝘁𝗮𝗴𝗲꧂
Oops! This image does not follow our content guidelines. To continue publishing, please remove it or upload a different image.
မျက်လွှာချထားသည့်အဖြူရောင်ကြောင်ပေါက်ကလေးပေါ်ဖြာကျနေသည့်နေခြည်နွေးနွေးဟာပါးဖွေးဖွေးတို့ကိုဟိုတစ်ကွက်ဒီတစ်ကွက်နှင့်ခြယ်သနေသည်။ အိမ်တော်တစ်ခုလုံးအိပ်စက်နေသည်ထင်ရသည်။ ဒါမှမဟုတ် တစ်အိမ်လုံးမှာသူတစ်ယောက်တည်းကျန်ခဲ့သည်လည်းဖြစ်နိုင်သည်။ တိတ်ဆိတ်မှုတွေထဲကြားနေရသည့်တစ်ခုတည်းသောအသံကခေါင်မိုးပေါ်ကတစက်စက်နှင့်ရေကျသံတွေ..။ မနေ့ညက အခန်းပြတင်းကိုပိတ်ဖို့မေ့သွားခဲ့မှန်း မျက်နှာပေါ်ဖြတ်တိုက်သွားသည့်လေအေးအေးတို့ကိုခံစားမိတော့မှသတိရတော့သည်။ အနွေးဓာတ်ပေးနေသည့် စူးရှရှနေရောင်ခြည်ကိုနှစ်သက်ပါသော်ငြား မိုးရွာနေပြန်သည်က ကောင်းမွန်နေတဲ့သူ့ခံစားချက်လေးကိုဖျက်ဆီးလိုက်သလိုပါဘဲ.။
ကြောင်ပေါက်လေးသည်စိုစိုစွတ်စွတ်မိုးရာသီကိုမုန်းသည်။ မိုးရာသီမဟုတ်ဘဲအခုလိုနေပူမိုးရွာတတ်တဲ့ရက်မျိုးကိုလည်းမနှစ်သက်ပေ။
"ဆောင်းဟွန်း ပတ်ခ်ဆောင်းဟွန်း!!"
စောင်ပုံကြားမှာကွေးကွေးလေးမှေးစက်နေရင်းကကြားလိုက်ရတဲ့အသံမာမာကြောင့် အလန့်တကြားနိုးထလာတဲ့ ကြောင်ဖြူလေးဟာခေါင်းမွှေးဖွာဖွာ၊ နှုတ်ခမ်းဆူဆူနှင့် ချစ်ဖို့ကောင်းလှသည်။ ရုတ်တရက်ထလိုက်ရသည့်ဒဏ်ကြောင့် တယိမ်းတယိုင်နှင့်လမ်းလျှောက်ရင်းကအသံလာရာကိုဦးတည်မိလိုက်သည်။အခန်းတံခါးကိုဆွဲဖွင့်လိုက်တော့မြင်နေရသည်က..ဝတ်စုံအပြည့်နှငိ့ အလုပ်သွားဖို့အဆင်သင့်ဖြစ်နေပြီဟုထင်ရသည့် ဒယ်ဒီ..။
