تعالي الي عالمي || Come to my world ♡

بارت 2

اركان بصدمه كبيره/مش معقول ديه اوليفيا طب ازاي ديه من البشر لا انا لازم اخدها المستشفى بسرعه
اركان خدها المستشفى ودخلها وكشفوا عليها وقالوا انها اغمي عليها بسبب ضغط نفسي فضل اركان معاها لحد ماصحيت
ميرال بالم/اهاااا دماغي انا فين
اركان بهدوء /حمدالله على سلامتك انتي في المستشفى
ميرال بخضه/عاااااااااا انت اللي قتلتهم ابعد عني
اركان راح حط ايده علي بوقها عشان متصوتش
اركان ببرود/اهدي مش هعملك حاجه انا كنت بساعدك
ميرال بعصبيه /اممممممم
اركان باستغراب /بتقولي ايه
ميرال بعصبيه /اممممممم
اركان باحراج/اه انا اسف شلت ايدي اهو بتقولي ايه بقي
ميرال بعصبيه /بقول مش تموتهم كنت بعدتهم عني بس وبعدين انت ازاي بتشرب دم يالهوي انت vampire
اركان ببرود/علي اساس انك مش عارفه يعني
ميرال باستغراب /عارفه ايه
اركان ببرود/بطلي استعباط يا اوليفيا
ميرال باستغراب /اوليفيا مين انا ميرال مش اوليفيا
اركان/لا اوليفيا ومتستعبطيش
ميرال بعصبيه /ايه متستعبطيش ديه ماتحترم نفسك وبعدين انا اعرفك منين عشان استعبط وبعدين انا ميرال مش اوليفيا اكيد انت بتشبه بس وبعدين وسع كده انا عايزه اروح
اركان ببرود/تعالي يلا عشان اوصلك
ميرال ببرود/شكرا مش عايزه انا هروح لوحدي
اركان ببرود/براحتك
قامت ميرال وخرجت من المستشفى ومشيت وفضل اركان ماشي وراها
____________________________________
في الشارع
ميرال ماشيه وخايفه لانها لوحدها وكمان الوقت متاخر والشارع ضلمه
ميرال بخوف/ايه الرعب ده بقي هو انا ايه اللي خلاني اعاند معاه غبيه ياميرال كنتي سمعتي كلامه وخلاص
وفجأة سمعت صوت كلب بيهوهو راحت مصوته وطلعت تجري واركان كان ماشي وراها وشافها وقعد يضحك عليها
اركان بضحك/وربنا ديه مجنونه بس لازما اتاكد هي ديه اوليفيا فعلا ولا ميرال
وفضل ماشي وراها لحد ماروحت وبعدين روح هو
__________________________________
في شقه البنات
دالين بقلق/هي فين ده كله الساعه 1وهي لسه مجتش
انا خايفه اووي
ميرنا بخوف /اهدي يادالين انا بتصل عليها اهو
فجاه سمعوا الباب بيخبط راحت فتحت دالين لاقتها ميرال راحت حضنتها جامد
دالين بفرحه /حبيبتي الحمدلله انك كويسه كنتي فين ده كله
ميرنا /كنتي فين ياميرال قلقتينا عليكي ومالك شكلك تعبان كده ليه
ميرال بتعب/طب دخلوني وانا هحكيلكم كل حاجه
دخلوا وقعدت ميرال تحكلهم اللي حصل معاها
دالين بصدمه/مش معقول ده vampire بجد
ميرنا /مفيش الكلام ده مفيش حاجه اسمهاvampire اصلا
ميرال /انا قولت كده وان كان بيتهيالي عشان تعبانه بس
ميرنا بهدوء /ايوه ياحبيبتي يلا روحي ارتاحي شويه
دالين/صحيح احنا سبنا الشركه
ميرال بصدمه/ايه ده هي زعقتلكم انتوا كمان
دالين/لا عشان طردتك واحنا المكان اللي منبقاش فيه كلنا يبقي بلاه احسن
ميرال بضحك/مش معقول بتضحوا عشاني ياحبايبي
ميرنا بضحك/خشي يابت نامي يلاعشان ندور علي شغل بكره
ميرال بضحك/اوامرك يافندم
دالين/يلا تصبحوا علي خير
ميرنا/وانتي من اهل الخير
وراحوا البنات اوضهم عشان يناموا
_____________________________________
في القصر
وصل اركان وكان تعبان وكان طالع على اوضته بس اتفاجا ان القصر كله ضلمه بس محطش في باله وكان طالع على السلم وفجأة النور اتفتح
