جعلتني مجنوناً بقلم هموسه عثمان

البارت ال 13

#البارت_ال13
#جعلتني_مجنوناً
وفيه ايه لو القلب يعيش له ساعتين سعيد
هي الساعتين كتيرة على الواحد يفرحهم
علي كلا طول ما الحزن جنب حبيب القلب فأهلا به
استيقظت شمس وكلها حيوية وسعادة وحاطة في بالها أن لا فريدة ولا غيرها يقدروا يضايقوها
قامت بهدوء تتسحب من غير ما ياسين يحس بكدا
ونزلت بدأت تجهز الفطار ومكنش فيه حد صاحي
جات فريدة تمشي قدامها بميوعة وقالتلها : صباح الخير يا شمس
بصت شمس ليها شوية وراحت قايلة بصوت بارد : صباح النور
دخلت فريدة المطبخ تشرب وبعدين حبت تساعدها
راحت شمس قايللها : ميصحش تعملي حاجة ارتاحي أنتِ
راحت فريدة بغيظ : فعلا مامي قالتلي أن ال زيي اتخلقوا للراحة وميمعملوش حاجة خالص بس يرتاحوا والناس تعملهم كل حاجة هما عايزينها
شمس بضحك : تصدقي يا دودو طنط عندها حق الحيوانات بس هما ال بيتعملوهم كل حاجة
فريدة حست انها شوية وهيجيلها شلل راحت قايلة : بصي يا شمس نكلم بوضوح ماشي ؟
شمس رفعت حاجبها وقالتلها : مفيش كلام لا بوضوح ولا من غير وضوح بينا اعتقد ؟!
فريدة بهدوء : لا فيه أو هيكون فيه ؟
شمس بضحك : لا والله مين قال كدا ؟
فريدة بتنهد قالتلها: بصي يا شمس أنا عايزة ياسين ؟
شمس برفعة حاجب : اه يعني ايه عايزة هو كيس شيبسي ؟
فريدة بهدوء : يعني عايزه عايزة اتجوزه تاخدي كام فلوس وتطلقي منه عشان اتجوزه ؟
شمس بهدوء وتفكير : امممم يعني لو أطلقت منه هيتجوزك ؟
فريدة بتأكيد : اكيد ؟
شمس بضحك : ومتجوزكيش ليه من الاول بدل أنه جالي بدل المرة الف ليا ؟
ولا انتي احلويتي في وشه دلوقتي وقبل كدا كنتي عبدالغفور ؟
فريدة حست أن حد خنقها وهي بتقول : انتي قليلة الادب
سمعت ال بيزعق ليها من ورا بصوت عالي: فريدددة
ارتعبت من فريدة من الصوت فكانت مرات خالها لحسن الحظ مش ياسين وقفت بهدوء راحت امال قالتلها : انتي ازاي تقولي كدا لمرات ابن خالك انتي مش مرباية
فريدة وهي بتصطنع البكاء : مرات خالوا أنا
امال بصوت عصبي : ولا كلمة اعتذريلها يلا
فريدة علي مضض : أنا اسفة يا شمس متزعليش
وهي بتبصلها وعيونها كأنها بطلع نار
علي اخر ما حاولت امال تعرف سبب الخلاف رفضت شمس تقول وبعدين مشيت امال تشوف الباب راحت لقت علي الباب والدة فريدة ابتسمت بهدوء ورحبت بيها وهي بتقولها : اهلا يا نفيسة عاملة ايه اتفضلي
نفيسة بتكبر  : طبعا هتفضل مش بيت اخويا
امال بهدوء : وهو حد قال غير كدا اتفضلي
دخلت نفيسة وبعد ما قعدت قالت بكبرياء : امال ابن اخويا فين ؟ وفين البنت الي دخلها عيلتنا وجابها اتجوزها
قبل ما امال ترد لقت الرد من ياسين وهو بيقولها بقوة : اسمها شمس مرات ياسين السيد او مدام ياسين والكلام معاها يكون باحترام لان الي هيقل من الكلام معاها مش هرحمه
نفيسة بتكبر وغيظ : بقا مين دي الي تكلم عمتك عشانها كدا
ياسين بعصبية : عمتي أنا مسمحش لاي حد مهما إن كان مين يكلم شمس كدا ثم صحيح اه أن البيت ده بيت ياسين السيد يعني انتي جيت بيت ابن اخوكي مش بيت اخوكي
اخوكي ده انتي تعترفي بيه مش احنا لأن البيت ده انا الي عملته اظن كنا عايشين عند خالي لحد ما وقفت على رجلي وعملت بيتي وبيت امي ومراتي ده
سكتت نفيسة وهي كلها غيظ
وجات فريدة بسرعة لشمس في المطبخ تقولها : والله ما هرحمك وهخليكي تطلقي ونشوف
وقفت شمس وهي مكتفة ايديها وتضحك عليها بقت فريدة ال هيحط عليها بنزين هتولع رباني
بعد الفطار جه عمر و قمر قمر وهي بتجري على اختها : شموسي وحشاني طمنيني عليكي
شمس بفرحة : بخير يا قمري
قمر بهدوء : مين السحلية الي برا دي ياختي قوليلي كدا
شمس بضحك : دي بنت عمته بس ايه حرباية تقولي تاخدي كام وتطلقي من ياسين
قمر بصدمة كبيرة : ايه ؟ لا ايه ؟
طب وياسين عرف بكدا ؟
شمس بهدوء : اكيد لا استحالة اقوله كلام السحلية دي هيضايقه بس متخفيش أنا هعرف اتصرف معاها
قمر بضحك : واثقة فيك ياخويا
سمعت ياسين بينده يقول : يا شمس
راحت شمس ليه بتقوله بحب : نعم يا سنسوني
ياسين بضحك : قلب سنسونك انتي وحشتيني وحشتيني اوي يا شموسي
شمس شورتله ينزل طوله شوية اول ما نزل قالتله : قول والله اني وحشتك
ياسين بابتسامة عريضة : مش مصدقاني يا شموسي
وعمل نفسه حزين منها
راحت شمس بسرعة قالتله : لا مصدقك يابو السناسين بس قول والله
ياسين بضحك : والله يا شموسي وحشتيني
شمس بحيرة بتساله : طب وحشت انهي دور فيك ما تقولي قالت كدا وبقت تجري وهو بيجري وراها في حديقة البيت لحد ما مسكها وقعدوا في الارض وهي بتبصله كدا وتقوله : يخربيتك حلاوتك يا شيخ
ضحك ياسين بصوت عالي : وهو بيقولها امال أنا أقول ايه على كدا
امال من جوا بتكلم نفيسة وهي من جواها بتكبر وقلبها بيزغرط من فرحة ياسين وخايفة عليه من الحسد
وياسين قاعد مع شمس لقي عربية دخلت عنده ونزل منها راجل كبير باين عليه الهيبه وقف ياسين عشان يعرف مين وكل الي جوا طلع راحت امال وقفت وركنت علي الحيطة وياسين عاقد حاجبيه مش عارف مين ده الي خلي أمه وقفت كدا راحت نفيسه بصوت عالي وفرحة : هارون السيد اخويا يا حبيبي يا اخويا
والصدمة للقلب هنا
#بقلمي_الباشمؤرخة_هموسه