كل النساء بإختلاف اشكالهن .. ايقونات للجمال

كيف نتقبل ونحب اجسادنا ؟

"خلق الفن من اجساد النساء بكل الاختلافات "
ليش عندنا شعور سلبي تجاه اجسادنا ؟ ولو انه غالب الاشخاص اللي يشعرون بشعور سلبي مؤمنين بأن جسدهم مو اساس المشكله وهالشي غير صحيح بسألكم اسئله وجاوبوا بينكم وبين انفسكم بكل صراحه ؟
ايش هو الجسم المثالي بالنسبه لكم ؟ واذا جاوبتوا على هالشيء فكروا بالسبب وليش هالجسم بذات يعتبر مثالي ولما تحددون السبب فكروا لما سألتكم اول سؤال اللي هو ايش هو الجسم المثالي بالنسبه لكم ؟ هل الصوره اللي فكرتوا فيها هي جسمكم بشكل افضل او جسم شخص اخر ؟ توقعي انا انو 99٪؜ منكم فكر بجسد شخص اخر او صوره شفتوها بالنت جسم شخص عنده قناة تمارين فمهما كانت اجاباتكم بعد هالسؤال مهما كان تفسيركم لإجاباتكم او توضيحكم لو كان هالشي لذاتي ماراح اتوقع اني اكون زي اي شخص اخر خارج عني ماراح اكون اطمح لهالشي اصلا عمق شعور الشخص السلبي تجاه جسمه هو اختلاف عمق شعوره السلبي هو انه جسمه مو زي جسم الشخص الفلاني اللي يعتبر انه مثالي الجمال فمشكلتنا من ناحية التقبل هي مو جسدنا هي شعورنا بأن اختلافنا غلط شعور بأن اختلافنا قد يكون غير مقبول هي محاوله منا ان نكون نشبه بعض عشان نحس بالامان عشان نتأكد انو احنا مقبولين لما وحده تعتبر  بالاختلاف لأنها مو واعيه مين حدد انه شكل الجسم المعين هو علامة الجمال ! مثلا الخصر صغير مين حدد انو الشخص الصحي لازم يكون بالوزن الفلاني مين حدد انو علامات التمدد بشعه مين قرر ان الاشياء طبيعيه كلنا نملكها غير مقبوله ! اشخاص ، اشخاص نفسكم ! مايفرقون عنكم بولا شيء لو نجي نفكر بعمق ونستوعب انو احنا اصلا مو واقعيين اهدافنا غير واقعيه طموحاتنا شكليه صعب الوصول لها لأن نادر احد يملكها بشكل طبيعي هذا اذا فيه احد يملكها كليا ، او شيء لازم تفكرون فيه هو طموحاتكم الشكليه ايش اساسها ؟ ليش تحسون بعدم تقبل لجسمكم الحالي ! هل هو موقف مريتوا فيه هل هو تعليق سمعتوه هل كل شيء بشكل مباشر او غير مباشر او هل تتابعين اشخاص يحسسون بأن الشكل الطبيعي غير مقبول
مثلاً : لما شخص يمر بموقف واحد يجي يضحك عليه لأنه بدين ويقلل منه وهو ياخذ التعليق على انه حقيقه ويصدق انه اقل لأنه بدين ! ويتولد عنده شعور سلبي تجاه نفسه لما هذا الشخص يحاول انه يتخلص من وزنه يكون السبب بداخله انه اي بنحف عشان اللي ضحك علي يشوف اني اتغيرت عشان يشوف اني انحف ولو انه الكلام الداخلي نادر انه الواحد يعترف فيه لنفسه بس لما ناخذ حكم شخص عنا انه حقيقه ونعطيه اكبر من حجمه نبدا نكره نفسنا حنا بالواقع سلمنا نفسنا لشخص ايا كان ولو كان شخص غريب علينا اصلا ومايعرفنا عطيناه احقيه بأنه يحدد حياتنا عطيناه احقيه بأنه يقول ايش من المفترض بأنا نغير تجاه جسدنا ، انو اجسادكم بدينه بزياده او نحيفه بزياده او قصيره او طويله او بيضاء او سمراء او من المفترض بأنكم تغيرون خشمكم او ايا كان الشيء تعرفون انكم عندكم القدره انكم تغيرون تفكيركم تجاه نفسكم بمجرد انكم تعيشون حياتكم على هدف وانكم تحبون نفسكم ، اذا كان فيه وحده تحسسكم بشعور سلبي تجاه نفسكم اقطعوا علاقتكم معها والنقطه الاهم تعرفوا على نفسكم وعلى جسدكم حاولوا انكم تقدرون جسمكم بشكل اعمق من شكله الخارجي ، تقبلنا لأجسادنا يعني ان احنا نقدرها بكل الجوانب اتعمقوا بكل شيء انتم رافضينه وان جسدكم يستحق الحب ! بغض النظر عن شكله سواء كان فيه فراغ بين فخوذكم سواء كنتو نحيفين بزياده او بدينين بزياده ايا كان مهمين
اكثر شيء ركزت عليه شخصيا برحلتي لتقبل جسدي هو اني تعلمت اني انا اختار شعوري تجاه نفسي ليش ننتظر احد يقولنا اننا مقبولين ليش ما نتخذ قرار اننا نحب نفسنا وجسمنا زي ماهو لأن احنا بنغير هالشي ! بدون لانتوقع ان الكل يوافقنا الراي ليش مهم اصلا ان احد يوافقنا بشيء يخصنا كليا ! اجسامنا ملكنا شعورنا فعشان نتقبل اجسامنا كليا
لازم نعرف انه مو مهم الكل يوافقنا الرأي اصلا !!
الغلط لما الشخص يكره جسمه لأنه مو نفس جسم شخص خارج عنه مين قال ان احنا نسخ بعض ؟
الاشياء اللي تركزين فيها بالأشخاص هي سبب سلب وانعدام ثقتك بذاتك
تقبلوا انكم مختلفين وبكل الاختلافات مميزين فعلا❤️