في احد الجزر في المحيط الهادي كان في 3بنات عايشين فيها وكانوا في البحر بيصتادوا سمك وكان في سمكه قرش جايه عليهم
مايان بسرعه/جوان حاسبي في سمكه قرش جايه عليكي اخرجي بسرعه
جوان بحماس/لا انا هحاربه
ماسه بعصبيه/تحربيه ايه يابنت المجانين اخرجي الله يخربيتك
جوان بعند/لا اسكتي انتي واخرجوا وانا هصتاده واجيبه
مايان بصويت/عااااااا حاسبي ياجوان
وفجأة القرش كان هيهجم علي جوان بس هي لفت بسرعه ومسكت السكينه ورشقتها في ضهره وقعدت تضرب فيه لحد مامات
جوان بفرحه/هااااااااا اصتادوا شوفتوا بقي اني بعرف اصتاد
مايان بضحك/لا شاطره
ماسه بضحك/والمصحف انتي مجنونه
جوان بفخر/ميرسي
مايان/طب يلا عشان ناكل
ماسه/طيب هاتوه وظبطوا الحاجه لحد ما اولع نار
وراحت ماسه ولعت نار وشوا السمك وكلوه
مايان بهدوء /لسه مفيش امل نخرج من هنا
ماسه بحزن/للاسف مفيش
جوان بهدوء /علي فكره انا حابه القعده هنا احنا عيشنا حيانتا كلها هنا منعرفش العالم بره عامل ازاي ممكن يكون وحش واحنا هنا في امان ولوخرجنا هنتاذي فاخلينا هنا احسن
مايان/صح والله ياجوان معاكي حق وكمان احنا ملناش حد اهلنا كلهم ماتوا واحنا صغيرين
ماسه بحزن/كان نفسي اشوفهم اوووي
جوان بهدوء /ربنا يرحمهم يارب
مايان بهزار /طب يلا تعالوا نقوم نلعب في الشلال شويه ونستحما ونغير هدومنا المبلوله ديه
جوان بفرحه /يلا بينا
وراحوا استحموا وغيروا هدومهم وراحوا البيت بتاعهم اللي في الجزيره
_____________________________________
في مكان تاني في احد شقق في منطقه راقيه في القاهره كان في شاب نايم في البيت ودخلت عليه امه عشان تصحيه
سعاد بهدوء /حبيبي اصحي يلا عشان تروح الشغل
الياس بابتسامة /حاضر صباح الورد ياسوسو
سعاد بحب/صباح الخير ياقلب سوسو يلا ياقلبي عشان تروح الشغل
الياس بابتسامة /حاضر ياماما هقوم اهو بس ممكن تعمليلي فطار من ايديكي الحلوين دول
سعاد بحب /حاضر ياروح ماما من عيوني
الياس بهزار/تسلملي عيونك ياقمر
وراحت سعاد تعمل الفطار والياس بص علي مامته واتنفس بحزن علي مامته وعلى اللي ابوه عمله فيهم
قام الياس خد شاور وغير هدومه وخرج عشان يفطر مع مامته ولقي موبايله بيرن برقم نانسي راح قفله بخنقه وكمل اكله ومامته لاحظت
سعاد /مالك ياحبيبي مين اللي بيتصل
الياس بخنقه/ديه نانسي ياماما
سعاد /طب ياحبيبي انت مش بترد عليها ليه ديه خطيبتك برضو تزعل كده
الياس بهدوء /حاضر ياماما هكلمها يلا سلام عشان اتاخرت
ونزل وركب عربيته وراح شغله وقابل صحابه هناك
نادر بهزار/ابو اللسليس ازيك
سليم بسخريه /ماتقوله ابو النسانيس احسن
الياس بضحك/قوله يابني ده عبيط والله
نادر بضحك/شكرا والله ده من زوقك
سليم بهدوء /طب يلا خلصوا شغل ونتكلم في البريك
الياس/اشطاا
وراح كل واحد على شغله وفي البريك راحوا كلهم في كافيه
نادر بخبث/الا صحيح هي المزه عامله ايه
الياس بخنقه/ديه خنقتني ياعم انا بفكر اسيبها اصلا ديه تخنق انااصلا مبحبهاش
سليم بهدوء /طب انت خطبتها ليه مادام انت مش بتحبها
الياس بخنقه /ابوها ياسيدي اللي خلاني اخطبها غصب ولا هيرفدني وانا ماصدقت لاقيت شغل
نادر باستغراب /غريبه يعني اشمعنا انت
الياس بخنقه /عشان عجبتها ياسيدي
وهما بيتكلموا موبايل الياس رني برقم نانسي
الياس بسخريه /شوفتوا اهي بتتصل لوجبنا في سيره ربع جنيه مخروم مكنش جيه
سليم /طب رد شوفها عايزه ايه
رد الياس علي نانسي
نانسي بعصبيه /سيسو انت مش بترد عليا ليه انا بكلمك من الصبح انت فين
الياس بخنقه /كنت عامل الموبايل سايلانت مسمعتوش وبعدين انا في الشغل دلوقتي
