طبعاً تدرون انو خوالي ما اعرفهم ولا شايفتهم اذكر مرة اجوي طبعاً احبون ماما كلش بس من بابا تزوج عليهة كلولهة طلكي منة ما رضت كلولهة مو مجبورة تتحملين كلتلهم اني راضية لا تدخلون بحياتي وزعلو طلعو ومن توفت ماما رادو ياخذونة بس بابا ما رضة طبعاً وصارت مشكلة بينهم وبين بابا وطردهم وبعد ما اجوي بس ياريت لو يرجعون
نكمل يوم الأحد عندي امتحان والمادة هواي وكاعدة اقرا اسراء،،، زينب شنو دا سوين زينب،،، دا اقرا عندي امتحان يوم الأحد اسراء،،، الأحد مو باجر كومي نضفي البيت زينب،،، خالة دا اكلج عندي امتحان والمادة هواي شنو انضف البيت ساعتين يلة يخلص بهل ساعتين اقرا هواي اسراء،،، كلت كومي اني مايخصني زينب،،، خالة كلتلج عندي امتحان اسراء،،، رح طلعين الطب كبر لفج وخلصني منج زينب،،، عادي كلهة الكبر نهايتة وراحت صايرة على ابسط شي تحجي وتريد تسوي مشاكل وكدام بابا تحجي عادي ماعندة مشكلة يوسف مايرضة بس من يحجي بابا اسكتة واحمد مايهتم لشخص لو طالع لو يدرس
ابو زينب،،، زينب زينب تعالي بسرعة زينب،،، هاا عرفت راحت حرضتة علية اي بابا اجيت ابو زينب،،، وضرب زينب ليش ما تحترمين خالتج هااا ولج صايرة قليلة ادب اذا نعادت مرة ثانية اخليج حتى المدرسة تحلمين تشوفيهة زينب،،، ما نصدمت عادي مو اول مرة بس با.. ابو زينب،،، اششش حسج ماريد اسمعة المفروض اربيج من جديد ولي عن وجهي قليلة الادب تغلط على الأكبر منهة وطلع
اباوع على خالة اسراء تباوع وتضحك اسراء،، ههه اسمعي كلامي مرة ثانية زينب،،، ضهرتي على حقيقتج اسراء،،، بعدج ما شفتي شي
مو اول مرة يضربني دوم تحرضة علية ورزلني ويضربني
زينب،،، صعدت لغرفتي هاي شبيهة ما جانت هيج وبابا ليش هيج فجأة تغير ليش يمشي ورا كلامهة ههه تبقة مرت اب تريديهة مثل حنان امج تريديهة تخاف عليج من الهوا تريديهة توكف بوجه الكل علمودج ماما تعبت والله بدونج تعبت احجي وابجي صرت انضرب مو مهم مرت ابوية اعرف مرت اب بس انتة ابوية تصدك بيهة وما تنطيني فرصة احجي مسحت دموعي وكمت كافي طبهم طب خل اروح اقرا
وكعدت قريت ومحد صاحني على العشا. وشوية ودخل يوسف يوسف،،، ولج عبالي بعدج نايمة لأن خالة اسراء كالت صعدت لكيتهة نايمة وما تريد اكل زينب،،، يمة شلون جذب اصلن محد صعد علية من الضهر يوسف،،، هاا سهلة سهلة كومي خل نطلع ناكل برا لبسي لما اشغل السيارة زينب،،، فديتك يروح اختك يوسف،،، كومي لا تضلين تتلوكين زينب،،،هههه دروح مو صوجك يوسف،،، اروح واخليج بلبيت زينب،،، لالا كمت كمت نزلت ولكيت يوسف برا ينتضر وطلعنة تعشيت وسولفنة يوسف،،، تدرين زنوبة زينب،،، كول عيونها يوسف،،، مشتاك لمي مشتاك لعطر شيلتهة مشتاك لسوالفهة مشتاك اجي من الدوام واشوفهة