الفصل الاول
في صباح يوم جديد
في إحدي الاحياء الراقيه بمنزل هادي حيث تعيش تلك الاسره البسيطه المكونه من الاب أحمد.. و الام زينب..
و الابنه الاكبر جميله.. ثم شقيقتها الصغري نسمه
و اليوم هو يوم زفاف الاخت الكبري.. جميله و المنزل بأجمعه يستعد و يقوم بجميع التجهيزات لتلك المناسبه السعيده
هتفت نسمه بملل وهي تنظر لساعه يدها:
"جميله هو احنا مش هنروح الاوتيل بقي هنتأخر"
تحدثت جميله بتأكيد وهى تنظر لها :
" ايوه محمد هيعدي علينا كمان ساعه و يودينا"
اردفت نسمه بحديثها بمرح كعادتها:
"أيوه يا عم الله يسهلوا"
جميله وهي تقوم بوضع يدها امام وجهه نسمه:
" الله اكبر في عنيكي يا شيخه "
ضحكت نسمه بمرح وهتفت:
"يا ختي هقر علي ايه بكره يجي قره عيني برضوا و انشكح عليه كده"
قالتها و هي تبسط ذراعيها بتوسع
ضحكت جميله عل حركات شقيقتها:
"ماشي يا اختي ابقي انشكحي عليه براحتك بس تعرفي... ثم اقتربت منها و كأنها ستقول لها سر حربي و همست: حاسه اني عارفه قره عينك ده"
نسمه وهي تمثل الدهشه:
" يا راجل طب قوليلي مين اللهي تنستري علشان اعرفه انا كمان و اروحله و اهو خير البر عاجله"
كتمت جميله ضحكتها و قالت:
" يوسف "
تشنج وجه نسمه:
"نعم يوسف مين"
جميله بإستفزاز :
"اخو حمودي يا بت"
نسمه وهي تقف بأنفعال:
"كتك نيله عليكي و علي حمودك في وقت واحد يا شيخه يوسف مين ده اللي اتجوزه انا اتجوز كلب البحر ده.. ده اخرتي.. ده انا اعنس احسن لي"
تعالت ضحكات جميله على مظهر شقيقتها الغاضبه:
" اموت و اعرف بتكرهيه ليه الواد بيبقي قاعد محترم و مشوفتش منه حاجه وحشه"
نسمه بصدمه من حديث شقيقتها:
" مين ده اللي محترم انتي عايزه تجلطيني "
جلست جميله بجامبها وهتفت بتساؤل:
" طب بتكرهيه ليه يعني عملك ايه"
نسمه بسخريه وهي تعد علي يدها:
" علشان مثلا هو قليل الادب.. و مترباش و غلس و تنح و قليل الذوق و كل كلامه ل يكون دبش ل يعاكس ل يستظرف... بس مش اكتر... و كل ما يشوفني يجي يستظرف و يغلس برخامته دي"
أنت تقرأ
شم النسيم
Contoأحيانا يتغير القدر بين ليلة وضحاها... أحيانا نعتقد أن كل ما يحدث لنا ما هو إلا عقاب من تلك الحياة القاسية التي تفرض علينا أشياء لا نريدها... شم النسيم ما هي إلا قصة تصف معنى تغير القدر وأن ليس كل شئ لا نريده سئ بل أحيانا يكون خير لنا شم النسيم
