نور التاج♥️👑 (متوقفه)

الفصل الرابع

يقول النبي صلى الله عليه وسلم: (من صلى عليّ صلاةً صلى الله عليه بها عشرًا)❤️✨

أما في الغرفه الثانيه نجد عفاف ومحمود
محمود:فهمتي بقا
عفاف: ي حبيبتي يا بنتي يعني زمان أهلها قالبين عليها الدنيا ياقلب أمها
محمود:والله صعبانه عليا اوي يلا ربنا يشفيها
عفاف:يارب....طيب ي حبيبي هتتعشي أحضر لك العشا
محمود:لا انا هنام تصبحي ع خير
عفاف:وانت من اهل الخير .
في صباح يوم جديد استيقظت نور وهي تشعر ببعض الوجع في رأسها
نور:اه يالهوي مش قادره دماغي اه فين الدوا
اخذت نور الدواء وذهبت لاستكشاف المنزل خرجت نور من الغرفه واتجهت ناحيه الغرف الأخري وظلت تمشي
أما في الغرفه الأخري استيقظ تاج ولم يجد ادهم معه اتصل به
تاج:مشيت علشان عارف اني ههزقك صح
ادهم بضحك:صح
تاج:مش قولتلك متجربش عملتلي راجل وقولت لا هجرب
ادهم:خلاص بقا ي تاج المهم هتيجي الشركه
تاج:لا مش هاجي في موضوع كده عايز اخلصو
ادهم: اوك ..مع السلامه
تاج:سلام
اغلق تاج الهاتف ثم وجد تفكيره انجرف ناحيه نور
تاج:ياتري صحيت ولا لا
تاج:اي ده في اي انا مالي
نهض تاج من سريره وذهب للحمام ليفعل روتينه اليومي ثم ارتدي ملابسه وذهب الي الأسفل
أما عند نور ذهبت لاستكشاف غرفه من الغرف وكادت أن تفتح بابها وجدت بابها يفتح ويخرج منه تاج
انصدمت نور ورجعت إلي الوراء ولكن كانت ستسقط ع الارضيه ولكن وجدت تاج يمسك بيدها ويمنعها من السقوط
نور بتوتر:ش شكرا
تاج:خلي بالك بعد كده
نور:حاضر
تاج:انتي كويسه
نور:اه
تاج:كنتي محتاجه حاجه
نور:احم لا كنت بس بستكشف البيت
تاج:طيب تعالي ورايا
نور:حاضر
ذهبت نور خلف تاج وهي تقول في سرها
نور وهي تقلد تاج:تعالي ورايا هو مسمعش عن كلمه السيدات اولا ولا اي
تاج:نعم قولتي حاجه
نور:ها لا مقولتش
تاج:طيب
نزل تاج و نور الي الاسفل ووجدوا عفاف ومحمود
عفاف ببشاشه:ازيك يا بنتي الف سلامه عليكي
نور:الله يسلمك ياطنط
عفاف:لا طنط اي قوليلي ي ماما انا زي امك برضو
نور:حاضر
محمود:اتفضلي يابنتي اقعدي
نور:حاضر
عفاف:هحضر الفطار حالا
نور:استني ي طنط أساعدك
عفاف:لا تساعديني اي بدراعك الي متجبس ده اقعدي ارتاحي ي حبيبتي
نور:اوك
وذهبت عفاف لتحضير الفطور
وهنا سأل محمود نور سؤال جذب انتباه تاج كثيرا
محمود:بقولك يابنتي انتي مش فاكره كنتي بتجري بليل كده لي ومين الي كانو بيجرو وراكي دول
نور:الصراحه يا عمو انا مش فاكره اي حاجه
تاج:تتوقعي اي الي ممكن يخليكي تنزلي بليل ف وقت متأخر كده
نور:احم بصراحه مش عارفه هو ممكن وكادت ان تكمل كلامها ولكن تذكرت شئ
نور:عمو مش المفروض اني يبقا معايا شنطه فيها حاجتي حضرتك لما خبطتني ملقتش معايا شنطه
تاج:ايوه صح مشوفتش حاجتها
محمود:اه تقريبا كده بس شكل العيال الي كانو بيجرو وراكي دول سرقوهم لأني خدتك بسرعه وحطيتك ف العربيه ومشيت
نور بإحباط:ممكن
تاج:متقلقيش ي انسه نور أن شاء الله خير
نور:إن شاء الله
أما علي الجانب الآخر نجد فاطمه جالسه ف المنزل تفكر في نور
فاطمه:ياتري روحتي فين يابنتي ومطمنتنيش عليكي ليه بس
بعد بضع دقائق وجدت عبد العزيز يدخل المنزل ووجه مليان كدمات من الضرب
فاطمه:مين الي عمل فيك كده
عبد العزيز بغضب:الراجل الي واخد منو مهر بنتك الي هربتيها يابنت ال**** 
فاطمه:وانا مالي مش انت الي خدت منو المهر
