أُلْفَة رُّوح - bxb

هِبة..

اهلاً اهلاً

بارت قصير لكن ملييان مشاعر..

*جميع الأسماء والأماكن المذكورة من وحي الخيال

اسّتمتعوا🤍
___

الساعة 2:54 بالفجر

كانوا بالسيارة أربعتهم وصوت الأغاني كان مرتفع وصوت ضحكاتهم طاغي ع المكان

اللي في المقعد الأمامي نطق بحماس : أقولللك أمير شرايك نروح لحي الميلسان؟ يلا يلا احسس وقتته

أمير قلب عيونه : بالله أنت شايف سيارتي؟ حرفيًا م فيها ولا جُزء واحد سليم وتبيني أوديها للحي ذاك؟

اللي ورا نط بينهم ونطق بحماس هو الثاني : يلااا أمييير أحنا رايحين نفلها بس

الثالث نطق يشجع أمير : أيوه وترا خلااص كلها كم أسبوع ونرجع نداوم ياخي لا تبعصها

سُلاف صفق بيدينه : يلا أمييير كلنا متحمسين؟

أمير تنهد وعكس طريقه : طيب نشوف أخرتها معاكم

الثلاث كلهم صرخوا بحماس ورجعوا يصفقون ويغنون وطاقتهم أرتفعت أضعاف

أمير تنهد لمن شاف بداية الحي المرتفع والمليان قصور من أنواع وأشكال وكل السيارات المركونة قيمتها مبلغ وقدره..

قيمة أقل سيارة مركونة بالحي م تقل عن ٥٠٠ ألف ريال..

زفر أنفاسه وهو حاس نفسه منحرج من مظهر سيارته لكن م قدر يكسر فرحة أصحابه وكمل داخل للحي وهو يدعي محد يطلع بهالوقت

سُلاف كان مطلع راسه من النافذة ويأشر بحماس ع كذا بيت ويسوي نفسه إنه صاحب البيت وعنده شركات وان اخوه باق شركة المرحوم

والباقين كانوا ميتين ضحك ع تخيلاته..

تعطلت سيارة أمير وزفر أنفاسه بتوتر وحاول يشغلها كذا مره

بينما سُلاف وماهر وتليد كلهم كانوا يطقطقون وينكتون لانهم متعودين ع خراب سيارة صاحبهم..

سُلاف نزل من السيارة وهو باقي مكمل تسلسل خيالاته وأفكاره..

: وااااي أقولللكم عندي أربع سيارات..

شوفوا هذي الجاغور حقتي وهذي الجي كلاس طبعًا كلها شريتها بس لأني حسيت بملل..

كمل مشي ع الرصيف وهو مكمّل : وهذي المرسديس فُل اوبشن وطبعًا موديل السنة لكن م استخدمها كثير لان شكلها مو عاجبني