ميرنا ودالين/عاااااااااااااا
اركان بصدمه/لا مستحيل تكون ماتت
جريوا كلهم علي ميرال وكانت واقعه علي الارض وكانت كلها دم وميرال مش بتتنفس
دالين بانهيار/ميررررال لا متموتيش قومي ياحبيبتي متسبيناش قومي
ميرنا بعياط /انا السبب انا كنت حاسه ان حاجه هتحصل بس طنشت
ياماش بسرعه/احنا لازم ناخدها المستشفى بسرعه عشان نلحقها
يامان/انا هروح اجيب العربيه واجي
اركان فضل واقف مصدوم من الموقف ومش مصدق انها ممكن تكون ماتت
اركان بحزن/لا مستحيل تموت مش هي واوليفيا لا مستحيل انا مش هقدر اعيش بزنب الاتنين لاااا
ياماش لاحظ اركان وانه مصدوم من اللي شافه
ياماش بهدوء /متخافش باذن الله هتبقي كويسه
اركان بحزن /يارب يا ياماش انا مش هقدر اعيش بزنب الاتنين انا للدرجادي فاشل مش قادر احمي حد
ياماش بحزن /متقولش كده احنا مكناش نعرف انه هيحصلها كده
جيه يامان بالعربيه وخدوها وراحوا المستشفى
_____________________________________
في المستشفى
دخل اركان وهو شايل ميرال وغرقانه في دمها
اركان بعصبيه/دكتوره يابهايم بسرعه
الدكتوره بخضه/خير حضرتك مالها
اركان بعصبيه /وانا لوهعرف مالها هجبها ليه اصلا شوفيها اخلصي بتموت
الدكتوره بخوف /ححاضر حطها هنا في الاوضه ديه
دخلها اركان الاوضه وخرج وكانوا كلهم واقفين متوترين
_____________
عند يامان ودالين
يامان واقف بعيد متابع دالين وزعلان عليها ومستغرب قد ايه هي بتعيط عشان صحبتها للدرجادي بتحبها للدرجادي هي غاليه عليها قرب منها وقعد جمبها
يامان بحنيه/ماتخافيش باذن الله هتبقي كويسه
دالين بعياط/يارب يا يامان انت متعرفش ميرال غاليه عندي قد ايه انا بعتبرها بنتي مش صحبتي يالوتعرفها هتحبها اووي بروحها الحلوه وهزارها يارب تبقي كويسه عشان انا مش هستحمل انها تبعد عننا ابدا
يامان بحزن /ادعيلها وهي هتبقي كويسه انا اللي سمعته من اركان عنها بيقول انها قويه وانها هتستحمل
دالين بحزن /ربنا يقومها بالسلامه
يامان بابتسامة /لا بس انتي اول مره تقوليلي يامان من غير بيه
دالين بكسوف/انا اسفه يايامان بيه مكنش قصدي انا مش عارفه انا بقول ايه
يامان بسرعه/لا انا مش عايزك تقولي بيه ديه اصلا عايزك تقوليلي يامان بس وياريت نبقي صحاب
دالين بكسوف /اكيد طبعا يايامان بيه قصدي يامان اكيد نبقي صحاب
يامان بهدوء / تعالي نشوف ميرال
دالين بلهفه /يلاا
_______________
عند ياماش وميرنا
ياماش كان واقف مع اركان ولاحظ ان ميرنا مش موجوده استغرب اختفائها المفاجئ راح قعد يدور عليها لحد مالقاها قاعده في اوضه لوحدها وبتعيط دخل وقعد جمبها
ياماش بهدوء/ميرنا
ميرنا لاحظ وجوده راحت مسحه دموعها بسرعه قبل مايشوفها
ميرنا بصوت مبحوح/نعم ياماش بيه في حاجه
ياماش بهدوء /بتخبي دموعك ليه
ميرنا بحزن /مش بخبيها عادي يعني
ياماش بهدوء /ميرنا عيطي انا مش هقولك متعيطيش بالعكس عيطي هترتاحي بصي الصراحه انا مستغرب خوفكم عليها انتي ودالين للدرجادي انتم بتحبوا بعض
ميرنا بعياط /احنا مع بعض من الطفوله ولوحد مننا حصله حاجه بنموت عليه يعني انت مثلا لو اركان بيه او يامان بيه حصلهم حاجه مش هتزعل
