نادر بصدمه/يانهار مطلعتلوش شمس اليوم مش هيعدي النهارده علي خير ايه اللي جاب ده دلوقتي هنا
سليم باستغراب /في ايه يانادر متنح ليه
نادر بخوف /الحق ابو الياس جاي علينا اهو
سليم بصدمه/يانهار ازرق احنا لازم نمشي بسرعه
الياس بهدوء /بتتكلموا في ايه بصوت واطي كده
نادر بتوتر/لا مش داحنا كنا بنشوف هنروح فين
وهما بيتكلموا جيه ابو الياس ونده عليه واول ما الياس شافه اتعصب
عادل/الياس حبيبي ازيك عامل ايه
الياس ببرود/احسن منك
عادل بابتسامة /دايما يارب اعرف علي كاميليا مراتي
كامليا بدلع/هااااي ليسو
الياس ببرود/اسمي الياس مش ليسو
عادل/بس انت ايه اللي جابك هنا
الياس ببرود/ملكش دعوه
عادل باستفزاز/ماشي طب سعاد عامله ايه
الياس بعصبيه /ملكش دعوه برضو
عادل /اهدي ياالياس متتعصبش انا بسائل عليكم
الياس ببرود/شكرا مش عايزينك تسال علينا
البنات كانوا واقفين مستغربين مين دول
جوان باستغراب /سليم هما مين دول والياس متعصب ليه كده
سليم /ده يبقي ابوه وديه مرات ابوه
جوان/اهااا عشان كده متعصب
جوان لاحظت ان كاميليا بتبص لالياس نظرات مش كويسه وحست بخنقه ومكنتش عارفه سببها ايه
مايان بهدوء /طب عن ازنك ياعمو لازما نمشي يلا يا الياس يلا ياجماعه
نادر بسرعه/ايوه يلا احنا لازم نمشي سلام ياعمو سلام يامزه قصدي ياكاميليا هانم
الياس/يلا نمشي
ومشيوا من المكان وخدوا المركب وراحوا علي الجزيره تاني وغيروا هدومهم واقعدوا يستريحوا شويه وكانت مايان بتظبط البيت بتعهم وكانت واقفه علي كرسي وبتحاول تجيب حاجه من فوق الدولاب وسليم دخل وشافها
سليم بهدوء /عايزه مساعده
مايان/لا شكرا انا بجيب حاجه ونزله
سليم /يابنتي اجبهالك انا هتقعي
مايان بعند/لا مش هقع وسع ب.... عاااا سلييمم
وكانت هتقع من علي الكرسي راح سليم شالها بسرعه وهي اتكسفت جدا
سليم بعصبيه /اديكي وقعتي اهو افردي انا مكنتش موجود ووقعتي وحصلك حاجه هاا وبعدين انا قولت اجيلك اللي عايزه لازم تعندي يعني
مايان بكسوف /انا اسفه ممكن تنزلني طيب
سليم بخبث /انتي جميله اووي من قريب
مايان وشها احمر جدا وجسمها سخن واتوترت
مايان بكسوف /نزلني ياسليم
سليم بضحك/حاضر اهو نزلتك وانتي شبه الطماطم كده
مايان بغيظ /طب اطلع بره خليني انضف البيت عشان ننام وروح اقعد بره انت ايه اللي جابك اصلا
سليم بهدوء /كنت جاي اجيب حاجه من شنطتي وخارج
مايان/طب اطلع بره
سليم بضحك/حاضر ياعسل
وخرج وسابها ووشها احمر تاني وقلبها دق بسرعه
مايان/هو انا قلبي بيدق كده ليه معقول ممكن اكون حبيته لا لا مستحيل اتعلق بيه ده كلها يومين ويمشي
انا اروح اروق مش ناقصه عبط
وراحت كملت ترويق البيت
__________________________
عند جوان والياس
كانت جوان بتتمشي وشافت الياس قاعد لوحده وراحتله
جوان /الظاهر كده انك بتحب تقعد لوحدك كتير صح
بس الياس مردش عليها استغربت اووي وراحت قعدت جمبه
جوان بهدوء /الياس انت مش بترد عليا ليه
لفلها الياس ولقته كان بيعيط
جوان بخضه/الياس انت بتعيط ليه مالك
الياس بدموع/شوفتيه ياجوان سابنا عشان البنت اللي معاه ديه متجوز واحده قد بنته وسابنا ياجوان وفي الاخر جاي يسئل علينا بعد20 سنه لا وبالصدفه كمان ساب ابنه اللي كان محتاجله ساب مراته اللي كانت بتحبه وراح لوحده تانيه
جوان بحزن/الياس متعيطتش عشانه ده سابكم وباعكم ونسيكم خالص انساه يا الياس ابوك لوكان بيحبك بجد كان فضل معاكم مراحش لحد تاني لكن ده ولا همه اصلا
