جعلتني مجنوناً بقلم هموسه عثمان

البارت ال 12

#البارت_12
#جعلتني_مجرماً
حتى وان كل ال حاوليك بيقولك تخاف لا متخفش
عيش يومك بيومك ومتشيلش هم
ربك موجود ويحلها
تاني يوم بعد ما روحوا ورجعوا البيت وبعد السلام علي أمه بدأت تسال راح ياسين هداها وقالها : متخفيش مفيش حاجة خالص ليه الخوف
أمه : اوعي يابني توجع قلبي عليك يابني اوعي
ياسين بيطمنها : متخفيش
دخلت بنت وبكل ميوعة راحت قايلة ازيك يا ياسين وقفت شمس بعيد وهي رافعة حاجبيها وبتتفرج راحت تسلم علي ياسين بالحضن راحت شمس بعدتها عنه قالتلها : ايه يا عنيا قالولك عنه مالوش أصحاب ولا ايه ؟
البت بدلع : اه احنا أصحابه ثم إني اسمي فريدة
شمس وهي بتقلدها : حقك يكون اسمك فريدة لانك الوحيدة الفريدة في سهوكتك دي ثم إني أنا يا سكر أصحابه
مشت شمس طلعت لفوق وهي بتغلي منها وراح ياسين دخل عند أمه قالتله : يا ياسين بجد مفيش حاجة ؟
ياسين بهدوء : والله ما فيه بس ايه ال جاب فريدة ؟
أمه بضيق : مش عارفه يابني هي قالت هاجي اقعد عند بيت خالوا كام يوم اقولها لا
ياسين بضيق : كام يوم كمان طيب
طلع ياسين لشمس عشان عارفها اكيد ع آخرها اول ما طلع ودخل الاوضة وقفت على الكرسي جه جنبها راحت ماسكاه من هدومه وهي بتهدده وتقوله : انت يا عمود النور انت لو لمحتك مع البنت ال صوتها زي العرسه عارف هعمل فيك ايه هطلع عينك فاهم ولا لا
ياسين بهدوء: فيه ايه يا شمس دي بنت عمتي
شمس بعصبية : ولاااا متعصبنيش ال اقوله يمشي البتاعة ال تحت دي ملمحش اي دور منك معاها فاهم ولا لا لحد ما اطفشها أنا بطريقتي
ياسين كان هلكان ضحك علي شكلها
بصتله هي بعصبية وقالتله : نزلني يلا
تاني يوم وكان ياسين و شمس في الحديقة راحت جاية فريدة عليهم وقالت بصوت مستفز : صباح الخير يا ياسو
راح ياسين انقذ الموقف بسرعة وقالها : مينفعش يا فريدة قولي ياسين
قبل ما ترد لمح يحيي جه راح لعنده وشمس دخلت عند امال والدة ياسين
وقفت فريدة وكتفت ايديها بحزن وكلمت امها وهي مضايقة بتقولها : غلس اوي يا ماما
أمه وهي بتبث سمها : مش كدا يابت خليكي جدعة زي امك استدرجيه لحد ما تخلي يطلق المعدولة ال خدها وتاخديه ما مش كل الورث ده يبقي ليها هي ميتمتعوش هما بفلوس اخويا فاهمة ولا لا
فريدة بضيق : حاضر يا ماما
راح ياسين ليحيي ويحيي بيسلم عليه بقوة وهو بيقوله : ايه يا عريس ازيك
بعد السلام حكي ياسين ال حصل مع شمس فيحيي حاول يفكر حصل كدا ازاي مكنش عارف ايه الدنيا في ال حصل
راح ياسين بهدوء و خوف قال : أنا خايف على شمس و امي يا يحيي
يحيي طمنه : متخفش ربك موجود موت انت بس وانا اشيلهم في عينيا والله
ياسين بصدمة : ايه ؟
لا ثواني ايه ؟
يحيي بهدوء : يابني مش انت خايف تموت وخايف عليهم أنا بقولك موت وهما في عينيا عايز اكتر من كدا
ياسين بهدوء : لا كتر خيرك يكرم اصلك
يحيي بضحك : روح يابني الهي تنستر يارب
يا ياسين ابغي اسالك سؤال بس استحي
ياسين بصدمة : يحيي انت بتستحي زينا كدا عادي ؟
يحيي بضحك : ايه ده هو انت حاسب نفسك تبع البشر عادي كدا بطولك ده ؟
ياسين بصوت عالي وعصبي : يحيي
يحيي بهدوء : خلاص يابني بس قولي انتو طول عمركم عيلة محترمة ومحافظة من أمتي وفي عيلتكم بنات بتلبس كدا انتو مش كنتوا محترمين يابني ؟
ياسين بضيق : دي بنت عمتي ياعم جاية تقعد عندنا شوية
ياسين بضيق : يلا خلاص قوم روح
يحيي : نعم يا عنيا شغال عندك أنا واكلني وبعدين اروح
ياسين بتنهيدة : ياربي مصاحب شحات ياربي
راحت فريدة عند شمس و امال وقعدت معاهم في المطبخ تعمل بدلع فراحت حبت تغيظ شمس فقالتلها : اقعدي انتي يا عروسة مينفعش الضيوف يشتغلوا
ردت شمس بضيق واستفزاز : مين بس ال ضيوف هي الآية انقلبت ولا ايه دا بيتي أنا وانتي الضيفة مش هو بيت ياسين وانا مراته يبقي بيتي
راح ياسين عند أمه راح لقي فريدة هناك وشمس ماسكة سكينة وبصالها راح قال : جهزوا الغداء عشان يحيي هيتغدا معانا
لقي فريدة طالعة وهي بتقول : اودي العصير ليه عيب منضيفوش ولا ايه يا صاحبة البيت ؟
بصت لياسين وقالت بحزن : قال يا ياسين أنا الضيفة هنا ؟
ياسين ببرود : لا متوديش حاجة يحيي مش ضيف ثم إن لبسك ده مينفعش البسي لبس حلو بحجاب ده لا
فريدة باستفزاز : حاضر يا ياسو عنيا
راحت شمس متعصبة عليها وقالتلها: ما قولنا يا عنيا اسمه ياسين ايه ده انتي بتنسي ولا ايه
بدأوا في تحضير الغداء وبعد ما انتهوا والكل اتغدا راحت فريدة كلمت امها واتفقت معاها علي الي هتعمله في ياسين وقالتله هتنفذ فيه وفي شمس كدا بعد يومين
جات شمس من جوا لقتها قاعدة جنب ياسين راحت مسلمة عليها وماسكاها من ايديها وقالتلها بضحك مصطنع  : دا مكاني اينما جلس ياسين فبجواره لي أنا
فريدة في دماغها : مش هيدوم وهنشوف
امال بضحك : تعالي يا فريدة جنبي أنا شمس بتغير اوي علي ياسين معلش
بص ياسين لشمس بهدوء وقالها : هو أنا قولتلك اني بحبك قبل كدا ؟
شمس وهي عاقدة حاجبيها : امممم لا مقولتليش
ياسين بضحك : طب بحبك
شمس بضحك : الهي تنستر يابني يارب

تركت القلب لكِ ولن اقول اسعديه فمجاورتك وقربك فقط تسعد
#بقلمي_الباشمؤرخة_هموسه