كل النساء بإختلاف اشكالهن .. ايقونات للجمال

"المشاعر السلبيه "

الشخصية المزيفة
كلنا نملك هالشخصيه كيف ممكن تأثر علينا بشكل سلبي ؟ وكيف ممكن بغير وعي مننا نعتبرها قيمتنا كأشخاص ويوم عن يوم تكون سبب لشعورنا السلبي تجاه انفسنا
كلنا كأشخاص نمر بأشياء وتجارب سلبيه بس لما الشخص يربط هويته فيها ويحس انه الوحيد اللي تصير له هالاشياء ! كل شخص راح ينظر للأشخاص بمنظور الايقو المزيف اللي يصنعه بعقله
كيف يصنع الايقو المزيف ؟
يصنع من خلال اشترار الاشخاص هويتهم عن افكارهم عن نفسهم سلبية كانت او ايجابيه الايقو سببه الافكار اللي صنعناها بأنفسنا اللي تخلينا نشوف كل شي بمنظورها ونبدا نربط كل شي فيها لازم نعرف انه لا الماضي ولا المستقبل اللي يحددون قيمتنا ولا نبدا نربطها بالاشياء اللي تصير لنا ادخلوا واتعمقوا بذاتكم وشوفوا الشخصيه المزيفه اللي بنيتوها داخلكم وابدوا اهدموها بكل وعي
مثلا ابتعاد الاشخاص عنكم ؟ دايما تتحطمون وترجعون لأفكاركم وتلبسون انفسكم اخطاء غيركم وتصيرون دور الضحيه لا تربطون هويتكم وافكاركم بالمواقف السلبيه اللي تحصل لكم

                                 " شعور العار "
بسبب تراكمات من مواقف مختلفه يعتبر من المشاعر السلبية اللي تبدا من شيء واحد ولكن مع الوقت تتفرغ وتأثر على جوانب كثيرة من شخصيتنا ممكن بعد تكون بسبب لعدم رغبتنا بفعل اي شيء بالحياة هو شعور الشخص بشكل مستمر انه مخطئ او فيه شيء غلط او فيه شيء يفشل او شعوره انه اقل من الآخرين بسبب شي معين بشكله او بشخصيته ويبدا يحس انه من المفترض انه مايبين نفسه قدام الناس ويحاول يصغر من حجمه قد مايقدر عشان محد يشوفه ويلاحظ قد ايش هو يفشل شعور العار هو من المشاعر اللي تخلي الشخص يصدق اي شيء سلبي ينقال عنه وهالشيء يسهل على البيئه السلبيه تثبت اي شيء بعقله

                                 سبب هالشعور ؟
سبب صدمة مرينا فيها او تعليق سلبي صدقناه عن انفسنا وهالشيء بوقت كانت علاقتنا بأنفسنا مو قويه وهالشي يختلف من شخص للآخر لأن انفسنا تتطور بشكل مختلف كلنا عندنا درجات حساسية مختلفه تربينا بطرق مختلفه عندنا مفاهيم مختلفه عن طبيعة الحياة وكيف الحياة نفترض انها تكون لكن الشعور بذاته او الاحساس بالنقص اما بشكلنا او شخصيتنا او اسمائنا او الوانا ، تقدرون تتخيلون كمية التأثير السلبي لما شخص يعيش فبيئه سلبيه بيئه ما تعلمه انه من المفترض انه يحب ذاته او يسمع تعليقات جارحه من اللي حوله سواء اهله او المدرسه اللي يروح لها او يمر بمواقف تسبب له صدمات معينه يتولد منها شعور العار ، مثلاً
طفله بشرتها سمراء واهلها مايعززون لها او يقولون لها انها حلوه ولونها حلو ! وان الاختلاف شيء حلو وطبيعي ولا شرحولها فكرة العنصريه اصلا ! وانو فيه اشخاص ممكن يتنمرون عليها لكن هالشي مايعني انها مو جمييله ! وهم سيئين فالبنت ماعندها اي خلفيه عن الموضوع وتروح المدرسه وتلاحظ انها مختلفه وتتعرض للعنصريه والبنات يعلقون على شكلها ولونها ! ويقولون انها قبيحه ! وهالطفله بتصدق انها قبيحه ويتولد عندها العار من هالشي وبتعتبر هالشي حقيقه بداخلها وبتكبرعلى هالاحساس وتبدا تحاول تغير لونها وبشتى الطرق بتحاول تغير من شكلها وتستمر على هالحال لأنها تحس داخليا بالعار ومهما سوت ماراح تتخلص من شعور العار الا اذا هي وعيت ورجعت للماضي وفكرت بالموقف بتقدر هي تتخلص من هالشعور وماتعيش طول حياتها تحس بالعار من موقف صار لها وهي صغيره تبدا تتعمق بذاتها وتحبها وترفع استحقاقها وتعرف قيمتها ولازم نعرف انو احنا الوحيدين اللي قادرين نسمح لأي شعور سلبي خارجي انو يخترق داخلنا لما احنا نعطيه الموافقه .. الشعور بالعار ممكن يكون بفعل معين لشخص سواه او بسبب اشياء فيه مو بالضروره هو اختارها مثلا شكله او اسمه او جزء من شخصيته او بسبب مواقف مر فيها ، الشعور بالعار السبب الرئيسي المسبب لتدمير الذات لما الشخص يدخل بعلاقات مع اشخاص سيئين ويتمسك بعلاقات يشعرونه بشعور سيء تجاه نفسه شخص عنده شعور بالعار من اسمه غالبا يصير عنصري ويقلل من قيمة الاخرين ، شخص يتفشل من شكله ويحس بالعار من شكله غالبا يعلق تعليقات سلبيه كثير على اشكال الناس !
طيب ايش بداية الشعور بالعار ؟ وليش الشعور بالخوف يعتبر جذر شعور العار؟ بسبب عدم القبول الخارجي
كيف نتخطى شعور العار ؟
لازم الشخص يعرف استحقاقاته ويقوي علاقته مع ذاته يعرف نقاط قوته والاشياء الايجابيه والسلبيه فيه يحاول يغيرها او يتقبلها عشان مايعيد برمجة شعور العار يحب ذاته ويعرف لذاته ومافيه اي تأثير خارجي يشككه بهالشي وهالشي يحتاج استمرارية ولما الشخص يبغى يغير شي يغيره عشان ذاته ويغيره بكل حب .. ومايغيره عشان اشخاص مثلا ً :
وحده تحس بالعار عشان جسمها نحيف ، لازم تعرف انو هالشعور غير حقيقي ولكن هي لسبب ما امنت فيه واعتبرته حقيقه هنا هي لما تبغى تغير جسمها ؟ وتبغى تتمرن لازم تتأكد انو هالشي هي تبغاه لتكون نقله ايجابيه وتزيد من ثقتها لنفسها ، لكن اذا كان التغيير للأشخاص الخارجيين وطالع من كره لذاتها ! هنا مايعتبر تطور ويكون سهل بأن يتولد عندها الشعور بالعار
بشكل مبسط اعرفوا انكم عندكم القدره انكم تفصلون نفسكم عن مشاعر سلبيه مريتوا فيها بدون تعتمدون على الخارج الموضوع يحتاج تكرار لين الشخص يتخلص من العار كليا