-المطر حلو اوي يا يوسف مش كدا
اوي يا حبيبتي المهم انتي مبسوطه ؟
-مبسوطه عشان يقضي وقتي معاك
مالك يا نور عيني عنيكي دمعت ليه
-خايفه في يوم اصحي الاقيك مش موجود او الاقي مامتك رفضتني من تاني انا تعبت اوي بسبب الموضوع دا
انا وعدتك ان انا هفضل علطول معاكي صح وبالنسبه لموضوع ماما انا هفاتحها بكرا ان شاء الله تاني
-لا لا استني يا يوسف متفتحهاش بكرا خالص استني لما النتيجة تطلع وتفرحها بالنتيجه الاول وبعدها فاتحها وبعدين هانت كلها اسبوع وتطلع وانت بنفسك كلمت الكنترول وقالولك أنك الاول علي دفعتك صج
ايوا فعلا حصل خلاص يا حبيبي عشان خاطرك اعمل اي حاجه هستني الاسبوع دا يخلص
_______________________
( انا بنت عاديه زي اغلب البنات ملامحي مش الحلوه الواو الي الكل يتلفت ليها وعنيا مش ملونه بالعكس عنيا بني وبتغير عسلي في الشمس ملامحي اوقات كتير بتكون بهتانه من تعبي وقلة مناعتي بس هو عمره ما شاف حاجه من دي فيا، ايوا هو يوسف، يوسف الي قلبي اختاره من ٣ سنين وفضلنا ع العهد سوا حصل بينا مشاكل كتير وظروف كتير اوي في ال٣ سنين دول بس في الاخر كنا واثقين أن ملناش مكان غير حضن بعض وقلب بعض يضمنا ويحتوينا، حصلت مشاكل تهد اي علاقه بس حبنا لبعض كان الاقوي من اي مشاكل وكملنا رغم أن أهله مش عاوزني، اه متستغربوش أهله فعلا مش عاوزني عشان فيه ناس الله يسامحهم وصلوا لأهله فكره غلط عني واهله فاهمين أن انا وحشه ومش هكون قد أن يكون ليا بيت وفاكرين اني وحشه اوي بس انا عكس كدا والله وهو عارف الحمدلله رغم كل دا فضلنا رغم كل المشاكل والبهدله الي هو شافها بس كمل معايا عشان بيحبني يجد علاقتنا قوية وبحمد ربنا ديما أنها بالقوة دي )
________________________
عدي يومين علي مقابلتنا في المطر ولسه ذكريات اليوم محفور في قلبي وفي يوم وانا مروحه من الشغل تعبت جدا وامي الي جت خدتني من الشغل وتاني يوم كنت محجوزة في المستشفي ومتعلقلي محاليل وهو مكنش يعرف، معرفش غير لما حاولت اتصل بيه من عند واحده صحبتي ولما مردش بعتله رساله sms مضمونها (انا مع شروق وهي في المستشفي ) بس مكنتش اعرف ان الرساله دي هتقلقه بالمنظر الي هو كلمني بيه، لما رجعت البيت بليل اتصل بيا عشان عرف من اختي أن احنا رجعنا ويقدر يكلمني (هو انا معرفتكوش صحيح أن انا معرفه اهلي كلهم عليه وأنه شخصيه محترمه جدا وبيتقي ربنا فيا فعلا وعارف هو بيعمل اي كويس اوي )
لما اتصل بيا
الو اي يا حبيبتي انتي فين روحتي صح
-اه انا روحت يا حبيبي
طب عامله اي طمنيني عليكي انا قلقت عليكي اوي
-انا الحمدلله بقيت احسن شوية عن امبارح
اي الي حصلك يا نور عيني وصلك للحاله دي
-مش عارفه والله اي الي حصل بس كل الي اعرفه اني مره واحده دوخت وقلبي كان تعبني جدا جدا وصداع والضغط كان واطي وروحت المستشفي اتعلقلي محاليل
سلامة قلبك يا قلبي
-هههههههه ضحكتني وانا بجد مش قادرة اضحك
انا اتصلت بيكي الصبح وماما الي ردت عليا وقالتلي انك مش هتقدري تكلميني قوليلها اسف لو ديقتك بحاجه بس انا كنت قلقان اوي عليكي يا حبيبي
-اسفه اني قلقتك
انا من ساعت ما الرساله دي وصلتلي علي الفون وانا مش عارف اتلم علي نفسي مبقتش عارف اعمل اي ولا اروح فين واوصلك ازاي وحرفيا كنت مستعد اعمل اي حاجه عشان اوصلك والمشكله أن الي بعتت المسدج معرفتنيش انتي في مستشفي اي وكنت هموت من القلق عليكي
حسيت بنبرة صوته بحزن وأنه هيعيط أو عيط
-انا بحبك يا يوسف وبحب قلقك وحنيتك بحب كل حاجه فيك
وانا بموت فيكي يا نور حياتي كلها ، بعشق امك
-هههههه بلدي يا يوسف
خلي بالك علي نفسك بالله و صليتي ولا لا وكلتي اصلا ولا لا
-لا مصلتش بصراحه انا طول اليوم برا ولو علي الاكل كلت من شوية بس باكل علي قد نفسي عشان تعبي وحاضر هخلي بالي من نفسي ، انت فين دلوقتي
انا بكلمك من البيت
-بتكلمني من البيت عادي كدا
بالله عليكي دا سؤال يتسئل في وقت زي دا
-هههههه خلاص خلاص
خلي بالك علي نفسك اكتر من كدا بالله
-حاضر وبعدين متقلقش عليا مش هموت انا قاعده علي قلبك
وحيات امك شكلك عاوزاني أقل ادبي عليكي
-هههههه لا خلاص الطيب احسن بقي يا حبيبي
ايوا كدا شطورة
-بحبك يا مغلبني بحبك
وانا بحبك وبموت فيكي والله، انا هقفل دلوقتي وانتي قومي صلي وانا كمان هقوم اهو وكلي تاني
-حاضر يا حبيبي في رعاية الله
قعدنا طول اليومين الي انا كنت تعبانه فيهم دول شوفت احلي دلع واهتمام وحنية منه (فعلا الواحد مش بيبان غير في وقت الشدة والمحنه الي بتيجي علي الواحد مره واحده ) شوفت منه حنية واهتمام زيادة عن اللزوم وانا بصراحه مريضة اهتمام وخصوصا منه هو عشان اهتمامه بيا مختلف فعلا عدوا اليومين دول صعبين اوي عليه عشان سامعني بتألم في كل فويس ببعته كان بيحاول يخرجني من تعبي وميحسسنيش اني وحشه
فعلا في اليومين دول عمره ما حسسني ان تعبانه أو وحشه او أن تعبي مخليني متغيره لا خالص حسسني اني ملكه مفيش مني اتنين،
_______________________
