Unicode
" အရုပ်လေး ခင်ဗျား ဘယ်သူ့ကိုခေါ်လိုက်တာလဲ "
" အခုစကားပြောနေတဲ့အရုပ်လေးကိုခေါ်လိုက်တာလေ "
" ဟမ်း ကျွန်တော်လား ကျွန်တော်နာမည် အရုပ်ကလေးမဟုတ်ဘူး ရောင်ခြည်ပျို ခင်ဗျားနာမည်ကော "
သူ့နာမည်အား စဥ်းစားလိုက်စဥ် ထိုးကိုက်လာသည့်ခေါင်းကြောင့် မည်သည့်အရာမျှစဥ်းစား၍ မရနိုင်တော့ပေ။
" တော်ပြီး မစဥ်းစားနဲ့တော့ ခင်ဗျားနာမည်ကို အင်း ... "
စဥ်းစားနေစဥ် ရောင်ခြည်တစ်ယောက် သူ၏ပါးအား ဆွဲခံလိုက်ရသဖြင့် နာသွားသည့်ပါးအားပွတ်ပြီး မျက်ထောင့်နီဖြင့်ကြည့်လိုက်သောအခါ သူ့အား ရီးပြနေသော လူနာအကောင်းစားကြီး
" ခင်ဗျားကြောင့် နာသွားပြီး "
ပြောပြီးသည်နှင့် ရွှတ်ဆိုသည့်အသံနှင်အတူ ရောင်ခြည်၏ ပါးလေးတစ်ဖက်နွေးထွေးသွားသည်။
" ခင်ဗျား ... "
ရောင်ခြည်တစ်ယောက် ပြောစရာစကားများ ပျောက်ရှသွားတော့သည်။
" အဟမ်း ခင်ဗျားကို ခူးခူးလို့ခေါ်မယ် ok လား "
" အင်း ကြိုက်တယ် "
" ဘာ!! "
" ပျိုပေးတဲ့ နာမည်ကို ကြိုက်တယ်လို့ "
" ပျို ... "
" အင်း ကိုယ်မင်းကို ပျိုလို့ဘဲခေါ်မယ် "
" သဘောဗျာ ကြိုက်သလိုခေါ် "
တစ်ပတ်ဆိုသည့် အချိန်ကာလအတွင်း ရောင်ခြည်ပျိုနှင့် ခူးခူးတို့နှစ်ယောက်မှာလည်း ခင်မင်ရင်းနှီသွားကြသည်။ အများအမြင်မှာပေါ့။ ခူးခူးမှာတော့ ရောင်ခြည်အား အနားမှတစ်ဖဝါးမခွာ သံလိုက်၏ ဆွဲငင်အားလိုမျိုး လိုက်ကပ်နေတတ် သည်။
ဖေဖေမှာတော့ ကျွန်တော်တို့နှစ်ယောက်အား ကြည့်ပြီး မည်သည်မျှမပြော ပြုံးလို့သာကြည့်နေတတ်သည်။
၃ လခန့်ကြာသောအချိန်တွင် ပြောင်းလဲသွားသည်မှာတော့ ပျိုနှင့်မောင်တို့ ချစ်သူဖြစ်သွားခဲ့ကြသည်။ မောင်ဆိုတာက ခူးခူးသာဖြစ်သည်။ ကျွန်တော်တို့နှစ်ယောက်အကြောင်းကို ဖေဖေလည်းသိသည်။ ဖေဖေ၏ ကျန်းမာရေးကြောင့် ပျိုနှင့် မောင်တို့နှစ်ယောက်အကျဥ်းရုံးလက်ထပ် ခဲ့ကြသည်။