روح لم تنجو من الحب ..

بارت 11

وحضنتها وجاء رشاش
رشاش: اشوفكم تراضيتو من قبل اجي
عمر: رشاش تستهبل تستهبللل خطفت بنت وحده وسكت اما تخطف ثلاثه بنات ووحده مريضة سكر!! رشاش يرحم امك فكنا مانبي نموت بسبتك
رشاش: والله ماارجعهم
عمر: اجل والله مااقعد
روبي بصوت واطي: يالبى المعصبين
واجوان ناضرت فيها
وعمر كان بيمشي بس اجوان مسكته
جوجو بصوت واطي: اقعد منت رايح انا بتصرف رشاش وش قصة امك انت وش تبي توصله!
رشاش: بعدين تشوفون
وقحص ومصلح جو
مصلح: سلامة الاسفار اخيراً صحيتو
انوار: رجعونا حنا ماسوينالكم شي
وقحص كان بيشد شعرها بس نور صفقته
نور: لا تمد يدك عليها هاذي مريضة سكر وماتتحمل
جوجو: بسسس ياقحص!!!! طسو يلا خلونا لحالنا يلااا
رشاش: طاسوس ورانا شغل
جوجو: لعن ابو وجهك خاطف بنات وتبي تكمل شغل بعد والله محد يتحرك
رشاش: واذا سحبتهم كذا!
وسحب رفا من شعرها وجوجو طلعت سلاح كانت شايلته معاها احتياط وعشقته
رشاش: ذا الي بيصير
ورشاش تركها وراح لفوق عند العيال
عمر: وش قاعده تخبصين ليه شايلته معاك
جوجو: احتياط عشان سفه ذا معد يجيب احد ثاني ولا تبي تصحى وتلاقي جماعة قدامك
رفا: زين عمر وش سالفته؟ ليه كذا طيب معاك شكله غلط بينهم
جوجو: الحين يعلمكم سالفه
وجلسو وعمر قعد يقول نفس سالفة الي قالها لجوجو
عمر: ومن بعدها الكل صار يحسبني معاهم وجوجو من حسن نية كانت بتساعدني بس تورطت
نور: والله سالفتك تبط الجبد زين جوجو شنو سالفتك؟
وقالت لهم شلون تورطت وهي وش جابها والى بس ماقالت لهم عن قبيلتها والى
عمر: انتي كويتيه صح؟
نور: ايه عايشين هني انا واختي عشان شغلنا حنا نشتغل ماركتق في الاعلانات وشركات حنا توم
عمر: وانتي يارفا
رفا: انا ماعندي شي جيت هنا طبيعي عشان اشتغل وانخطفت
جوجو بهمس لعمر: لا يغرك الي قاعده تقوله ترا حياتها تفقع المراره
عمر: وانتي يا...
روبي: روبي... ماعندي قصة ولا عندي شي عايشة حياتي طبيعي
رفا بهمس لجوجو: احسها نسره
جوجو: نسره على ايش؟
ورفا غمزت وهي تأشر لعمر وفهمت
جوجو: يابنت انتي تشبكيني مع رايح والجاي
انوار: الى شنو اسماء العصابة الغريبه هاي
جوجو: مهل الي اول واحد شفتوه والقصير مصلح ودب قحص وفي واحد اسمه سلطان اخو مهل ورشاش الي قبل شوي تهاوشت معه وهو الي مسوي العصابة ذي وعمر الي جنبي
روبي بهمس لنفسها: والي شكلي خقيت عليه
جوجو ناضرت لها نضره تخوف
مصلح: هيه انتم امشو رشاش يبيكم
جوجو: خير
رشاش: خيرين اجلسو ، اسمعو انا عندي خطه اذا ضبطت نفس مني حاسبها بترجعون لبيوتكم
انوار: جد اخلص قول
رشاش: راح نسرق بنك وراح اخليكم رهاين لشرطه وراح اهدد اني بولع دنيا اذا ماخلونا نمشي وبعدها كل واحد يطس عنذ اهله وحنا بنهج
وجوجو ناضرت عمر وعمر نفس شي
رفا: على كيف امك...
سلطان: باسس!! بس يامراء لا تعلين صوتك على رجاجيل
رفا: رجاجيل وين رجاجيل بالموضوع
وعمر مسك ضحكته وروبي نفس شي
ومصلح كان بيحط سلاح على راسها بس جوجو مسكته
جوجو بعصبية: روق ، امشو يلا
ورجعو لصالة
جوجو: اسمعو عندي خطه اطلعكم فيها
انوار: تكفين قولي مني طايقه القعده معهم
جوجو: راح اطلعكم اليوم بليل بطريقة وعمر بيساعدني مين فيكم تعرف تسوق؟
وانوار ونور رفعو يدينهم
جوجو: زين عمر انت بتدبر سياره على بعد المغرب يكونون هجدو جب سياره تشيلهم كلهم ووقفها عند *** وبعدها بنطلع بليل كلنا وانا بضبط الوضع على انكم نايمين وبنوديكم لمكان سياره وبعدها هجو لرياض وبنعطيكم فلوس انا مخزنتها وعندي شرط... لا تبلغون شرطة تكفون
نور: اوكيه حنا موافقين
رفا: واكيد بتجين معانا
جوجو: مني جايه
رفا: جوجو تمزحين عادي عندك تعيشين بذا العذا..
جوجو: انا بطلع بنفسي
روبي: بس انا ماابي اروح
جوجو: وليه ياحضي
روبي: اخاف انصاد
جوجو: اقول انتي حاطتلي فول ميكب وتبين تقعدين تراني عارفه وش تبين انقلعي عند اهلك احسن من اني اذبحك
وناضرت لها من فوق لتحت
جوجو: موافقين
كلهم: موافقين
عمر: خلاص اوكيه
وانتضرو لين المغرب وعمر طلع بدس
جوجو: انتبه احد يشوفك وانتم هدوء لين يرجع عمر
وقعدو هادين وبتوتر وعمر تأخر شوي لاكنه رجع وجوجو مسكته اول مادخل
جوجو بصوت واطي: وش فيك تأخرت
عمر: مالقيت سياره زي ناس قعدت افر وبغيت انقفط
جوجو: زين امش
نور بهمس لرفا: احسهم يحبون بعض
رفا: حتى انا
جوجو: زين اسمعوني بننتضر لين ساعه 1 عشان اتأكد انهم نايمين وبعدها بنبدء الي اتفقنا عليه
رشاش: مجتمعين على نبي ، وين بتنامون؟
نور: يعني وين اكيد على القنفه
رشاش: وش قنفه
جوجو: كنبه
رشاش: زين على رحاتكم
نور بصوت واطي: ياشلايتي
ومسكو ضحكتهم ورشاش خسرهم
وعمر ضحك ضحكه خفيفه وروبي تنحت
جوجو: بنت
روبي: هها خير
جوجى: وش فيك
يتبععع..