حكاوى " سهرة لطيفة " ✨

« كعب عالى »

_ أنا خايفة .
= تخافى ليه وأنا موجود ، أنا موجود دائماً عشانك ؛ عشان تبقى متطمنة وسعيدة ، وبعدين فى business woman كبيرة قد الدنيا زيك كدة مركبتش طيارة قبل كدة !
_ المنظر من فوق يخوف .

= احنا هنشغل وقتنا لحد ما نوصل ، ننام ولا نقرأ كتاب ؟
_ انت برده مش هتقولى احنا رايحين فين ، دة حتى كل الإجراءات والورق مخبيه عني ومستغل سلطاتك فى انى معرفش ، يعنى معقول أبقى مسافرة ومش عارفة رايحة فين .
= قولتلك قبل كدة دى مفاجأة وانا واثق أنها هتفرحك أوى .
_ احنا لو هنروح مدغشقر حتى هتبقى حلوة ؛ عشان معاك .
= يا سيدى يا سيدى على الرومانسية ، طب تيجى نقرا كتاب سوا .
_ اوكيه هنقرا ايه ؟
= كتاب فى علم النفس .
_ انت عشان دكتور نفسى يعنى هتخلينى اقرا على مزاجك .

                            [ Flash 🔙 ]
( لينا كانت مع أصحاب ليها فى كامب وكانوا بيسألوا بعض اسئلة والدور جيه عليها هتسألها فريدة صاحبة عمرها )
_ إيه المهنة اللى يستحيل تحبى واحد بيشتغلها ، طبعاً أنا عارفة الإجابة بس عشان الشباب يعرفوا .
= دكتور نفسى ، مستحيل .
_ مش فاهمة رفضك القاطع دة ليه حد يطول يكون معاه حد فاهمه طول الوقت .
= ما هى المشكلة تكمن هنا بالظبط ، أنا مش عايزة حد أبقى مفقوسة قدامه ، عايزة واحد يبقى عنده فضول تجاهى ، عايزة واحد يستكشفنى ، كل مرة ينبهر بيا ، مش واحد حافظنى ، أنا مش درس دراسات عشان أتحفظ ، عايزة واحد يتعامل معايا على أنى مسألة فيزيا ، كل مرة يكتشف فيا حاجة جديدة ، ويبقى طاير من الفرحة لما يتوقع حاجة عنى وتطلع صح ، عايزة واحد يشوفنى بحر مش بحيرة ، يغرق جوايا وأبقى أنا ليه طوق نجاة .
( فريدة بتسقف بحب وهزار )
_ كان المفروض تبقى شاعرة يا بنتى بأمانة مش سيدة أعمال ولا حاجة .
                                 [ 🔙 ]
_ حبيتى الكتاب ؟
= يا أخويا ولا فاهمة حاجة ، دة شغلك انت أدرى بيه .
_ خلاص نعمل حاجة تانى لو مش حباه ، تيجى ننام ؟
= موافقة جداً ، اقتراح غير قابل للنقد .
( حضنها واتغطوا بالشال بتاعها ونامو ، بعد مرور ساعة ، داعب زيد وجه لينا برقة )
_ يا لينا ، يا روحى ، اصحى ، خلاص وصلنا .
= الله وصلنا فين ؟
_ اسطنبول - تركيا .
= اااااااااااااا لا بتهزرررر .
_ هتفضحينا يا لينا وطى صوتك شوية .
( حضنته باندفاع )
= أنا بحبك اوى بجد .
_ وأنا ، بس يلا عشان نبدأ رحلتنا سوا .
= أهم حاجة تشربنى شاى على الساحل ونقابل Aytaç şaşmaz و Cemre baysel
( أسماء ممثلين أتراك ) .
_ طب الساحل وعارفينه لكن ايه دول توم وجيري ايه دلوقتى يا لينا .
= اسمها جيمرى جيرى ايه بس .
_ وايه التانى دة اسم دوا .
= لا اسم ممثل بحبه .
( زيد وشه احمر )
_ لا أنا بغير .
( لينا ضحكت بخجل )
= خلاص خلاص تعالى أحكيلك عنهم فى الطريق .
_ أنا مجبتش معانا مترجم واخدة بالك .
= بص اعتمد عليا ، أنا أصلى تركية أصلاً .
_ Hoş geldiniz istanbuuul .
= بتزعقى ليه يا بنتى ؟
_ لا أنا كان لازم أرحب بتركيا أول ما أدخلها ، دة حلم حياة دة .
= دلوقتى هننزل فى فندق نرتاح شوية وننزل أفسحك .
( بعد مرور ٣ ساعات )
_ هنروح فين بقى ؟
= أول حاجة هنزور قصر توبكابى .
_ قصر إيه يا اخويا .
= مش مهم اسمه هتعملى بيه ايه ، يلا بينا .
_ اوكيه هلبس وجاية .
            -----------------------------------------
= كل مرة بنبهر بجمالك وكأنى أول مرة أشوفك ، دائماً خاطفة عينى .
_ لا بدوخ مش قادرة ، مش وقت رومانسية يا زيد عايزين نلحق .
= عاجبك المكان يا لينا .
_ عجبنى بس دة يجنن .