الياس بحزن/جوان ممكن اطلب منك طلب بس متفهمنيش غلط
جوان بهدوء /طبعا يا الياس عايز ايه
الياس بحزن /ممكن انام على رجلك
جوان بتوتر/ططبعا يا الياس
ونام الياس علي رجلها وهي فضلت تلعب في شعره وكانت زعلانه عليه اووي وقلبها وجعها عليه
جوان فنفسها/انا اتعلقت بيه اووي ومتضايقه عشانه نفسي اخليه يرتاح من الهم ده بقي وفضلت قاعده لحد لما نامت مكانها والياس نام على رجلها
__________________________
عند نادر وماسه
كانت ماسه قاعده بتظبط هدومها وطبقها راح جيه نادر وقعد جمبها
ماسه بهدوء /نعم عايز ايه
نادر بهبل/ازيك
ماسه /الحمدلله
نادر/كويسه يعني
ماسه /ايوه والله كويسه
نادر/طب الحمدلله بتعملي ايه
ماسه بهدوء /زي مانت شايف بطبق الهدوم
نادر بهبل/هدومك ديه
ماسه بسخريه/لا هدوم الجيران
نادر بهبل/ايه ده عندكم جيران
ماسه بخنقه /هدومي يانادر بطل غباء بقي
نادر بهبل /لا بس اسمك حلو اووي عارفه معناه ايه
ماسه بهدوء /ايوه عارفه بس قول انت معناه ايه
نادر بهبل /معناه الالماس
ماسه بغيظ/وحيات امك علي اساس اني معرفش يعني الاسم باين معناه اساسا
نادر بضحك/اهدي طيب متعصبه ليه بهزر معاكي
ماسه بهدوء /ماشي
نادر بضحك/مقولتليش انتي عامله ايه برضو
ماسه بغيظ /عاااااا قوم من وشي
نادر بضحك/حاضر يابرعي قايم براحه عليابس
وخرج من عند ماسه وهي قعدت تضحك عليه
ماسه بضحك/وربنا مجنون وشكلي هحبه
____________________________________
تاني يوم الصبح
صحي الياس لاقه نفسه نايم علي رجل جوان وهي نايمه وسنده علي شجره فضل قاعد باصصلها ومنبهر من جمالها
الياس بانبهار/يا الله على جمالك هو في حلاوه كده طب وربنا مهتبقي لحد غيري خلاص ياجوان انتي من دلوقتي بقيتي بتاعتي انا وبس
وراح الياس صحي جوان وراح عند الباقين وكانوا صحيوا وغيروا هدومهم واقعدوا يكلوا سوا
سليم بهدوء /الياس احنا لازم نمشي بكره عشان الاجازه هتخلص بعد بكره ونرجع تاني عشان نشوف شغل بقي
الياس بهدوء /ماشي
البنات كلهم اتصدموا وبان علي وشهم الحزن بس مش قادرين يتكلموا
نادر بهدوء /بنات انتوا مصرين انكم مترجعوش معانا وتخدوا شركاتكم
جوان /انا هاجي معاكم ياشباب
مايان بصدمه /انتي بتقولي ايه انتي اتجننتي عايزه تخرجي من الجزيره وتسيبينا ازاي يعني
ماسه بعصبيه /انتي اتهبلتي انتي مش هتخرجي من هنا
جوان بعصبيه /لا هخرج ياماسه انا مش هفضل عمري كله عايشه علي جزيره انا لما كنت بقولكم منخرجش من هنا عشان معشمكمش انكم تخرجوا لان مكنش فيه امل لكن دلوقتي الامل قدامنا ليه منخرجش وعلى فكره انتوا كمان هتيجوا معايا وهناخد شركات بابا ونشغلها وكله هيبقي تمام ونعيش حياتنا بقي
ماسه ومايان بصو لبعض وقعدوا يفكروا شويه
مايان بهدوء /انتي معاكي حق انا هاجي معاكي
ماسه بهدوء /وانا كمان هاجي اكيد مش هقعد لوحدي يعني
الياس بفرحه /بجد والله انا مبسوط اووي انكم هترجوا معانا واحنا هنقف جمبكم لحد ماتاخدوا شركاتكم كمان
سليم بابتسامة /فعلا ده احسن قرار اختوه
نادر بهزار/ياصلاه العيد اخيرا وافقتوا
وهما بيتكلموا كده موبايل الياس رن ورد عليه وفجأة
الياس بصدمه/اييييه......
ياتري مين اللي كلم الياس وخلاه يتصدم هنعرف في الحلقه الجايه 😊
جزيره العشاق ❤
MAIILY 💘
رايكم يهمني
أنت تقرأ
جزيره العشاق || Lovers Island ♡
Приключенияرحله لثلاث شباب جعلتهم يقعون في الحب فماذا سوف يحدث❤
