#غدير 18
بواسـطـة : "🤎سجــى سالــم🤎"
قراءة ممتعة🥨🤎🤎
ديري روحك اجهضتي ، اطلبي منه الطلاق🔥 خليه يطلقك ، بس لازم يكون سبب الطلاق حاجة كبيرة زي مثلا قوليله انك اجهضتي بلعاني و بكامل قواك العقلية والسبب انك م تبيش يكون في شي يربطك بيه هو اكيد ح يطلقك و لو م طلقك انتي اطلبي منه ، ف الوقت هذا اني ح ندير روحي حامل🥺🤎 وانتي ح تقعدي ف حوش بوي م تخافيش اني ح نكلم امي تقنع بوي و هو لا ح يضربك ولا ح يكلمك و هي نفس الشي اني بنكلمها ، انتي ح تكوني حامل بس محد ح يعرف الا انا و انتي و امي بوي مش ح يعرف الانك بتقعدي ف الملحق لين نجيبي، جيبي البيبي و اني بناخده ، م حد ح يعرف زي م قتلك ح تعيشي بلا قيود بلا قوانين لو تبي تسافري اني ناخد فلوس من عمر و نخليك تسافري و تعيشي حياتك ح تفتكي من حياتك مع همام صدقيني
فاقت ع صوته يكلم فيها
عمر:ف شن تخممي ياهوو
غيد:شي (شن الفكرة الغبية هده؟؟ شن كنت نحس وقت اقترحت عليها الشي هذا ، واضحة القصة مكشوفة قصدي غبااء خارق وقتها كيف قلتلها هكي؟؟ اكيد ح ترفض يعني ، وربي تقول سيناريو فيلم هندي واااك ي ربييي ع غبااائيي)...
°°°
غدير:متخيلةة !!
وداد:اسفة بس اختك وقحةة و تافهةة و غبية ، غبائها م شفتله زي قصدي اكيد بتنكشف لو دارت زي م قالتلك و بعدين تبي الحق؟ ردة فعل همام بسيطة مفروض دار احرف من هك ، وانتي تقوليله ف خطة اختك نبي نعرف كيف سكتلك
غدير:مشعارف كيف سكت ، بس م سمعليش ل الاخر كنت ح نقوله اني رديت عليها و قلتلها اني نحب همام💔💔
وداد:يعمريي انتي🤎🥺ربي يديمكم لبعض و يبعد عليكم بنات لحرام
غدير:وولاد الحرام
وداد:لالا بنات لحرام بس ،تجي مزيتة تشفطة منك عادي بس انتي تحبيه مش ح تخونيه😂،مهند روح هي بسلامة
غدير:بسلامة🫀
(صكرت الخط و فتحت التلفزيون و بدت تتفرج حست ب ملل ، شرين هاتفها)
غدير:مسرع 😂
همام:اي استاحشتك شن فيها؟
غدير:مفيها شي بس قبل شوية اتصلت بيا و حكينا 👀
همام:استاحشتك
غدير:اممم
همام:اممم امممم ، شن الجفااف هذا؟؟
غدير بتوتر: ها؟
همام غير الموضوع:م اطيبي شي
غدير:مش مبكري قلتلي؟
همام:اي و نعاودلك نعرفك م تريحيش ف روحك😂
غدير:باهي
همام:تبي نجيبلك شي واني مروح؟
أنت تقرأ
غدير
Mystery / Thrillerاختلاف الاخوات و المشاكل العائلية الي بتكون نتيجتها زواج تقليدي لزوز م يطيقوش بعض رواية ليبية مش ح نكتب هلبا تلقو التفاصيل ف الرواية🤎