تنتضرني ومحضرة الأكل اريد شي من ريحتهة بس انتي ضليتي من ريحتهة ونزلت دموعة زينب،،، وهية دموعهة تنزل واني مشتاكتلهة وانتة بس ضليتلي من ريحتهة أريدك سندي لا تتغير بيوم علية يوسف،،، لج شلون ترة انتي روحي من الدنية لا عبالج راضي على سوالف ابوج ومرتة بس احجي ومايفيد وتغير علينة هواي ماجان هيج انتضري بس اكمل الي بالي واريحج بس لو اعرف وينهم وليش هيج نسونة زينب،،، شنو ومنو نسانة شتحجي انتة يوسف،،، انتضري مو هسة تعرفين
مر اسبوع هستوني راجعة من الدوام طبعاً خط والباب مليان سيارات ستغربت ونزلت واسمع صياح ابوية عزاا هاي شكو والرجال واكفين برة وابوية عاط بية ولي جوة ان.... ل.... ك... يوسف،،، لا لاتدخلين تعالي زينب زينب شنوو أكف بنصهم ومنو ه... قاطع سلسلة افكاري رجال كبير بلعمر شكلة مئلوف مبين علية الهيبة ... شلونج زنوبة وحضنهة زينب،،، جمدت هاي شنو وخرت ... هاا هاا افاا عليج ما عرفتي خالج شلون هيج زينب،،، خالي يوسف،،، زنوبة حبيبتي هذول خوالنة الي بيهم ريحة امي وزينب اجتي عينهة على واحد يشبه امهة وهية عيونهة مليانة دموع وتحضن بخالهة ... ولج كبرانة وحليانة بعد خالج زينب،،، منو خوالي عرفت انتة خالي ... روح خالج بعدين اعرفج عليهم المهم احنة جاين ناخذج ويانة ابو زينب،،، كلت ما تروح زينب،،، اني اريد اروح ابو زينب،،، من تكسرين كلمتي انسي عندج اب زينب،،،، ههههههه هاذ يا اب الي ناسي بنتة من ماتت امهة تمشي ورة كلام مرتك تصدك الي تكولة تصدك بيهة وماتسمع مني وتتركني بدموعي ابو زينب،،، انتي قليلة ادب ما عرفت تربيج وتركتج علية خال زينب،،، احترررررم نفسك لا تجيب سيرتهة على السانك خلي النفس طيبة ولا تخلينة ننسة العشرة اختي ربت ونعمة التربية خالي زينب حضري نفسج زينب،،، يوسف يوسف،،، روحي واني ارجع اخذج لو تريدين تضلين هين زينب،،، حتاريت يوسف حتاريت ... بنتي ما نجبرج بس احنة جينة ناخذكم وانتو ولد الغالية لأن شفتة ابوكم شلونة ومرتة كالت ما اريدهم بس ارجع واكلج تجين ويانة احسن والي تريدي يجرالج زينب،،، لعد ويوسف يوسف،،، اني اجي ابو زينب،،، شنو بكيفكم وانتي دام حاولتي تكسرين كلمتي الة اطيح حضج ... اششششش عمي شنو هي هيتة اطيح حضهة من اليوم مالهة كعدة عندك ابو زينب،،، انتة منو زعاطيط تحجي فوك راسي .... ابن خالهة يلة يابة تحضري علمود نرجع زينب،،، زين المدرسة ... ماعليج اني اسوي كلشي ابو زينب،،، من تطلعين بعد ما ترجعين خوش تنسين ابوج زينب،،، لعد اروح اتحضر
لا تنسون بابا وزوجتة اذوني ضربني بابا و اذوني بالكلام دوم يحجون ماعرف شبيهم وليش فجأه هيج صارو بابا دوم يحجي علية ارزلني وضربني اذاني هواي وحضرت وصلت للباب باوعت على بابا ويوسف وحضنت يوسف
