فهد بهل اربع أشهر من راح ذيب وانه مو مرتاحلة اختفة هوة وجم واحد من الفريق مالنة انه مارحت سويت واصطة ومارحت اختفة ذيب كلبنة الدنية علية الي اعرفهم هناك كالو فص ملح وذاب مين ما اندار تنسد بوجهي دمرت بس ما حجيتلهم وانه اشوفهم شلون القهر كاتلهم عرفت راح ذيب بس ما فقدت الامل خاصة كدام زينب الجانت تذبل يوم بعد يوم ومنا حامل القهر يطلع من عيونهة صح ما تحجي بي مبين عليهة
وفد يوم كاعد العصر انه وابو ذيب الحاير الووو هلا سرمد لك وينكم وين اختفيتو ذيب وينة احجي ليش سكتت
... استشهد ذيب فهد انجب لك شني استشهد مخبل انتة وتخبلت ماعرف شحجيت ولا اتذكر. .. استشهد ومالة أثر رادو يلزمو بس كال اكتل نفسي وماخليهم يلزموني وجنة بالمقر مالتنة جنت طالع بغير منطقة ورجعت لكيت المقر مفجر وبس دمهم موجود لا تجي علمود الجثث ما تستفاد شي وجان المفروض انه ويا بس اخخخ راح هوة وضليت انه هل يومين جاي وعندي أمانة الكم
فهد اخخخخخخ ذيب اخخ بعد عمك رحت هنا الكلام ما اذكرة زين مثل ما كلت جنت بحالة مستحيل اذكر شحجيت
يعني حتى جنازة ماتصيرلك مو هيج يذيب مو هيج
زينب صحيت ثاني يوم واني بغرفتنة هاي ورح اضل طول عمري انام بلية حضنك واصحة بدونك
سمر يلة حبيبة كعتي هاج اكلي موزين تضلين بلا اكل زينب ماريد اكل وين بنتي سمر يم عماتهة دايرات بالهن عليهة لاتنسين ابنج هم محتاجج زينب سمر تركيني بحالي افيش يريحتك اففف احاجي هدومة وصورتة وغراضة ليش ذيب هسة اني منو الي ابنك شوف ابنك منو الة منو يعلمة منو يربي اني الحمل ثكيل علية بس فراكك يرادلة حيل ينطيك كلبك تروح هل روحة ما فكرت بينة بأمك بابوك كلهم ليش شوف ابنك شوفة من يجي اذا سئلني وين بابا شنو اكلة لمار من تجي تبجي عليك شرح اكللهة اني تالي الليل وين احل شعري ذيب والله مو حمل هيج ابنك الماحضة بحضن منك هيج تعوفة اني من كتلك انتة امي وابوي كتلي اي كلهن اكو ابن يرتك بنتك. يتمتني يذيب ثاني مرة
مو مصدكة ولا رح اصدك تعوفني سمر كافي الله اخليج فكري بنتج الفرفحت عليج بابنج بروحج زينب بعد ذيب مالي روح هههه اذكر مرة كلي احس روحي مخبوطة بروحج بعد منو يتغزل بية ويتعارك وياي من اغار سوالفة منو افشر منو اكلي بربوك منووو. سمر كافي كافي كومي وياي يلة سبحي ولبسي اسود وتجين وياي لبيت جدج النسوان هناك زينب ماريد ماريد لج شسوي هناك ماريد البس اسود ليش البس اسود سمر كوومي بلا كلام كومتهة مارضت اسبحهة سبحت وكوة رضت تلبس اسود تكلي. والله ما يعوفني سمر اي اي ما يعوفج بس لبسي هاي علمود الناس ما تحجي عليج يلة لبسي وهسة نروح هناك يلة ومن دخلت وشافت ام ذيب وحدة كابلت الثانية وكعدن زينب انتهت هية وأم ذيب
مرت إيام الفاتحة علينة بس اللم وقهر وعمي الي من سمع الخبر هوة بالمستشفى وحالتة اسوء يوم بعد يوم
زينب الي مكابلة بيتهم وهدوم ذيب وتبجي اكلهة قليل ام ذيب الي ما نشفت دمعتهة لمار عندي لأن البنات ما يكدرولهة لأن هملتهة زينب حقهة صارت قليل تحجي
وهاي مر شهر جدي توفة الي نزل الخبر صاعقة للكل والي زاد حالة زينب سوء موتت جدهة تخبلت بيومهة ونامت مستشفى كامت تذبل يوم بعد يوم البيت نكلب ما ضلت فرحة بي مات عمي هوة بحسرتة على ذيب
