《အခန်း-၈》
『ဇာတ်လိုက်မင်းသား နာကျင်ခံစားနေရတယ်!!!!』
_______×_______
"ဒီဓားကြီးကဘာလုပ်ဖို့လဲ"
"အရှင့်သားမှာ အန္တရာယ်တစ်ခုခုကြုံလာရင် ကိုယ့်ကိုယ်ကို ကာကွယ်ဖို့လေ"
"ငါ့မှာ ကိုယ်ရံတော်ဖြစ်တဲ့မင်းရှိနေတာပဲ ။ ဒါတွေကလိုအပ်လို့လား"
"ဒါပေမယ့် ရှင်ဘုရင်ဖြစ်လာတဲ့အခါ အရေးကြီးတယ် အရှင့်သား ။ ကျွန်တော်မျိုးက အရှင့်သားရဲ့ ဘေးမှာအချိန်ပြည့် ရှိနေနိုင်မယ်လို့ အာမ မခံနိုင်ဘူးလေ"
"ဒါနဲ့ နေပါအုံး ။မင်းကငါ ကိုယ်ခံပညာမတတ်တာကို ဘယ်လိုသိတာလဲ"
ထိုစကားကြောင့် ဇာတ်လိုက်မင်းသားက ဟက်ဟက်ပက်ပက်ရယ်သည်။
ဘာလဲ ငါပြောတဲ့အထဲမှာ ရယ်စရာပါသွားလို့လား ။
"အရှင့်သား ကိုယ်ခံပညာမတတ်တာကို နန်းတွင်းတစ်ခုလုံးသိကြတယ်"
"အော်.."
ဟုတ်တာပဲ ။ အဲ့တာကြောင့်လဲ Villain King က ခဏခဏ လုပ်ကြံခံရတာ ။
"အရှင့်သား သင်ယူမယ်မဟုတ်လား"
"ကောင်းပြီ"
လက်ထဲကို ဓားတစ်ချောင်းလှမ်းပစ်ပေးသည်။
ထို့နောက် ခန္ဓာကိုယ်ကို အသင့်အနေအထားဖြင့် တိုက်ခိုက်ဖို့ပြင်သည် ။
"အရှင့်သား ဓားကိုင်ပုံက မှားနေပါတယ်"
ဓားကို တည့်တည့်ကြီးကိုင်ထားတဲ့ သူ့လက်ပေါ်ကို လာပြီးအုပ်ကိုင်တဲ့ ဇာတ်လိုက်မင်းသားရဲ့ လက်အစုံ ။
"ဒီလိုမျိုး..."
အခု Taehyung က Jungkook ရဲ့ ရင်ခွင်ထဲမှာ။
Jungkook ရဲ့လက်တွေက Taehyung ရဲ့လက်တွေပေါ်ကို ထပ်ကိုင်ထားသည်။
"ပြီးရင် ဓားကို ဒီလိုမျိုး လွှဲရတယ်"
စာမရေးတတ်တဲ့ကလေးငယ်တစ်ယောက်ကို လက်မိုးကာစာရေးသင်ပေးသလိုမျိုး သူ့ကို ဓားရေးသင်ပေးနေတဲ့ ဇာတ်လိုက်မင်းသား။
ရင်ခွင်ထဲကနေပြီး အခုလိုမျိုးကြီးနေနေရတာ တစ်မျိုးပဲ ။
ခံစားချက်ကြီးက ဘယ်လိုမျိုးလဲ ပြောမပြတတ်တော့ဘူး ။
YOU ARE READING
Villain King And His Boyfriend (Completed)
Fanfiction"ဒီ Systemထဲကနေငါ့ကိုကယ်ထုတ်ပေးကြပါ!!!" Type-System Start Date- 17.1.2022 End Date-27.7.2022 Written by NiNi.. Cover Art by KiKiBin