ياماش بضحك/وحياتك لو بيفرفوا قدامي ولا هيتهزلي شعره دول جبله معندهمش دم اصلا
ميرنا ضحكت بحزن/عارف انت بتفكرني بميرال كانت في عز ما احنا قاعدين زعلانين وبنعيط نلاقيها ديه طلعه مره واحده بحاجه تموتنا ضحك
ياماش بضحك/لا بقي دانا لازم اتعرف على ميرال اكتر عشان ده انا مصدقت لاقيت واحده هبله زي
ميرنا بضحك/عارف ميرال لوكانت موجوده وسمعتك بتقول عليها هبله كانت بهدلتك
ياماش بضحك/ايوه كده اضحكي باذن الله هتبقي كويسه متخافيش ده علي اللي انتي بتقوليه عليها وانها تبهدلني يبقي ديه قويه ومفتريه وهتستحمل
ميرنا ضحكت علي كلامه وهو ضحك معاها
ياماش بهدوء /ممكن بقي نبقي صحاب انا عارف انه مش وقته بس اهو انا بحب استغل الفرصه هاا موافقه
ميرنا بابتسامة /موافقه طبعاً يا ياماش بيه
ياماش بحزن مصتنع/ابوس ايدك متقوليش بيه ديه تاني بيه ايه وزفت ايه بتحسسيني اني عندي 100سنه
ياماش بنفسه/والله البت ديه صعبانه عليا هيحصلها ايه لوقلتاها اني عندي299سنه مش 100
ميرنا بضحك /خلاص ياياماش مش هقول بيه انا اصلا مش بحب الالقاب وكنت بقولها من تحت الدرس اصلا
ياماش بابتسامة /طب يلا نروح نشوف ميرال
ميرنا بهدوء /يلاا
_________________
عند اركان
واقف سرحان وقلقان علي ميرال وبيقنع نفسه ان هو السبب في اللي حصلها
اركان بحزن /انا السبب لولا ان انا قولت للموظفه انها تنزل الجراش مكنش حصلها حاجه فيها ايه لوكنت ختها من الشركه يارب قومها باسلامه وانا هفضل جنبها علي طول وهحميها لحد مانخلص من اللي احنا فيه مش عايز يحصلها زي اوليفيا مش هستحمل انا لحد انهارده عايش بزنب اوليفيا واني معرفتش احميها هتبقي ميرال كمان لا مستحيل
وفجأة افتكر اركان الموظفه اللي قالها تخلي ميرال تنزل الجراش
اركان باستغراب /ثانيه واحده هي الموظفه ليه مكلمتنيش تقولي ان ميرال تحت مع اني قولتلها انا لازم اروح الشركه ودلوقتي
خرج اركان من المستشفى وراح الشركه
____________________________________
في الشركه
وصل اركان وشكله ميبشرش بالخير ومتعصب جدا
اركان بعصبيه /فين الزفته اللي قولتلها تخلي ميرال تنزل الجراش
الموظفه بخوف /ااناا يا اركان بيه خير في حاجه
اركان بعصبيه شديدة/هو انا مش قولتلك ان لما ميرال تيجي تقوليلي بسببك ميرال في المستشفى مابين الحيا والموت مقولتليش ليه مش منبه عليكي
الموظفه بخوف /والله اتلهيت في الشغل ونسيت اقول لحضرتك
اركان بعصبيه /نسيتي هو ايه اللي نسيتي انت مطروده
الموظفه برعب/بس يابيه
اركان بعصبيه /سمعتي قولت ايه ولوشوفت وشك تاني هموتك برررررره
الموظفه خافت ولمت حاجتها ومشيت واركان رجع المستشفى تاني
____________________________________
في المستشفى
كانوا كلهم واقفين قدام اوضه ميرال ماعدا اركان
يامان باستغراب /ياماش متعرفش فين اركان
ياماش بهدوء /لا تلاقيه تحت ولا حاجه
اركان ببرود/انا هنا اهو
يامان بهدوء /كنت فين
اركان ببرود/في الشركه
ياماش باستغراب /في الشركه ليه
اركان ببرود/طردت الموظفه اللي كنت قايلها انها تخلي ميرال تنزل الجراش
يامان /ربنا يهديك يا اركان
وهما بيتكلموا خرجت الدكتوره وكلهم جريوا عليها
