_ الناس اللى عندها امتحانات تركز فالكلام هـدا مش بس في الإمتحانات إنما فِي كل أمور الحياة ..!
.... وحده تحكـي 🌸 :- كان ليَّ صديقه في فَترة الجامعة، كانت ديمـا تغرس فيَّا فكرة اليقين بالله، وكنّا دائما واحنا طالعين مِن اللجنة متع الامتحان، مهما كان حلنـا مستودعين الورقة إنها ترجعلنا امتياز حتي لو ما جاوبنـاش ! كنّا دائِمـاً نقول أن قلب الدكتور وإيده وعقله بين يدي الله فا كانو دائما يضحكـو علينا ، بسْ كنا مقتنعين وعندنا يقيم لان ربي يقول "وهُو عَليَّ هَين"🌸
كان فٌي جزء من المنهج ما لحقناش نقروه بس للأسف أكثر الإمتحان جي منه 💔. أنا أنصدمـــــــت ومعاش عرفت ما نجاوب 🌸 وفجأه لقيت روحي نقول : خلّيك واثقة في ربي (أنا عِنْد ظنِّ عبدي بي) ربي مش حا يضيعنـي .. . بصراحه عكّيت هلبا و لخبطت 💔 وبطبيعتي متْعودة استودع الورقة إمتياز، بس المَرة هادي أستودعتها جيد جدًا 🌸
- لما طلعت لصاحبتي قلتلها : أنا استودعت الورقَة جيد جدًا، وتحشمت ندعي لربي امْتياز بالمنظر اللي حليته وانت ؟! ردت صاحبتي رد عُمري ما حا ننساه .. - قالتلي : أنا ماتحشمتش واستودعت ورقتي امتياز !🌸 وفي المادة الأخيرة، صار نفس الموقف بَس أنا استفدت من موقف صاحبتي واستودعت ورقتي امتياز، وهي استودعت ورقتها جيد جدًا، ويوم النتيجة، والله لقيت روحي كله امتياز ماعدا المادّة اللي استودعتها جيد جدًا هي الوحيده اللي جيد جدًا، وصاحبتي نفس الفكرة !🌸
وتخرجنا بامتياز مع ترتيب الحمد لله بفضل الله وكرمه فعلًا، مش بعملنا نهائي .. وتعلمنا منها إن الودائع عند الله لا تخيب، والثِّقه في الله واليقين بيه.. تعامل مع ربي مش مع الدكتور، مهما كان الدكتور مُرعب، برضو ما يقدرش يدير غير الي ربي كتبهولك، إيده وعقله وقلبه بين إيد ربي ، هدا كان شعارنا مع الدكاترة المرعبة، كان يهون علينا هلبا لإن ربي الأرحم والأكرم.🌸
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🌸.. إن شاء الله إتكونو إستفدوا.. 🌸 .. أستودعكم الله إلى أن ألقاكم ف البارت الجاي.. 🌸😊