ياماش بعصبيه/كنت فين يااركان كل ده
اركان ببرود/كنت بتمشي شويه فيها حاجه
ياماش بعصبيه/هتطبل برودك ده امتي على فكره يامان من ساعه مادخل اوضته وهو مش راضي يكلم حد خالص روح وضحله سبب قتلك ليها انا متاكد ان في سبب يااركان انا عارفك مهما كان مدي كرهك للبشر مش هتقتلهم غير لما يكون في سبب
اركان ببرود/مفيش سبب انا قتلتها لان هي تستاهل القتل
ياماش ببرود/مش عليا الكلام ده
اركان ببرود/براحتك متصدقش انا طالع انام تصبح على خير
ياماش بقله حيله/وانت من اهل الخير
وطلع اركان على اوضته وهو ماشي عدا على اوضه يامان وكان عايز يدخله بس مرداش عشان هيضطر يقوله الحقيقه غمض عينه بالم وراح علي اوضته
______________________________________
في اوضه يامان
كان قاعد وبيعيط وماسك صور حبيبته وحواليه صور كتير ليها
يامان بعياط/وحشتيني اووي ياحياتي نفسي اشوفك ولو مره واحده انا مش عارف ليه اركان موتك وبعدك عني بس وحياتك ماهسيبه يتهنا بحياته وهخدلك حقك ياحوريه قلبي انا اسف اني معرفتش احميكي منه سامحيني ياقلبي سامحيني ياروحي
وفضل يامان بيعيط وماسك صورتها وحاضنها لحد مانام من التعب
_____________________________________
في اوضه اركان
اركان سامع كل كلمه بيقولها يامان وزعلان جدا علي صاحبه بس مش قادر يقوله الحقيقه هيقوله ازاي ان حبيبته كانت متفقه مع اعداهم عشان تقتله وتخلص منه هيقوله ازاي ان حبيبته بتخونه ومكنتش بتحبه هيقوله ازاي ده كله
اركان بعصبيه/انا تعبت بقي انا قتلتها عشانه وهو فاكر اني غلطان ومعقد لا انا لازم اقوله بكره هقوله كل حاجه عشان ميوهمش نفسه بحبها ويفضل يتعزب عشان واحده زباله زيها ايوه انا لازم اقوله
وفضل قاعد بيفكر هيقوله ازاي الموضوع ده لحد مانام من التعب
_____________________________________
تاني يوم الصبح في بيت البنات
صحيت دالين وغيرت هدومها وراحت صحت البنات وسابتهم وراحت عملت الفطار وقعدوا يفطروا
ميرنا بهدوء/طب دلوقتي احنا هنروح شركه ايه نقدم فيها
ميرال بهدوء/انا سمعت عن شركه اسمها اركان العميري وكانوا طالبين سكيرتيرات وكده وانا الصراحه نفسي اشتغل فيها ديه شركه كبيره اوي
دالين /خلاص يلا نروح نشوف ويارب نتقبل
ميرال/باذن الله هنتقبل يلا بينا
ميرنا/يلا
ونزلوا البنات وراحوا الشركه
_____________________________________
في القصر
صحي اركان وغير هدومه ونزل ولاقه ياماش ويامان بيفطروا
اركان بهدوء/صباح الخير
ياماش بابتسامة/صباح النور رايح فين كده
اركان بهدوء/الشركه مش هتيجوا
ياماش/طبعا هنيجي
يامان ببرود/انا مش جاي وعايز افضي الشراكه معاك يا اركان عشان همشي
ياماش بصدمه/نععععععععم ده عندها حضرتك
اركان بسخريه/هتفضي الشراكه مابينا عشان حتت بت
يامان بعصبيه/احترم نفسك ومقولش عليها بت مش كفايه ان بسبب عقدتك موتها وبعدتها عني
اركان بعصبيه/انا موتها عشان كانت بتخونك يا استاذ وكانت بتمثل عليك الحب موتها لانها كانت متفقه مع التان عشان تقتلك قتلتها عشان خايف عليك مش عشان معقد زي مانت بتقول اطلع بقي من الوهم اللي انت فيه ده بقي انا ماشي
ومشي اركان وفضلوا الاتنين واقفين مصدومين
ياماش بصدمه/مش معقول كل ده حصل انا كنت متاكد ان في سبب بس مكنتش اتوقع كده