دالين بلهفه /ميرال كويسه صح
ميرنا بلهفه /قولي ان ميرال عايشه ومامتتش
الدكتوره بهدوء /اهدوا هي كويسه بس هي نزفت كتير اووي وكان جسمها مليان جروح كبيره وكمان قلبها وقف كذا مره بس هي باين عليها قويه ومش عايزه تسيبكم حمدالله على سلامتها
دالين بفرحه /الحمدلله يارب الحمدلله
يامان بابتسامة /مش قولتلك ميرال قدها
ميرنا بفرحه /الحمدلله يارب عاشت ياياماش مسابتناش
ياماش بضحك/مش قولتلك ديه قويه ومفتريه ومش من السهل تموت
اركان اول ماسمع انها عايشه غمض عينه وحس براحه وفرح انها عاشت
دالين بلهفه/طب احنا ممكن ندخلها
الدكتوره/اكيد هي صاحيه دلوقتي
ياماش/شكرا جدا
دخلوا كلهم عند ميرال واول مادالين وميرنا شافوها جريوا عليها حضنوها
دالين بعياط/كده كنتي هتسيبينا
ميرال بضحك/اهو انا محبكيش تعيطي علي حاجه
دالين باستغراب/ليه
ميرال بضحك/بتبقي عامله شبه ستي الندابه اللي بتندب علي حظها
دالين بغيظ/ماشي ياميرال والله لولا ان مفيش حته في جسمك سليمه كنت ضربتك
ميرال بضحك/اتنيلي انتي بتعرفي تضربي نمله عشان تضربيني
ياماش بضحك/والله ميرنا كان معاها حق لما قالت عليكي مسخره
ميرال بضحك/ده اقل ماعندي والله عشان تعبانه بس
يامان بضحك/ايه ده هو في اكتر من كده
ميرنا بضحك/يااااا كتير دانتوا مشفتوش ميرال لما بتجنن والله ميرال ديه ورده البيت
ميرال باستغراب /ميرنا انتي سخنه
ميرنا باستغراب /لا ليه
ميرال بضحك/اصلك بتقولي عليا ورده البيت الله يرحم لما كانت الورده ديه علي شبشبك وكنتي بتجري ورايا وعايزه تضربيني بيه
كلهم ماتوا من الضحك عليها وقد ايه هي فرفوشه
(وانا كمان ضحكت والله ميرال ديه مسخره)
ميرنا بضحك /دانتي قلبك اسود اووي
ميرال بضحك /قلبي اسود ايه وفحلوقي ايه بس ده الشبشب معلم لحد دلوقتي علي قفايا
دالين بضحك /ميرال انتي مهيبره علي الاخر انهارده هو انتي لسه تحت تاثير البنج ولا ايه
ميرال ببرود/غوري يابت
اركان بهدوء /ممكن تخرجوا عايز اتكلم مع ميرال شويه
كلهم /حاضر
خرجوا كلهم وقرب اركان من ميرال وقعد جنبها وهي كانت متوتره جدا
اركان بهدوء /انا اسف يا ميرال انا السبب في اللي حصل لولا ان انا قولت للحيوانه اللي بعتتك انك تنزلي الجراش مكنش حصلك كل ده
ميرال بهدوء /لا يا اركان بيه مش انت السبب هو قدر ومكتوبلي يحصلي كده متحطش الزنب عليك
اركان بهدوء /يعني مش زعلانه مني اني نزلتك تحت
ميرال بابتسامة /لا هزعل ليه ده قداء ربنا انت ملكش دعوه
اركان بابتسامة /طب ممكن بلاش بيه ديه ونبقي صحاب
ميرال بضحك/اكيد طبعا طب انت عارف انا وقتها للحظه كنت فكراك هتخليني امسح العربيات عشان التاخير
اركان بضحك/لا مش للدرجادي يعني
واقعدوا يضحكوا مع بعض ويهزوا وفجأة الباب خبط
اركان بهدوء /ادخل
اتفتح الباب وظهر اللي وراه
اركان وميرال بصدمه/ايه ده.......
ياتري مين اللي جيه هنعرف في الحلقه الجايه 😊
تعالي الي عالمي❤
MAIILY 💘
رايكم يهمني
أنت تقرأ
تعالي الي عالمي || Come to my world ♡
Vampirosمصاصي دماء يقعون في حب بشر ولكن القدر يشاء ان تجمعهم بطريقه غريبه فماذا سوف يحدث❤