كاد عبد العزيز يقترب منها لكي يضربها ولكن منعته وقالت
فاطمه:والله العظيم لو مديت ايدك عليا لمشي واسيبك وشوف مين هايجبلك فلوس الي كنت بتشقيها مشيت وانا كمان همشي وشوف بقا هتعيش ازاي
عبد العزيز بضحك:تمشي تمشي تروحي فين انتي ناسيه انك هربتي من أهلك علشان تتجوزيني
نكست فاطمه رأسها في الأرض ولم تجب
عبد العزيز:ده انتي لو رجعتي ليهم هيموتوكي ياختي ف اقعدي كده ومتقوليش كلام مش قدو والي هربت وكانت بتجبلي فلوس زي م بتقولي هرجعها وهخليها تجبلي فلوس تاني وهتشوفي
ثم تركها تبكي وذهب
عند نور نجدها قد انتهت من أفطارها
عفاف:كلي يابنتي انتي لسه تعبانه لازم تتغذي
نور:خلاص ي طنط مش قادره والله
كادت عفاف أن تتكلم ولكن قاطعها تاج وقال
تاج:خلاص يا ماما متغصبيش عليها وانتي يانور اطلعي خودي دواكي
انتهي تاج من كلامه وجد باقيه من يجلسون معه ينظرون له بزهول
تاج باحراج:احم قصدي يعني ولم يكمل كلامه ووجد صوت قادم ناحيتهم
..:ابو تاااااااج الي واحشني
تاج بفرحه:ماازن
مازن:بالأحضان ياابو تاج
تاج بضحك:لسه زي م انت
مازن:عامل اي ي اخويا
تاج: كويس اومال فين عمتي
مازن:جايه هي وساره وحبيبه
سمعو صوت يقول أنا سمعت حد بيجيب سيرتي
تاج بضحك:اه انا يا حبيبه في حاجه
حبيبه:لا يا ابو تاج مفيش
تاج بضحك:عامله اي يا اوزعه
حبيبه بتذمر:بقولك اي عايز الاجازه دي تعدي مسمعش كلمه اوزعه دي تاني فاهم
تاج:اوكي ي اوزعه
حبيبه:اوووف ....اي ده مين الموزه دي واد يا تاج اوعي تكون اتجوزت
تاج باحراج:اتجوزت اي ي اوزعه ادخلي هحكيلك بعدين
دخلت حبيبه ووجد تاج من تتكلم معه
ازيك يا تاج.
تاج:تمام يا ساره وانتي
ساره:احم انا تمام
تاج:دايما
كادت ساره أن تتكلم ولكن قاطعها تاج وهو يقول عمتو فاطمه
فاطمه عمت تاج:حبيبي عامل اي كويس ي عمتو وانتي
فاطمه عمت تاج:دايما ياحبيبي مين يلا الموزه الي جوا دي انت اتجوزت من ورايا
تاج:عامله زي حبيبه ادخلي وانت هعرفك عليها
اخذها تاج ودخلوا
محمود:ازيك ي فاطمه
فاطمه:الحمدلله ياحبيبي وانت
محمود:الحمدلله ياحبيبتي ازيك يا اوزعه ازيك يا ساره
حبيبه:اووف ارحموني
محمود بضحك: خلاص
ساره:الحمدلله ي انكل
وهنا سمع تاج نور وهي تقول في سرها
نور:اي مالها دي اي انكل ده م تقول ياعمو زي العسوله اختها هي ناقصه قرف
وهنا سمعت نور صوت تاج وهو يضحك ويقول
تاج بضحك:اسكتي لو سمعتك هتحطك ف دماغها
نور باحراج:حاضر
رأتهم ساره وهم يهمسون لبعض واغتاظت جدا ثم ذهبت الي الاعلي
بعد أن انتهوا من السلام دخلو الي الصالون وجلسوا
حبيبه :مش تعرفنا بالمزه دي ي تاج
شعرت نور بالإحراج
حبيبه:اوباا دي بتحمر
نظر تاج لنور وجدها محرجه
تاج:واقفه لي يانور اقعدي
نور:لا انا هطلع اوضتي علشان تعبانه شويه
تاج:طيب استني اعرفك عليهم
دي حبيبه الاوزعه
حبيبه:اتشرفت بمعرفتك يا وحش الكون
ضحكت نور
تاج بضحك:وده مازن صديق الطفوله
مازن:ازيك ي انسه نور
نور:الحمدلله
تاج:ودي عمتي فاطمه
سمعت نور اسم فاطمه شعرت بالصداع الرهيب وظهر أمامها مشاهد سوداء لامرأه تبكي ومواقف كثيره لم تستطيع نور الصمود وسقطت مغشي عليها
تاج بخضه:نوووووووووور

ياتري اي حكايه ساره وتاج ولي تاج بيتجاهلها؟
ياتري عبد العزيز هيوصل لنور بجد؟
كل ده هنعرفو الفصول التانيه.❤️
#بقلميBasant samir
اعملو فوت يابنوتات❤️