ရွှေဆံထိုးရဲ့မှတ်တမ်းလွှာ The Golden Hairpin 青簪行 မြန်မာဘာသာပြန်

အခန်း (၂) - နာမည်ဆိုးနှင့် ကျော်စောသော - ၂

[Unicode]

မိုးကုတ်စက်ဝိုင်းဆီကနေ နီဝင်းတဲ့အလင်းရောင်ဟာ ပေါ်ထွက်လာခဲ့ပြီး ကြည်လင်တဲ့အနီရောင်အလင်းတန်းဟာ မိုးကုတ်စက်ဝိုင်းကို ဖြတ်သန်းပြီး ဖြာကျနေခဲ့တယ်။
မြင်းကို အစွမ်းကုန် အမြန်နှင်လာတဲ့ Huang Zixia ဟာ မြို့ဝင်တံခါးဂိတ်အနီးကိုရောက်ခါနီးမှာ တော်ဝင်အစောင့်တပ်ကို အမှီလိုက်နိုင်ခဲ့ပါတယ်။

Chang'an မြို့တော်ရဲ့ Mingde ဂိတ်ဟာ မြင့်မားသော ဂိတ်ပေါက်ကြီးငါးခုရှိသည့်အနက် ပုံမှန်အားဖြင့် အလယ်သုံးပေါက်ကို ပိတ်ထားပြီး လက်ဝဲလက်ယာရှိ ဂိတ်ပေါက်နှစ်ခုကိုသာ ဖွင့်လေ့ရှိပါတယ်။
သို့သော် မင်းသားရဲ့တော်ဝင်ရဲမက်များကို မြင်တဲ့အခါမှာတော့ လက်ဝဲဘက်ရှိ ဒုတိယမြောက်ဂိတ်ဝကိုဖွင့်ပေးပြီး သီးသန့်ဝင်စေပါတယ်။

Huang Zixia ဟာ အဖွဲ့ရဲ့နောက်ဆုံးကနေပြီး မြို့ထဲကို ဖြည်းဖြည်းချင်းဝင်လာခဲ့တယ်။
သူမဟာ မြို့ထဲသို့ ဝင်လာတဲ့အချိန်အတွင်း ဂိတ်တံခါးဝမှာ ချိတ်ဆွဲထားတဲ့ ပင်လယ်ရေကြောင်းဖမ်းဆီးခြင်းစာရွက်ကို ကြည့်လိုက်တယ်။

စာရွက်ရဲ့အပါ်မှာတော့ ဆယ့်ခြောက်နှစ် ၊ ဆယ့်ခုနှစ်နှစ်အရွယ် မိန်းမငယ်လေးရဲ့ပုံတူပန်းချီကို တွေ့ရတယ်။
မိုးသောက်ကြယ်လိုတောက်ပသော မျက်ဝန်းများ ၊ မက်မွန်ပန်းပွင့်ပမာ ကွေ့ဝိုက်သွားတဲ့ပါးပြင်နှစ်ဖက်နှင့် သူမဟာ ရှေ့တူရူကိုကြည့်နေပြီး ဖွဖွလေးပြုံးနေတယ်။
သူမရဲ့နှုတ်ခမ်းလွှာအစွန်းနှစ်ဖက်ဟာ သီးသန့်ဖြစ်တည်နေတဲ့ လှပသောလေးကိုင်းပမာ ကွေးညွှတ်နေပုံက ချစ်စရာကောင်းလှပါတယ်။
သူမရဲ့အသားအရည်ဟာ ဖြူဝင်းပြီး မျက်ခုံးနှစ်ဖက်ဟာလည်း သန့်စင်ကြည်လင်လှတယ်။
သူမဟာ အရမ်းကို လှပပြီး သန့်ရှင်းစင်ကြယ်တဲ့မိန်းမလှလေးပဲ။