معشوقه السيف
البارت 13
حاله من الحزن سيطرت على الجميع وكلهم قاعدين فى المستشفى محمد اياد دخله اوضه يقعد فيها عشان تعب أما سيف فاهو قاعد على الأرض قدام اوضه العنايه المركزه وعمال يقراء لهالى قراءن أما اياد فاهو قاعد مع عشق المنهاره بعد ما اياد راح جابها من البيت وحكالها اللى حصل
بعدها بكام ساعه الدكاتره كلهم جريو على اوضه هالى
سيف_هما بيجرو كده ليه هالى حصلها حاجه يارب نجيها يارب رجعهالى انا مصدقت لقيتها
وكلهم وقفو قدام باب العنايه المركزه لحد اما الدكتور خرج وعلى وشه ابتسامه
سيف_خير يادكتور هالى مالها
الدكتور _حالتها استقرت واتحسنت ودلوقتي هينقلوها اوضه عادى
سيف_طب هقدر اشوفها امته
الدكتور اول ما تفوق تقدر تشوفها براحتك
سيف_انا مش لسه هستنى لحد اما تفوق انا لازم اشوفها دلوقتي
الدكتور تمام خلى الممرضه تحهزك وتدخلك ليها خمس دقايق بس عشان بعدها تروح اوضه عاديه
سيف_تمام
سيف اتجهز ودخل لهالى اول ما دخل زعل جدا على شكل هالى وهيا متوصله على الاجهزه وراح قعد قصادها ومسك ايديها
سيف ببكاء _مكنتش اعرف انك بتحبينى قوووى كده لدرجه انك تموتى مكانى يارتنى أنا كنت خدت الطلقه مكانك ومكنتش شوفتك فى الحاله دى ياحبيبتي
وبعدين فوقى بقا بسرعه ووعد اول ماتفوقى مش هعمل حاجه تزعلك ومش هقول عليكى طفله تانى اما تتطلبى ايس كريم وهاخدك الملاهى على طول بس فوقى ياقلبى انا مش مستحمل اشوفك فى الحاله دى انا أما شوفتك واقعه قدامى ومش قادر اعمل حاجه كنت بموت ياروحى اول مره احس بالعجز أنا كنت عايش الدنيا بالطول والعرض لا فى دماغى حب ولا اى حاجه جيتى انتى غيرتى كل حاجه اتعودت على وجودك فى حياتى اتعودت اشوفك كل اليوم الصبح فى الشركه انتى بقيتى نقطه ضعفي ياهالى صدقينى من غيرك اموت كان يتكلم وهو يبكى ونايم على ايد هالى اللى ماسكها فجأه حس بأيد بتلعب فى شعره رفع رأسه لقى هالى فاقت ومبتسمه
هالى بصوت واطى اثر التعب _مفيش هالى من غير سيف بحبك قوووى
سيف حضنها جامد وفضل يحمد ربنا أنها معاه ورجعتله بخير
________________________
صباح يوم جديد هالى انتقلت اوضه عاديه وسيف مش مفارقها خالص سليم جه هو وساره
ساره_عامله اى ياحبيبتي دلوقتي
هالى _احسن الحمدلله
ساره_اومال فين عشق
هالى_نزلت الكافيه اللى تحت هيا واياد يجيبو فطار وقهوه
ساره_تمام
سليم لمحمد_ممكن اتكلم معاك شويه
محمد_طبعا ياحبيبى
سليم_انا مسامحك مش زعلان منك تعبت انى اكون لوحدى ومصدقت انى لقيت ليا حد فى الدنيا ومش هضيعك منى تانى يا بابا
محمد ببكاء وانا اوعدك انى مش هبعد عنك وهفضل فى ضهرك طول ما انا عايش
سليم_بس لازم برضو نعمل تحليلDNA عشان نتأكد بجد أن انا ابنك وانك ابويا
محمد _انا مش محتاجDNA عشان اعرف انك ابنى ولا لا انا حاسس بكده بس هريحك واعمل اللى انت عاوزه
وبعدها حضنه
هالى مستغربه اللى بيحصل قدامها ومش فاهمه حاجه
سليم_طبعا انتى مستغربه بس ياستى انا هفهمك وحكالها كل حاجه هالى_يعنى انا وانت دلوقتي اخوات صح
سليم_صح ياقمر
سيف_متقولش قمر بس عشان مزعلكش ومسك ايد هالى
سليم_ابعد ايدك عن اختى يلا
سيف _بقااا كده طب تعالى هنا
ياساره
سليم_لا ياكبير براحتك خالص انا بهزر
وكلهم ضحكو سليم لساره شكرا جدا انك فى حياتى لولاكى ولولا كلامك ليا انا مكنتش سامحت
Flash back
بعد ما سليم حكى لساره اللى حصل
سليم_انا زى ما اكون تايه يا ساره ومش عارف اعمل اى مش عارف افرح أن ليا حد فى الدنيا ولا ازعل على أن هو رمانى ولا اعمل اى
ساره_سليم ياحبيبى سامح باباك هو اكيد كان بيعمل كده عشان يحميك وهو باين عليه بيحبك قوووى وباين عليه تعب قوووى وهو بيدور عليك سامح وعيش حياتك ممكن بكره باباك بعيد الشر ميكونش موجود وترجع تقول ياريت اللى جرا ماكان
Back
ساره _ربنا يخلينا لبعض ياحبيبى
واياد وعشق طلعو وانضموا ليهم وانقضى اليوم فى الضحك والهزار بينهم وعدت الايام وهالى خرجت من المستشفى وسيف خد معاد من بابها واتفقوا أن قرايه الفاتحه اخر الاسبوع
يارب يكون البارت عجبكو
Mariem shrief & Omnia Ibrahim