نانسي بعصبيه/ انت كداب عشان انا في الشركه دلوقتي
الياس بخنقه /اللهم طولك ياروح انا في كافيه يانانسي عشان ده بريك يانانسي عايزه حاجه تانيه يانانسي سلام يانانسي وراح قفل السكه في وشها
نانسي بعصبيه /الياس است... انت بتقفل السكه في وشي ماشي لما ترجع
الياس /شوفتوا بقي كل شويه خناق كده
نادر بهزار /طب فكك منها دلوقتي هتروحوا فين في الاجازه عايزين نروح حته جديده بره مصر
سليم بهدوء /انا سمعت عن جزيره في المحيط الهادي اسمها جزيره السنمار وبيقولواانها جميله جدا ايه رايكم نروحها
الياس بتفكير/فكره حلوه هتسافروا امتي
سليم /ممكن علي بعد بكره عقبال ما احجز التذاكر لاقرب مدينه ليها وبعدين نروح باي مركب
نادر بحماس/اشطاا يلا بقي نروح نخلص شغل وبعدين نروح نجهز الشنط
الياس/يلا
وراحوا كملوا شغل وخلصوا وراحوا علي بيتهم يجهزوا الشنط
________________________________________
في الجزيره
كانت مايان سرحانه في البحر وجت ماسه قعدت جمبها
ماسه بهدوء /مالك قاعده كده ليه
مايان بهيام/عارفه نفسي اعيش قصه حب زي ماما ناديه
ماسه بقرف/كتك القرف حب ايه وقرف ايه لا ياختي انا مش عايزه احب وبعدين هنحب مين يما احنا عايشين علي جزيره مافيهاش حد هنحب بقي النسانيس ولا النمور والاسود
مايان بغيظ/لا انا قلبي حاسس ان في حد هيجي هنا الجزيره ويخرجنا كمان
ماسه بسخريه/ابقي غطيها يامايان عشان بقت تتلع حاجات خطر عليكي
مايان بعصبيه /عااااااا يارخمه امشي يابت انتي
وهما بيتكلموا جت جوان تجري عليهم وهي ماسكه اسد صغير
جوان بفرحه /يابنات حلبسه ولدت
ماسه باستغراب /حلبسه مين ياجوان
جوان بهبل/حلبسه ام زعتر ده
مايان بضحك/يخربيت اساميكي انتي خليتي الاسده حلبسه وابنها زعتر
جوان بفرحه /ايوه ايه رايك حلوين صح
ماسه بضحك/اووي الصراحه
جوان بحماس/طب تعالوا شوفوا عنتر ونعناعه
مايان بضحك/مين دول كمان
جوان بفرحه /اخوات زعتر تعالوا يلا بسرعه
ماسه بضحك/يلا ياختي
وراحوا قعدوا يلعبوا مع الاسود الصغننه
____________________________________
عند الشباب عدي يومين وجيه معاد السفر وراحوا المطار واتصدموا لما لاقوا نانسي هناك
الياس بصدمه/انتي بتعملي ايه هنا يانانسي
نانسي بدلع/مفيش ياسيسو انا عرفت انكم رايحين جزيره قولت اجي معاكوا
الياس بعصبيه /مش هينفع احنا 3شباب لوحدنا مش هينفع تيجي معانا
نانسي بهدوء /عادي يابيبي فيها ايه انا جايه معاك
نادر بهزار /سيبها يالياس ديه شكلها هتبقي رحله مهلبيه
سليم بهدوء /بصي يانانسي شايفه السوبر ماركت اللي هناك ده
نانسي /اه ماله
سليم بخبث/ممكن تروحي تجيبلنا مايه عشان الجو حر اووي
نانسي بسزاجه /حاضر وراحت عشان تجيب المايه
سليم بضحك/اجري يلا بسرعه قبل ماتيجي
الياس بضحك/يابن القرعه يخربيت دماغك
نادر بضحك/دماغ شغاله مش بتنام
ودخلوا المطار وخلصوا الورق وطلعوا الطياره ونانسي رجعت ملقتهمش وفهمت انهم عملوا فيها مقلب
نانسي بغيظ /عاااااااااا بقي انا نانسي يتعمل فيه كده وربنا لقول لبابي وراحت رجعت البيت تاني
_____________________________________
عند الشباب
راحوا اقرب بلدي للجزيره واستريحوا شويه وقاله انهم يروحوا يركبوا مركب ويروحوا الجزيره
____________________________________
عند البنات
كانوا بيستحموا عند الشلال وكانوا بيهزروا مع بعض وفجأة جوان صوتت
جوان بصويت/عاااااااااااا
ياتري ايه اللي خلي جوان تصوت هنعرف في الحلقه الجايه 😊
جزيره العشاق ❤
MAIILY 💘
رايكم يهمني
أنت تقرأ
جزيره العشاق || Lovers Island ♡
Adventureرحله لثلاث شباب جعلتهم يقعون في الحب فماذا سوف يحدث❤
