جوى الهجران

البارت الخامس

جوى الهجران
        البارت الخامس 🌹

هجران، ،،
شفت بنيه گاعدة ع سريرهه وتقرا من دون البنات
لاتسولف ولاتشارك وحته اكلها وحده
اشرت براسي للبنات
،، هاي البنيه تعرفنها؟

ايه،، ماعرفها بس اعتقد ريفية

هجران، ،، رايحه اسألها
،، تعاي عوفي البت مانعرف طبعها
...بس اتعرف عليها شبيج

فلتت ايدي من ايه ونزلت كعدت يمها

هجران..هلوو

..هلةومرحبا

هجران .. شلونج
..الحمدالله
شنو انتي تعرفيني؟

..هجران بأبتسامة مجاملة
ههه لا حبي ماعرفج ولهذا السبب جيت يمج
اريد اتعرف عليج

..اني سماح

هجران ...عاشت الاسامي واني هجران

..تشرفنا

..الي الشرف

هجران..انتي من يا محافضة؟

سماح..من البصرة

...اهاا اهلا وسهلا بيج بمحافضتي

..بعد گلبي تسلمين

بقينة نسولف اني وياها لحدما تعرفت عليها
هيه بنيه حبابه وتدخل للگلب بسرعه بس مو اجتماعية
اعتقد ماتحب الأختلاط
لان مو نفس نمط العيشه العايشتها

رجعت يم البنات
ايه ..ها تعرفتي عليهه ارتاح گلبج

هجران..اي وداعتج حته على عشيرتها سألتها
اية..اعرفج كونان بعد

باوعت علئ تبارك جانت صافنة بالها مو ويانة
لوحت بأيدي گدامها
انتبهتلي وضربت ايدي
....ووجعه شبيج صافنة

..ماكو شي

...لا اكو والا تحجيلي حته اذا كملتي عندي سالفة وياجن تخص حياتي

...شنو زواج

..لا
..لعد؟

..سولفي واسولف

..تمام
خلت راسها على رجلي واني العب بشعرها عبالك مي
من النعومة
تبارك
اي من دخلت لبيت عمامي اول مرة جانت صعبة علية بعدين تأقلمت وصرت وحده منهم
بس مرت عمي ماتطيقني
وتضربني ع ابسط الاشياء مثلا اذا العب واشمر ورقه لو غلاف حلويات

تجي عليه اني الوحيدة وتضربني
اروح ابجي واشتكي لبيبي تاخذهه ع جهه وتحجي وياهه بعيد عني
تجيني بيبي معصبه تلزمني من ايدي ادخلني للغرفة وتسد الباب

وهكذا الى ان كبرت وكبرو ولد عمي
صرنه كلنه ابيت واحد
كلهم اشوفهم مثل اخواني الا ماجد جنت انضرله نظرت حب وهو بعد
واني واثقة من هالشي

هجران،،، صارحج بحبه

تبارك ،،، لا ماصارحني ولا لمحلي
بس نظراته تكول يحبني مواقفه اذا مرت عمتي صيحت عليه يدافعلي
من صغار يضرب خواته علمودي
حته اهتمامه يبين يحبني، ، حافظ عيد ميلادي لدرجة محد يتذكره بس هو كل سنة يفاجئني