روح لم تنجو من الحب ..

بارت 1

انا أجوان عمري 24 طبيبة واعشق رسم احب اطلع مشاعري برسم ضيقتي برسم حتى بعض الاحيان افضفض برسم عايشة لحالي في منطقة اسمها العلية واهلي عايشين في رياض وتبعد المنطقه ذي عن رياض 5 ساعات وفي يوم من الايام مثل اي يوم راجعة من دوامي وتوني مخلصه رسمتي ومعي كوب قهوتي وقاعده على الشباك أتئمل رايح والجاي واغني بصوت خفيف وفجاء شافت شخص قاعد على ركبه ويبكي واستغربت وراحت له جري ورفعت راسه ومسحت دموعه ومسكت وجه
أجوان بصوت هادي: وش بلاك تبكي تعال ادخل اروي ريقك
ومسكت يده وكانت بتقومه لاكن رشاش طلق طلقة بلهواء
رشاش: ويش تسوين مع عمر
أجوان: ااا من عمر انا ما ما معرف احد ببذا الا..سسم
سلطان: يدك فوق لا تعاينيني ان تحركتي ولا سويتي حركة غلط فرغت هذا براسك اوحيتي!
وأجوان مسكت عمر من ثوبه وكان في جيبها مبرد وطلعته وحطته على رقبة عمر وكانت ترجع ورا ببطئ
عمر بصوت هادي وعيونه تلمع: اتركيني واهربي والله ماأذيك
وطاح المبرد من يدي وتركته وكنت اناضر فيه ومصلح صفقني على راسي
بالقمة حقة السلاح
"القمة الي هي القطعة الي يحطون فيها رصاص"
وصحت على صراخ عمر ورشاش
عمر: رشاش ماقلت لك لعد تخطف بنات لعد تخطف الخلق ماتجوز انت الحين خطفتها وش بتستفيد وش بتسوي فيها
رشاش: هي الي بدت تتحمل الي يجيها
عمر: المفروض ماخطفتها يخوي
وبققت عينها وكانت ترجع لورا وهي جالسه ولاحض عمر عليها انها متوتره وترجف بشكل مجنون وتتنفس بسرعه وعمر نزل لطولها ومسك يدها الي كانت ترجف ورفع شعرها عن وجهها وقومها
عمر بصوت هادي: اهدي اهدي مابيجيك شي مهل جب الما
مهل: وش ذا دلع تراها خبطة بسيطه
عمر: اقول انطم
رشاش: علقوها على الخشبة
ردينا: وش خشبته وليه!
عمر: رشاش لاا!!!
رشاش: خلنا نعرف وش علومها
عمر بعصبية: مو لازم تعلقها على الخشبة!!!
رشاش: خلاص خلوها
سلطان: افا هذا البزر يمشي كلامه عليك
عمر: ابهبدك بعلبة الماء
رشاش: وش اسمك... انطقي!!
اجوان: اجوان!!! اجوان تقدرون تقولون لي جوجو
رشاش: تكلمي عن نفسك مالي خلق أسئلك
اجوان: اسمي اجوان عمري 24 دكتوره عايشة في العلية من يوم عمري 19 سنه واهلي عايشين برياض عندي اخ اسمه جيان واخت اسمها جوريه
سلطان: زين انها دكتوره نستفيد منها اذا انصبنت ولا شي
اجوان: نعم يااخوي ووش مصلحتي اعالجك لا منك دبرى ولا سفير
عمر: البنت وعرفتو دبرتها وش بتسوي فيها خلها تمشي لا تخليها تخسر حياتها ووضيفتها
رشاش: لا يحبيبي بنخليها تساعدنا وتكون رهينه عند شرطه بدال مانخسر احد واذا جينا بنهج بنذبحها
اجوان: نعممم!! جاريه عند امك انا متى ماخلصت مني رميتني تراني بنت اوادم ولا اذيتكم ولا سويتلكم شي بس تدري انا حماره وستين الف حماره اني طلعت بشوف وش بلاه تبن ذا يبكي لو تفطس قدامي المفروض ماعبرتك بس ها طيبتي ودتني بألف داهيه ويمكن اخسر حياتي بعد!!!
وراحت للبر وانسدحت على تراب تبكي وهي تشوف النجوم واليل الباهت
وعمر راحلها وهو مئنبة ضميره
عمر: ااقدر اجلس
وماعطته وجه وجلس
ولف وجهها عليه وابتسم
عمر: انا.. انا اسف اني ورطتك وخربت حياتك ووضيفتك و..
اجوان: لا تعتذر انت ماسويت شي غلط انا الي جيت وحاولت اساعدك والقدر كاتبلي كذا زين... انت شسمك
عمر: عمر .... عمر
اجوان: زين وش اسم العصابة الي معك
عمر: اولاً انا ماجيت بأرادتي... رشاش طويل وشوشة ولد عمي وهو الي مسوي العصابة قحص دب ومصلح القصير عيال عم ويعرفون بعض من قبل مايعرفون رشاش مهل الي صوته خشن عايش على المخـ.درات اخو سلطان
اجوان: شلون منت جاي بأرادتك
عمر: الله يطول بعمرك سالفة انه رشاش دق علي من الحرس رشاش قالي انه ماخذ اجازة ويبيني امره يسلم على امه رشاش كان يشتغل زمان بلحرس قناص محترف وانطرد بسبب التجارة بالمخـ.درات وجيته وقالي ودني مشوار وبعدها نروح عند خالتي وامك ووديته لمشواره وكان بيت سعيد خوي رشاش وكانو سلطان ومهل عنده وراح لبيتهم ودخلت وكانو يتناقشون وفجاء سلطان جاء وقال شرطة داهمتنا وقلتلهم شسالفة شرطة ورشاش عطاني حبه وعطاني سلاح بس ماكليتها لاني خفت من وضعه وهجيت عشان اجيب سياره وكان فيه عسكري مصوب سلاحه علي وانا ماعرف استخدم سلاح وطاح من يدي ورشاش طلق عليه وركب سيارتي وشرطة لقطو رقم سياره وحسبو انه انا معهم في تجارة ومن بعدها تورطت معد قدرت لا اطلع ولا ادخل
اجوان: سالفتك تفقع المراره من كثر ماتقهر زين مافكرت تهرب
يتبععع...
يارب تعجبكم رواية🙈