يامان بصدمه/انا مش مصدق حوريه تعمل فيه كده طب ليه دانا كنت بحبها ليه تعمل كده
ياماش بحزن/معلش ياصاحبي بكره تلاقي اللي تحبك بجد
يامان بحزن/انا ظلمت اركان اوووي ياياماش انا عايز اعتزرله
ياماش بمرح/طب يلا نروح الشركه عشان تعتزرله وعشان نشوف شغلنا وعايزين نرجع لحياتنا بقي وهزارنا وحشتني الايام ديه والله يابرعي
يامان بضحك/يلا ياخويا يلا
وراحوا الاتنين علي الشركه
______________________________________
في الشركه
وصلوا البنات ودخلوا وكانوا مستنين لحد مايجي المدير
ميرال بزهق/انا زهقت كل ده المدير جاي هو جاي زحف ولا ايه اما ده معندوش دم صحيح
دالين/عادي بقي مش غني يدوس علي الفقير
ميرنا ببرود/علي نفسه الكلام ده شويه كده مجاش نمشي بقي
ميرال/ماشي
_____________________________________
في مكتب اركان
كان قاعد بيشتغل وحس بيهم معاه في الاوضه
اركان ببرود/نعم عاوزين ايه
ياماش بحزن مصتنع/نفسي اعرف انت بتعرف ازاي اننا معاك في الاوضه
اركان ببرود/انت عبيط بحس بيكم وبشم ريحتكم
يامان بضحك/هو احنا ريحتنا معفنه يا ياماش
ياماش بضحك/تقريبا كده بقلنا 150 سنه مستحمناش
يامان بضحك/مش كتير يعني هنا قريب
اركان ببرود/انتوا جاين تهزروا هنا اخلصوا عايزين ايه
قرب يامان من اركان ووقف جمبه
يامان بحزن/انا اسف يااركان والله مكنتش اعرف اسف اني ظلمتك بجد انا اسف يعني سامحني ياصاحبي
اركان ببرود/دلوقتي افتكرت ان ليك صاحب داحنا مع بعض بقالنا300 سنه وحتت بت عرفتها في كام يوم تخليك عايز تقتل صاحبك
يامان بعياط/انا آسف والله حبها كان عاميني سامحني
اركان صعب عليه صاحبه راح قام وحضنه وقعد يهديه
اركان بهزار/بتعيط ليه دلوقتي هااا بطل عياط مفيش راجل بيعيط انا مش عارف انت طالع قلبك رقيق كده لمين
ياماش بضحك/قلبه قلب خصايه
اركان بضحك/علي رايك والله
ياماش بغيظ/بطلوا ضحك عليا
اركان بهدوء/حاضر بس صحيح انا نسيت احكيلم امبارح حصل حاجه غريبه معايا
ياماش باستغراب/حاجه ايه
قعد اركان حكلهم اللي حصل معاه وعن ميرال اللي فاكرها اوليفيا
يامان باستغراب/اكيد ديه مش اوليفيا اوليفيا ماتت من زمان
ياماش بهدوء/اكيد انت كنت بيتهيالك بس
اركان/ممكن فعلا عشان الاحداث اللي حصلت امبارح كنت تعبان فاممكن يكون بيتهيالي
يامان/طيب يلا نروح علي مكاتبنا ونشوف الموظفين الجدد
ياماش/اوك يلا
وراح كل واحد علي مكتبه
____________________________________
عند البنات
ميرنا بغيظ/لا كده كتير يلا نمشي
دالين/طب استنوا شويه طيب
ميرال بزهق/لا يلا نمشي
ولسه هيقوموا السكرتيره ندهت عليهم
السكرتيره/الانسه ميرال والانسه ميرنا والانسه دالين
البنات/ايوه احنا
السكرتيره/اتفضلوا انسه ميرال ادخلي المكتب اللي في الوش ده والانسه دالين المكتب اللي في الشمال والانسه ميرنا المكتب اللي في اليمين
البنات/تمام
وراحوا البنات المكاتب اللي السكرتيره قالت عليها
_____________________________________
دخلوا البنات الاوض وقعدوا واول ما الشباب شافوهم اتصدموا
اركان بصدمه/هو انتي
يامان بصدمه/مش معقول انتي........
ياماش بصدمه/ايه ده انتي.......

ياتري ليه الشباب اتصدموا هنعرف في الحلقه الجايه😊

تعالي الي عالمي❤

MAIILY 💘
رايكم يهمني