غدير

3

#غدير

بواسـطـة : "🤎سجــى سالــم🤎"

ناضت غيد و كان عمر مهناش خشت للمطبخ طول وبدت تاكل "تخيلو لا سألت ع راجلها كيف بايت امس لا شي🌚"

°°°

كانت غدير تمسح ف الطاولة بعد م حطت غداها ع النار و نظفت المطبخ جاها اتصال من نفس الرقم متع امس ردت بس قعدت ساكتة :

غيد:غدير كيف حالك؟

غدير:خشي ف الموضوع طول

غدير:اني نادمة

غدير:والله حسب علمي بعد الي درتيه المفروض تكوني نادمة وهلبا🌚 !!

غيد:غدير سامحيني💔صدقيني ربي يحاسب فيا كل يوم ع الي درته معاك😥💔، عمر مل مني و كل يوم نبعدو عن بعض اكتر ، امتا ما يصير و نحمل نخسر تخيلي غدير اني ماتو مني زوز توا💔

غدير:قصدك بجديات متغيرتيش ولو شوية انتي؟ مزال تهمك نفسك قبل كل حد؟! واو غيد الي يسمعك يقول انك تبي تعتذري الانك نادمة ، انتي تبيني نسامحك باش ربي يسامحك و تحملي و تجيبي وخلاص ، مش مهم غدير شن تحس !، غدير مش مهم مع من عايشة و كيف 💔 عندك علم السنة الي فاتت من حياتي مفيش يوم عدا عليا الا و تفكرت اتهامك و كذبك عليا💔 بوي معاش يبي يشوفني ، محبوسة ف شقة و محد يندري عليا💔 عايشة مع انسان يكرهني و اني نكرهه اضعاف متخيلة؟ لا اكيد مش حتتخيلي ولا ح تتعبي نفسك تحطي روحك ف مكاني الانك انانية ، مش مسامحتك💔

غيد:غدير متصكريش الخط ارجوك💔 صدقيني نادمة بجديات😥 والله العظيم و راس اغلى ما عندي

غدير:متهمينيش ، وقت الي نسيتيني و فكرتي ف روحك بس و اتهمتيني كذب مفكرتيش غير ف روحك ، نفس الشي اني من وقت الي خشيت لحياتي الجديدة معاش نفكر الا ف روحي بس

°°°

فات نص النهار وروح همام خش للشقة ساكت ع غير العادة خش لغرفته صكرها و خش دوش

غدير:هذا خيره خاش تقول ميتله حد🙂؟؟

استناتة يطلع من الدوش و كان بيخش يرقد طقت باب الغرفة و خشت

همام:اني مزال م قلت تفضلي خشي🙂💦

غدير:غداك واتي نسخنهولك؟

همام:متغدي عند امي

غدير:امم به "وطلعت"

مشت خدت هاتفها وخشت لغرفتها صكرتها عليها و اتصلت ب بسملة

غدير:خش ساكت وقت الي سألته نسخنلك غداك قالي متغدي عند امي ، اسمعي الراجل متبكش مش بالعادة قبل يخش يدير ف لقطات بايخات اليوم لا ، زعما امه قالتله حاجة زادت كرهاته فيا لدرجة معنداش خلوق يكلمني

بسملة: وعليكم السلام و رحمة الله

غدير:😂 سمعتي الي حكيته ولا نعاود😂